Jisei no ku កំណាព្យ​មរណ​ភាព​របស់​ប្រជាជន​ជប៉ុន

តើអ្នកចង់ធ្វើអ្វីមុនពេលស្លាប់? អ្នកចង់ផ្តាំផ្ញើទៅកាន់មនុស្សជាទីស្រលាញ់ មនុស្ស​ដែល​សំខាន់​សម្រាប់​អ្នក​។

សព្វថ្ងៃនេះ យើងមានទូរស័ព្ទ និងមធ្យោបាយទំនាក់ទំនងងាយស្រួលផ្សេងទៀត ដូច្នេះទោះបីជាយើងនៅឆ្ងាយពីគ្នា ជួបមុខលើកចុងក្រោយក៏មិនមែនជារឿងពិបាកដែរ។ កាលសម័យមុន រឿងដែលចង់បន្សល់ទុកគឺពាក្យបណ្តាំ។

កាលពីបុរាណ ជនជាតិជប៉ុនមានទំនៀមទម្លាប់បន្សល់ទុកកំណាព្យមរណភាព ហៅថា Jisei no ku ជាសំបុត្រផ្ញើ​ជូន​មនុស្ស​ជា​ទី​ស្រលាញ់​មុន​ពេល​លា​ចាក​​លោក​​តាម​បែប​កំណាព្យ។ ភាសាអង់គ្លេសហៅថា Death Poem ។

កំណាព្យ​នេះ​បង្ហាញ​យ៉ាង​ច្បាស់អំ​ពី​ទស្សនៈ​ពិសេស​របស់ជនជាតិជប៉ុនចំពោះសេចក្តីស្លាប់។

ថ្ងៃនេះចូរវិភាគអំពី Jisei no ku ដែលល្បី។

នេះជាកំណាព្យរបស់ Minamo no Yoshitsune ជាវីរបុរសដែលមានជីវិតខ្លោចផ្សា ប្រយុទ្ធជាមួយនឹងបងប្រុស ហើយ​នៅ​ទី​បំផុត​ត្រូវបងប្រុសបង្ខំយកជីវិត។

ការបកស្រាយអត្តន័យជាភាសាសម័យសព្វថ្ងៃមានដូចខាងក្រោម។

ទោះជាតិក្រោយ និងជាតិក្រោយទៀត យើងនឹងជួបគ្នាម្តងទៀត
ដើរទន្ទឹមនឹងគ្នាទៅដល់ពពកស្ងប់ស្ងាត់ពណ៌ស្វាយ

កំណាព្យ​នេះ​ត្រូវ​​គេ​ចាត់ទុកថា គាត់និពន្ធដើម្បី​ឆ្លើយ​តប​នឹង​កំណាព្យ​មរណភាពរបស់ Benkei ជាមនុស្សដែលគាត់រួមដំណើរ​ប្រយុទ្ធ​រហូតដល់ទីបញ្ចប់។

កំណាព្យ​មរណភាពរបស់ Benkei ខាងក្រោមនេះ។

六道の道のちまたに待てよ君遅れ先立つ習ひありとも

(អត្ថន័យ៖ សូមរង់ចាំនៅតាមផ្លូវទៅកាន់ឋាននរក មិនថាយើងទៅមុន ឬក្រោយអ្នក)

កំណាព្យទាំងពីរបង្ហាញពីអារម្មណ៍សោកស្ដាយនៅពេលត្រូវបង្ខំឲ្យទទួលយកសេចក្តីស្លាប់ ទោះជាយ៉ាងណា អារម្មណ៍នៅ​​តែ​ក្លាហ៊ាន​រឹងមាំ ហើយអារម្មណ៍ទាំងនោះជាជម្រើសចុងក្រោយ បង្ហាញពីព្រះបញ្ញត្តិតែមួយគត់របស់ព្រះពុទ្ធសាសនា។

ឬកំណាព្យក្រោយរបស់ Shinsaku Takasugi ជាអ្នកដែលបានខិតខំធ្វើទំនើបកម្មពិភពរបស់សាមូរ៉ៃ៖

おもしろき　こともなき世を　おもしろく

អត្តន័យ៖

រឿងដែលគួរឲ្យធុញក្នុងលោកនេះ យើងនឹងធ្វើវាគួរឲ្យចាប់អារម្មណ៍

ពាក្យទាំងនេះរបស់ Takasugi ដូចជាបញ្ច្រាសមកវិញរឿងធម្មតាទាំងអស់លើលោកនេះ។

យើងច្រើនតែមានពេលរំលឹកដល់វេលាសំខាន់ៗក្នុងជីវិតរបស់ខ្លួនមុនពេលស្លាប់។ ប្រជាជនជប៉ុនខំប្រឹងរស់នៅក្នុង​ជីវិត​ដែលពោរពេញទៅដោយភាពរីករាយ ដើម្បីកុំឲ្យមានការសោកស្ដាយណាមួយពេលក្រឡេកមើលឡើងវិញ។ នេះ​ជា​​ទស្សនៈ​អំ​ពី​សេចក្តី​ស្លាប់របស់ជនជាតិជប៉ុន។

យើងនឹងបន្សល់ទុកអ្វីក្នុងកំណាព្យមរណភាព។ ដោយផ្ទាល់ ខ្ញុំគិតថាកំណាព្យនេះនិយាយអំពីរបៀបរស់នៅ ក្តីស្រមៃ និងចរិតរបស់មនុស្ស។

ក្តីស្រមៃរបស់ខ្ញុំគឺតាមរយៈ JAPO អាចភ្ជាប់ទំនាក់ទំនងមនុស្សជាច្រើនជុំវិញពិភពលោកជាមួយប្រទេសជប៉ុន។ ជាង​នេះ​ទៅ​ទៀត ខ្ញុំសង្ឃឹមពិភពលោកសន្តិភាពដោយផ្អែកលើគំនិតសន្តិភាពយកជប៉ុនជាឫសគល់។

យើងម្នាក់ៗមានក្តីស្រមៃរៀងខ្លួន ហើយសង្ឃឹមថាអាចខិតទៅជិតក្តីស្រមៃរបស់ខ្លួនទាន់ពេលនៅរស់ និងបង្ហាញអារម្មណ៍ពេញចិត្តនូវអ្វីដែលសម្រេចបាន ក៏ដូចជាបំណងមិនទាន់បានសម្រេចជាតិនេះក្នុងកំណាព្យមរណភាពរបស់​ខ្លួន។

Kengo Abe