តើច្បាប់យោធាជប៉ុនតឹងរ៉ឹងពេកទេ? ខណៈដែលសមាជិកកងកម្លាំងស្វ័យការពារម្នាក់ទទួលពិន័យព្រោះតែបរិភោគការី

កងកម្លាំងស្វ័យការពារជប៉ុនមានកាតព្វកិច្ចការពារប្រទេសជាតិ។ ហេតុ​តែហៅថាកងកម្លាំងស្វ័យការពារ ដើម្បីបញ្ជាក់​ពី​គោល​បំណង​ការ​ពារខ្លួន ប៉ុន្តែតាមពិតមុខងាររបស់កងកម្លាំងនេះដូចកងទ័ពអញ្ចឹង។

មិនថាច្បាប់យោធានៅប្រទេសណាសុទ្ធតែតឹងរ៉ឹង ប៉ុន្តែភាពតឹងរ៉ឹងនៃកងកម្លាំងស្វ័យការពាររបស់ជប៉ុនបាន​ឈាន​ដល់​កម្រិត​មួយ​ផ្សេង ដូចដែលបានបង្ហាញក្នុងហេតុការណ៍ថ្មីៗនេះ។

ករណីនេះពាក់ព័ន្ធនឹងសមាជិកម្នាក់នៃកងកម្លាំងស្វ័យការពារដែនសមុទ្រនៅ Kyoto មានអាយុប្រហែល ៤០ ឆ្នាំ។

បុគ្គលម្នាក់នេះហូបការីជា​រៀង​រាល់​សប្តាហ៍ក្នុង​រយៈពេល ២ ឆ្នាំ​ ហើយនៅទីបំផុតត្រូវ​ផ្អាក​​ការងារ ៤ ថ្ងៃ។

ម៉េចអញ្ចឹង? ប្រាកដណាស់មនុស្សជាច្រើននឹងមានអារម្មណ៍បែបនេះពេលអានព័ត៌មាន។

សរុបទៅ តើ​មាន​រឿង​អ្វី​កើត​ឡើង​ចំពោះ​ការី​របស់​បុរស​ម្នាក់​នេះ?

កងកម្លាំងស្វ័យការពារដែនសមុទ្រប្រតិបត្តិការច្រើនលើសមុទ្រ ហើយអាស្រ័យលើបេសកកម្ម ពេលខ្លះពួកគេត្រូវនៅក្នុងនាវាមុជទឹកក្រោមបាតសមុទ្ររយៈពេលយូរ។ ដើម្បីកុំឱ្យរំខានដល់ពេលវេលារបស់សមាជិក កងកម្លាំង​ដែន​សមុទ្រ​បាន​កំណត់​ស្តង់ដារ​ទទួល​ទាន​ការីរៀងរាល់​ថ្ងៃ​សុក្រ។

នេះជាឈុតអាហារការីរបស់ពួកគេ។

អាស្រ័យលើផ្នែកទទួលបន្ទុកអាហារនៅលើកប៉ាល់ ដូច្នេះចំណែកការីក៏ខុសគ្នា ហើយការីដែលលក់លើកប៉ាល់ក៏ល្បីណាស់​ដែរ។ ព្រោះតែការីមាន​រសជាតិ​ឈ្ងុយ​ឆ្ងាញ់ទើបបុគ្គលក្នុងអត្តបទត្រូវ​ទទួល​ទោស។

កងកម្លាំងស្វ័យការពារមានបទប្បញ្ញត្តិផ្តល់អាហារដោយឥតគិតថ្លៃដល់សមាជិកកំពុងធ្វើការនៅដែនសមុទ្រ ដោយ​សារ​​ពួក​គេ​មាន​ការ​លំបាក​ក្នុង​ការទទួលទាន។ សរុបទៅ ផ្នែកដែលអាចទិញអាហារនៅលើដីគោកមិនទទួលបាន​ការផ្គត់ផ្គង់ទេ។ មនុស្សម្នាក់នេះមិនមែនបុគ្គលទទួលបានចំណែកអាហារទេ ប៉ុន្តែដោយសារគាត់ជា Senpai ដូច្នេះត្រូវបាន​អញ្ជើញ​ឱ្យភ្លក់ម្ហូប ហេតុ​នេះក៏មិនមែនជាកំហុសរបស់គាត់ទាំងស្រុងដែរ។ ក្នុង​ហេតុ​ការណ៍នេះ បុគ្គលជាប់​​ពាក់​ព័ន្ធ​បាន​ហូបការីដែលចែកជូនអស់​រយៈពេល ​២​ ឆ្នាំ។ ក្រោយ​ពេល​បញ្ហា​នេះ​ត្រូវ​បាន​រក​ឃើញ គាត់​ត្រូវ​​ផ្អាកការ​ងារ​រយៈ​ពេល ៤ ថ្ងៃ។

សរុបទៅ មូលហេតុធ្វើអោយបុគ្គលក្នុងអត្តបទនេះទទួលទោសព្រោះតែចង់ហូបការី។ 

Kengo Abe