អគារ Nakagin Capsule Tower ត្រូវរុះរើជាផ្លូវការក្នុងខែនេះ

អគារ Nakagin Capsule Tower នៅ Chuo-ku ទីក្រុងតូក្យូ គឺជាស្នាដៃរបស់ស្ថាបត្យករ Kisho Kurokawa (១៩៣៤-២០០៧) ដែលល្បីទូទាំងពិភពលោកជាមួយនឹងការរចនាពិសេសប្លែក។ អគារដ៏ល្បីល្បាញនេះតំណាងឱ្យចលនា​ស្ថាបត្យ​កម្មជប៉ុន “Metabolism” ដែលសម្រេចដោយ Kurokawa និងសហការីរបស់គាត់។

សេចក្តីសម្រេចរុះរើ​អគារ​​ត្រូវ​បាន​ធ្វើ​ឡើងចាប់ពី​ថ្ងៃ​ទី ១២ ខែ​មេសា​ឆ្នាំ​នេះ។

អគារនេះត្រូវបានសាងសង់ដូចជាអាផាកមិនដែលបញ្ចប់ក្នុងឆ្នាំ ១៩៧២ ជាមួយនឹងការរចនាបន្ទប់អាចយក​ចេញ និងផ្លាស់ប្តូរបាន សរុបមានប្រហែល ១៤០ បន្ទប់។ អគារល្បីដោយសាររូបរាងខាងក្រៅមិនធម្មតា មើលទៅដូច​យានអវកាស ដូច្នេះទើបមានវត្តមានក្នុងគម្រោងខ្សែភាពយន្ត រូបថត ទូរទស្សន៍ វីដេអូតន្ត្រី ទស្សនាវដ្ដី ។ល។ មុន​ពេល​ជំងឺ​កូវីដ ១៩ ផ្ទុះឡើង ទីនេះ​ក៏​ជា​កន្លែង​មួយ​ដែល​ទាក់ទាញ​ភ្ញៀវ​ទេសចរណ៍​បរទេសផងដែរ។

ទោះខំប្រឹងប្តូរបន្ទប់នីមួយៗយ៉ាងណាក៏មិនអាចទប់ស្កាត់អគារចាស់ដែរ។ នៅទសវត្សរ៍ឆ្នាំ ២០០០ ធ្លាប់មានការពិភាក្សាជាច្រើនរវាងម្ចាស់កម្មសិទ្ធិអំពាវ​នាវ​ឱ្យរុះរើ និងសាងសង់ឡើងវិញ។ កាលពីខែមីនាឆ្នាំមុន ពួកគេបានសម្រេច​ចិត្តលក់អគារនេះទៅឱ្យភ្នាក់ងារអចលនទ្រព្យ។ ប្រជាពលរដ្ឋ​នៅ​ទីនោះ​បាន​ចាកចេញ​តាំងពី​ថ្ងៃទី​ ១០ ខែមីនា​។

ភ្នាក់ងារអចលនទ្រព្យនេះបានសហការជាមួយជាមួយការិយាល័យស្ថាបត្យករ Kisho Kurokawa និង “គម្រោង​អភិរក្ស និង​ធ្វើ​ឡើងវិញអគារ Nakagin Capsule Tower” (តំណាងដោយ Tatsuyuki Maeda) បានសម្រេចចិត្តបរិច្ចាគបន្ទប់មួយផ្នែកទៅឱ្យសារមន្ទីរ។ បន្ទប់ទាំងនេះគ្រោង​នឹង​ប្រើជាកន្លែងស្នាក់នៅ សរុបទៅពួកគេទទួលបាន​ប្រហែល ៨០ សំណើពីសារមន្ទីរ ក្រុមហ៊ុន និងបុគ្គលនានាក្នុងប្រទេសជប៉ុន និងក្រៅប្រទេស។​ អ្នកតំណាង Maeda បាននិយាយថា “យើងកំពុងពិភាក្សាជាមួយសារមន្ទីរឈានមុខគេលើពិភពលោកដូចជាគោលដៅបរិច្ចាគដំបូង” ។

Sacchan