ការវិវត្តន៍ថ្មីនៃសំណុំរឿងរបស់ Ito Shiori តុលាការតូក្យូច្រានចោល​​ការ​ទាម​ទាររបស់ដើមបណ្តឹង

តុលាការក្រុងតូក្យូបានបដិសេធសំណើរបស់ Ito ចោទប្រកាន់ Mio Sugita ប្រមាថនាងដោយចុច like ការបង្ហោះជាច្រើនដែលបង្ខូចកេរ្តិ៍ឈ្មោះនាងក្នុងសេចក្តីសម្រេចនាពេលថ្មីៗនេះ។

ឆ្លើយតបនឹងបណ្តឹងទាមទារសំណងចំនួន ២,២ លានយ៉េនរបស់ Ito ចំពោះសមាជិកគណបក្សសេរីប្រជាធិបតេយ្យ Mio Sugita ដោយចោទប្រកាន់ថា Mio Sugita មានអាកប្បកិរិយាប្រមាថ Ito នៅពេលដែលចុច like ការបង្ហោះជាច្រើនតាម Twitter មានខ្លឹមសារបង្កាច់បង្ខូច Ito តុលាការ​តូក្យូ (ចៅក្រម Takaki Muto) បានច្រាន​ចោល​បណ្តឹង​កាល​ពី​ថ្ងៃ​ទី ២៥ ខែមីនា។

យោងទៅតាមពាក្យបណ្តឹង ប្រហែលពីខែមិថុនា ដល់ខែកក្កដា ឆ្នាំ ២០១៨ ព្រឹទ្ធសភា Sugita ចុច like ការបង្ហោះរបស់​​គណនី​លាក់​ឈ្មោះ ដោយគិតថាពាក្យ​បណ្តឹងអំពើ​ហិង្សា​ផ្លូវ​ភេទ​របស់ Ito នៅ​ពេល​នោះគឺជា “ទំនាក់ទំនងលើគ្រែបរាជ័យ” “ល្បិចធ្វើអោយមានប្រជាប្រិយភាព” “និយាយកុហកដើម្បីប្រមាថជប៉ុន” ។

ព្រឹទ្ធសភា Sugito ពេលនោះជាសមាជិករដ្ឋសភាជប៉ុន មានអ្នក follow ច្រើន។ កញ្ញា Ito បញ្ជាក់​ថា “ឥទ្ធិពល​នៃ​ពាក្យ​​សម្ដី និង​​សកម្មភាព​របស់​បុគ្គល​នេះធំធេងណាស់” ។

ម្យ៉ាងវិញទៀត បើតាមមេធាវីរបស់ Ito ព្រឹទ្ធសភា Sugita បានសារភាពចុច like Tweet មួយចំនួន ប៉ុន្តែក្នុងគោលបំណង “កត់សម្គាល់” សម្រាប់​អាន​ឡើង​វិញ។ Sugita និយាយថាមិនបានបង្ហាញអាកប្បកិរិយាគាំទ្រ ឬមិនគាំទ្រច្បាស់លាស់ឡើយ ហើយច្រានចោលបណ្តឹងនេះ។

តើការសម្រេចរបស់តុលាការដូចម្តេច?

បើតាមសេចក្តីសម្រេចផ្លូវការរបស់តុលាការ សកម្មភាពចុច “like” ការបង្ហោះតាមបណ្តាញសង្គមមិនបានបង្ហាញគោលដៅ ឬអារម្មណ៍អ្វីឡើយ ជាសកម្មភាពអរូបី ហើយក៏មិនអាចបង្ហាញអត្តន័យសកម្មភាពច្បាស់លាស់ផងដែរ។

ផ្អែកលើមូលដ្ឋាននោះ ចៅក្រម Muto បានសន្និដ្ឋានថា “សកម្មភាពចុច like” មិនគួរចាត់ទុកថា “លើសដែនកំណត់នៃអនុសញ្ញាសង្គមជា​គោល​ការណ៍”។

Sacchan