ថែរក្សាសិប្បកម្មផលិត “កញ្ចក់វេទមន្ត” ស្នាដៃដ៏ប្រណិតរបស់សិប្បករជប៉ុន

ដំបូងពេលក្រឡេកមើលទៅកញ្ចក់នេះមិនខុសពីកញ្ចក់ធម្មតាទេ ប៉ុន្តែនៅពេលប្រើពន្លឺឆ្លុះ កញ្ចក់នឹងឆ្លុះបញ្ចាំងរូបភាព​របស់ព្រះពុទ្ធ ឬព្រះយេស៊ូ។

ប្រភេទ “កញ្ចក់វេទមន្ត” ទាំងនេះត្រូវបានផលិតយ៉ាងទូលំទូលាយក្នុងកំឡុងសម័យអេដូ (១៦០៣-១៨៦៧) ។ ក្នុង​អំឡុង​ពេល​នោះ អ្នកកាន់សាសនា​គ្រីស្ទាន​ប្រើ​កញ្ចក់​ប្រភេទ​នេះ​ថ្វាយបង្គំព្រះយេស៊ូដោយសម្ងាត់។

ជំនាញក្នុងការផលិត “កញ្ចក់វេទមន្ត” ត្រូវបាន Yamamoto Gokin Seisakusho រក្សាទុករហូតមកដល់សព្វថ្ងៃនេះ។ Yamamoto Gokin Seisakusho គឺជារោងជាងកញ្ចក់នៅសង្កាត់ Shimogyo ទីក្រុងក្យូតូដែលបង្កើតឡើងនៅចុងសម័យ​អេដូ។ ហើយក៏ជាកន្លែងផលិត “កញ្ចក់វេទមន្ត” តែមួយគត់ដែលនៅសេសសល់ក្នុងប្រទេសជប៉ុន។

លោក Shinji Yamamoto ដែលជាម្ចាស់រោងជាងជំនាន់ទី ៣ ស្តារបច្ចេកទេសផលិតកញ្ចក់វេទមន្តឡើងវិញក្នុងឆ្នាំ ១៩៧៤ បន្ទាប់ពីបានបាត់បង់ប្រហែលកន្លះសតវត្ស។ លោក Shinji បានព្យាយាមផលិតកញ្ចក់វេទមន្តឡើងវិញ បន្ទាប់​ពី​បាន​ឃើញអ្នកប្រាជ្ញលោកខាងលិចចាប់អារម្មណ៍ ហើយចូលចិត្តដំណើរផលិត។

បច្ចេកទេស​ផលិត​កញ្ចក់​កំពុង​ត្រូវ​បាន​ថែរក្សា​ដោយ​លោក Fujio អាយុ ៧២ ឆ្នាំ។ គាត់ជាអ្នកស្នងមរតកទី ៤ និងកូនប្រុសឈ្មោះ Akihisa Yamamoto អាយុ ៤៦ ឆ្នាំ។ ឪពុកកូនទាំងពីររួមគ្នាផលិតកញ្ចក់ដែល​គ្រិស្ត​សាសនិក​ប្រើ​ ដើម្បី​ថ្វាយ​ទៅ​សម្តេច​ប៉ាប Phanxicô ក្នុងឆ្នាំ ២០១៤។

លោក Akihisa Yamamoto បាននិយាយថា “កញ្ចក់វេទមន្ត” បានក្លាយជាការបំផុសគំនិតស្នាដៃ រួមទាំង Anime វីដេអូ​ហ្គេម ហើយរោងជាងរបស់គាត់ធ្លាប់ត្រូវបាន “ផ្កាកុលាប” ដាក់ឈ្មោះហៅក្រៅផលិតផល “កញ្ចក់វេទមន្ត” ពីសិល្បករ​បរទេស។

លោក Akihisa Yamamoto បាននិយាយថា “ខ្ញុំចង់រក្សាបច្ចេកទេសនេះ ទោះជាយ៉ាងណា អ្វីដែលលែងសំខាន់មិនងាយរក្សា​បាននោះទេ។ ដូច្នេះ​ខ្ញុំ​សង្ឃឹម​​ថា​​នឹង​​បន្ត​ខិតខំ​ផ្សព្វផ្សាយ​ចំណេះដឹងបច្ចេកទេស​នេះ​ឱ្យ​បាន​ច្រើនតាម​ដែល​អាច​ធ្វើ​ទៅ​បាន​” ។

ដំណើរការផលិតកញ្ចក់

លោក Akihisa បានពន្យល់បាតុភូត “កញ្ចក់វេទមន្ត” អាចឆ្លុះបញ្ចាំងការរចនាក្បាច់នៅផ្ទៃខាងក្រោយ ដោយ​សារ​ក្នុងដំណើរការផលិតកញ្ចក់ ផ្ទៃកញ្ចក់ត្រូវកោសចេញ សំលៀង និងខាត់អោយរលោង ហើយបន្ទាប់មកលាបជា​មួយ​ល្បាយ​បារត បង្កើតបានជាស្នាមប៉ោងដែលភ្នែកមើលមិនឃើញ ប៉ុន្តែល្មមនឹងក្បាច់រចនាផ្ទៃខាងក្រោយ។

ដំណើរការផលិត “កញ្ចក់វេទមន្ត” តម្រូវឱ្យបន្តដំណាក់កាលស្មុគ្រស្មាញបំផុត ដោយចាប់ផ្តើមពីចាក់ទង់ដែង និង​សំណ​ប៉ាហាំង​រលាយ​ចាក់ចូលពុម្ពក្បាច់រចនាដែលមានស្រាប់ ដើម្បីបង្កើតផ្ទៃខាងក្រោយកញ្ចក់។

បន្ទាប់មកទៀត ផ្ទៃ​កញ្ចក់​ត្រូវ​បាន​សំលៀងដោយ​ឧបករណ៍​ចំនួន ​៣ ​ហៅ​ថា “sen” និង​ឧបករណ៍​ដុសខាត់ ៤​ ផ្សេង​ទៀត។

ចំពោះកញ្ចក់ធម្មតា ដំណើរ​ការ​ដុសខាត់ចំណាយពេលត្រឹមកន្លះថ្ងៃ ប៉ុន្តែដំណើរការផលិត “កញ្ចក់វេទមន្ត” ត្រូវចំណាយ​ពេល​មួយ​ខែ។

ផ្ទៃកញ្ចក់ខាត់កាន់តែរលោងរូបភាពឆ្លុះបញ្ចាំងរបស់ “កញ្ចក់វេទមន្ត” រឹតតែច្បាស់។ ប៉ុន្តែបើដុសខាត់ច្រើនពេក ផ្ទៃ​កញ្ចក់​អាច​នឹងបែក ដូច្នេះត្រូវយកចិត្តទុកដាក់ ក៏ដូចជាការអត់ធ្មត់ខ្ពស់របស់សិប្បករ។

លោក Akihisa បាននិយាយថា “ទាំងនោះមានន័យថាការខិតខំប្រឹងប្រែងក្នុងរយៈពេលមួយខែត្រូវខ្ជះខ្ជាយ ហើយត្រូវចាប់ផ្តើមម្តងទៀត” ។

លោក Akihisa បន្តទៀតថា “ក្បាលរបស់ខ្ញុំទទេរស្អាត។ រឿងតែមួយគត់ដែលអ្នកអាចធ្វើបាននៅថ្ងៃនោះគឺផឹកទឹក​មួយ​កែវ ហើយផ្តល់ឱកាស​ឱ្យ​ខ្លួន​ឯង​ម្តង​ទៀត។ ដូច្នេះដើម្បីធ្វើការងារនេះ ចំណូលចិត្តជាកត្តាសំខាន់” ។

នៅពេលដែលកញ្ចក់ត្រូវបានសំលៀងដល់កម្រាស់ល្មម នៅតែត្រូវបន្តខាត់ដោយប្រុងប្រយ័ត្ន និងធ្យូងពីរប្រភេទ។ ដំណើរការផលិតកញ្ចក់ទាំងមូលបញ្ចប់ដោយស្រទាប់ niken ។

លោក Akihisa បាននិយាយថាគាត់ចំណាយពេលប្រហែលពី ២ ទៅ ៦ ខែដើម្បីសម្រេច “កញ្ចក់វេទមន្ត” មួយដែលមាន​អង្កត់​ផ្ចិត​ប្រហែល ២០ សង់ទីម៉ែត្រ រាប់ទាំងពេលធ្វើខុស និងធ្វើឡើងវិញ។

“កញ្ចក់វេទមន្ត” ទាក់ទាញចំណាប់អារម្មណ៍របស់មនុស្សជាច្រើន ក្នុងនោះមានទាំងតារាចម្រៀង Takahiro Onishi អាយុ ៤៥ ឆ្នាំនៅទីក្រុងក្យូតូ។ លោក Onishi ចូលចិត្តកញ្ចក់តាំងពីពេលមើលឃើញសិប្បករ Akihisa ណែនាំកញ្ចក់នេះក្នុងព្រឹត្តិការណ៍មួយកាលពីបីឆ្នាំមុន។

ភ្លាមៗនោះលោក Takahiro Onishi ឈានចូលរោងជាង Yamamoto Gokin Seisakusho ហើយទិញ “កញ្ចក់វេទមន្ត” ជាមួយនឹងរូបភាព​ឆ្លុះ​បញ្ចាំង​អក្សរ​សំស្រ្កឹត។ គាត់ដាក់កញ្ចក់លើអាសនៈ Shinto នៅផ្ទះរបស់ខ្លួន ប្រើពិលទូរស័ព្ទ​បំភ្លឺ​កញ្ចក់​ម្តងម្កាលរួចមើល។

លោក Onishi បាននិយាយថា “ឆ្លុះកញ្ចក់គ្រាន់តែដើម្បីមើលមុខ ប៉ុន្តែចំពោះ “កញ្ចក់វេទមន្ត” អ្នក​ស្រាប់តែ​ដឹង​ថា​មាន​អ្វី​ម្យ៉ាង។ ត្រង់ចំណុចនេះធញវើឱ្យ​ខ្ញុំ​មាន​អារម្មណ៍​ដូចខ្លួនឯងកំពុងមើលឃើញភាព​សប្បាយ​រីក​រាយ និង​ទុក្ខ​ព្រួយក្នុង​មនុស្ស​ម្នាក់។ ទាំងនេះអនុញ្ញាតឱ្យខ្ញុំប្រឈមមុខនឹងមនុស្សពិតរបស់ខ្លួន។ 

yukie