របៀបដាក់ឈ្មោះកូនរបស់ព្រះសង្ឃជប៉ុនមួយអង្គដែលផ្តួចផ្តើមទំនៀមទម្លាប់រៀបការ បង្កើតកូន

ជនជាតិជប៉ុនមានប្រយោគមួយ 名は体を表す (ប្រែថា៖ ឈ្មោះបង្កប់អត្តន័យគ្រប់យ៉ាង)។ ឈ្មោះតាមក្មេងម្នាក់ធំដឹង​ក្តី ឧទាហរណ៍ឈ្មោះរបស់ខ្ញុំពោពេញទៅដោយក្តីសង្ឃឹមដែលឪពុកម្តាយផ្តល់អោយ ដោយសង្ឃឹមថាខ្ញុំនឹងមានប្រាជ្ញា និងទទួលបានចំណេះដឹងច្រើន។ ទោះជាយ៉ាងណា ខ្ញុំត្រូវចំណាយពេល ៣០ ឆ្នាំទើបអាចរស់នៅតាមការរំពឹងទុក​នៃ​ឈ្មោះនេះ។

ប្រជាជនជប៉ុនប្រើអត្តន័យរបស់ Kanji រំពឹងទុកយ៉ាងខ្លាំងក្នុងការដាក់ឈ្មោះកូន។ ឈ្មោះ​អាច​ជា​មោទនភាព ឬ​ជា​​បន្ទុក​​សម្រាប់​​កុមារ​ម្នាក់នោះ។ ទោះ​ជា​យ៉ាង​នេះ​ក្តី មានមនុស្សមួយចំនួនខ្វះការយល់ដឹងក្នុងការ​ដាក់​ឈ្មោះ និង​​កាន់​តែអាក្រក់ជាងនេះបើនោះជាព្រះសង្ឃ។

នេះជារឿងនៅក្នុងប្រទេសជប៉ុន ១២០០ ឆ្នាំក្រោយគ.ស។ នៅដើមសម័យរបស់សាមូរ៉ៃ Samurai ហៅថាសម័យ Kamakura មាន​​ព្រះ​​សង្ឃ​មួយ​អង្គ​គង់នៅកន្លែងដែលសព្វថ្ងៃជា​ខេត្ត Nagano ។

បុគ្គលម្នាក់នេះហៅថា Jounin សរុបទៅជាព្រះសង្ឃដែលមានឋានៈខ្ពង់ខ្ពស់។ គាត់​មាន​ប្រពន្ធ​បី​នាក់ ហើយម្នាក់ៗបង្កើតបានកូនប្រុសមួយ។

ព្រះសង្ឃ​នៅ​ប្រទេស​ជប៉ុន​សព្វថ្ងៃអាចរៀបការបាន ប៉ុន្តែកាលពីមុន ក៏ដូចជានៅប្រទេសផ្សេងទៀត ពួកគេមិនអាចមានដៃគូស្នេហាឡើយ។

ការ​ផ្លាស់​ប្តូរ​នេះផ្តើមចេញពីពាក្យ​សម្តីរបស់​ព្រះសង្ឃ​មួយ​អង្គ​នៅ​សម័យ​ Kamakura “ព្រះសង្ឃក៏អាចរៀបការបានដែរ” ហើយតួអង្គក្នុងរឿងនេះ គឺព្រះ​សង្ឃ​រូប​នោះ។

គាត់មានប្រពន្ធបីនាក់។

តើ​តួអង្គ​នេះ​ជា​មនុស្សបែបណា?

ចូរក្រឡេកមើលការដាក់ឈ្មោះកូនទាំងបីរបស់គាត់ ក្នុងនាមជាព្រះសង្ឃ អ្នកប្រហែលជាគិតថាឈ្មោះដែលបុគ្គលនេះ​ដាក់​ប្រាកដ​ជា​ពិសេស​ណាស់ ដែលបង្កប់អត្ថន័យយ៉ាងជ្រាលជ្រៅរបស់ព្រះពុទ្ធសាសនា។

តោះមកមើលឈ្មោះដំបូង។

思ヨラズ (Omoiyorazu)

អត្ថន័យឈ្មោះនេះគឺ “អចេតនា” 

…

ឈ្មោះរបស់កូនទីពីរគឺ

サモアルラム (Samoaruramu)

ឈ្មោះ​នេះ​មាន​ន័យ​ប្រហាក់ប្រហែលការត្អូញត្អែរ “អូ ប្រហែលជាអញ្ចឹង”

ហាក់​ដូចជា​គាត់​ចាប់​ផ្ដើម​ទទួល​ស្គាល់បន្តិចម្តងៗ។

ឈ្មោះកូនទីបី…

子細なし (Shisai nashi)

ឈ្មោះនេះប្រែថា “គ្មានអ្វីពិសេសទេ ១០០% នេះជាកូនរបស់ខ្ញុំ” ។

នៅទីបំផុតក៏ព្រមទទួលស្គាល់កូនរបស់ខ្លួន ឪពុកដ៏អាក្រក់ម្នាក់។

ព្រះសង្ឃរូបនេះបានរៀបការបីដង ហើយរស់នៅជាមួយប្រពន្ធ និងកូនទី ៣ ប៉ុន្តែ​ដោយ​សារ​ម្តាយ​របស់​កូន​ទី​ ១ ស្លាប់ ទើបកូនម្នាក់នេះមកនៅជាមួយ។ ទោះ​ជា​យ៉ាង​ណា មិនដឹងថាមកពីឈ្មោះ ឬការចិញ្ចឹម​កូន ក្មេងនេះមិនស្តាប់​​បង្គាប់ទាល់តែសោះ។ មិនមានព័ត៌មាននិយាយពីជីវិតកូនទី ២ និងកូនទី ៣ ទេ ប៉ុន្តែចំពោះកូនទី ២ មនុស្សជាច្រើន​គិត​ថា គ្មានក្តីស្រលាញ់ចំពោះឪពុក ហើយចាកចេញទៅ ចំណែកកូនទី ៣ គ្មានព័ត៌មានអ្វីទាំងអស់។ គ្រាន់​តែ​សង្ឃឹម​​ថា​​ក្មេងៗ​​អាចធំឡើងបានល្អ។

Kengo Abe