ឆាកល្ខោននៅ Shibuya សម្តែងនិយាយពីបញ្ហាស្ត្រីជាមួយនឹង​ប្រធាន​បទ​រំលូត​កូន

ការហាត់សមសម្តែងត្រូវបានប្រកាសមុនពេលសម្តែងផ្លូវការនៅទីក្រុងតូក្យូចាប់ពីថ្ងៃទី ២៣ និយាយអំពីបញ្ហាផ្សេងៗ​ជុំវិញ​ស្ត្រី ដោយផ្តោតលើប្រធានបទរំលូតកូន។

ឆាកល្ខោនមានឈ្មោះថា “បំណែកជីវិតរបស់ស្រ្តី” ដែលជាស្នាដៃរបស់អ្នកនិពន្ធរឿង Nen Ishihara ។ ការសម្តែងធ្វើឡើងនៅ​​មជ្ឈ​មណ្ឌល​​វប្បធម៌​ Shibuya ចាប់​ពី​ថ្ងៃ​ទី ២៣ ។ មុននោះទិដ្ឋភាពហាត់សម​ត្រូវ​បានផ្សព្វផ្សាយ​ជា​សាធារណៈ។

ល្ខោននិយាយអំពីរឿងរ៉ាវនិស្សិតស្រីសកលវិទ្យាល័យម្នាក់មានផ្ទៃពោះ ព្រោះតែ​ខ្លាច​​សាធារណៈជន នាងសម្រេចចិត្តរំលូតកូនដោយលេបថ្នាំគ្មានការអនុញ្ញាតនៅជប៉ុន។ លើស​ពី​នេះទៅទៀត ការសម្តែងថែមទាំងបង្ហាញពីភាពស្និទ្ធស្នាល​របស់​ក្រុម​សិស្សស្រី។ មនុស្សម្នាក់ៗមានរឿងរៀងខ្លួន ឧទាហរណ៍ដោយសារមូលហេតុ​សេដ្ឋកិច្ចនាងត្រូវរំលូតកូន ឬ​ធ្លាប់​ជា​ជនរងគ្រោះនៃអំពើហិង្សាផ្លូវភេទ។ល។ តាមរយៈពិសោធន៍ផ្ទាល់របស់ពួកគេ ការសម្តែងបង្ហាញ​ពីបញ្ហា​​ទាក់​​ទង​នឹង​ស្ត្រី។

អ្នកនិពន្ធ Ishihara បាននិយាយថា “តាមរយៈស្នាដៃនេះ ខ្ញុំមិនត្រឹមតែលើកបញ្ហាស្ត្រី ឬការរំលូតកូនប៉ុណ្ណោះទេ តែសង្ឃឹមថាអ្នកដែលជួបផ្ទាល់នឹងមើល។ មនុស្សជាច្រើនដែលកំពុងរងទុក្ខម្នាក់ឯង ​ខ្ញុំ​សង្ឃឹម​ថាអាច​ផ្តល់​ការ​លើក​ទឹក​​ចិត្ត​ និង​​ភាព​​ក្លាហាន​ដល់​ពួក​គេ ទោះបន្តិច​បន្តួច​ក៏​ដោយ” ។

ការសម្តែង “បំណែកជីវិតរបស់ស្រ្តី” ត្រូវបានសម្តែងនៅ “Denshou Hooru” (សាលប្រពៃណី) នៅមជ្ឈមណ្ឌលវប្បធម៌ Shibuya Owada, Shibuya, Tokyo ចាប់ពីថ្ងៃទី ២៣ ដល់ថ្ងៃទី ២៧ ខែនេះ។

Sacchan