គ្រូបង្រៀនជនជាតិជប៉ុនត្រូវផ្អាកការងារដោយសារយកច្រាសដុសធ្មេញមិត្តរួមការងារដាក់ក្នុងមាត់ប្រមាណ ២០ ដង

គ្រូបង្រៀនអាយុ ៥១ ឆ្នាំម្នាក់ នៅសាលាអនុវិទ្យាល័យរដ្ឋទីក្រុង Shunan ខេត្ត Yamaguchi ភាគខាងលិចប្រទេស​ជប៉ុន ត្រូវ​ផ្អាក​ការងាររយៈពេល ៣ ខែ ដោយសារអាកប្បកិរិយាមិនសមរម្យដដែលៗ រួមទាំងទង្វើដាក់ច្រាសដុសធ្មេញ​របស់មិត្តរួមការងារក្នុងមាត់ខ្លួនប្រមាណ ២០ ដង។ ព័ត៌មាន​នេះ​ត្រូវ​​បាន​​ក្រុមប្រឹក្សា​អប់រំ​ខេត្ត​ប្រកាស​កាល​ពី​​ថ្ងៃ​ទី​ ១៦ ខែ​មីនា។

នេះ​បើ​តាម​ក្រុមប្រឹក្សា​អប់រំ គ្រូបង្រៀនប្រុសចូលបន្ទប់ពេទ្យរបស់សាលាប្រហែល ៣០ ដងដោយខ្លួនឯង ចាប់ពី​ដើម​ខែ​កញ្ញា ដល់ចុងខែវិច្ឆិកា ឆ្នាំ ២០២១ វេលាម៉ោង ៥ ព្រឹក។

គាត់យកច្រាសដុសធ្មេញរបស់គ្រូគិលានុបដ្ឋាយិកាដាក់ចូលមាត់ប្រហែល ២០ ដង កាយរករបស់របរក្នុងថតតុបន្ទប់។

ដោយកត់សម្គាល់ឃើញថាខុសប្រក្រតី គិលានុបដ្ឋាយិកាសាលាបានដំឡើងកាមេរ៉ាក្នុងបន្ទប់ ហើយក្នុងវីដេអូថត​បាន​សកម្មភាពមិនសមរម្យរបស់គ្រូប្រុស។

គ្រូបង្រៀនរូបនេះបាននិយាយថា “ខ្ញុំមានអារម្មណ៍រំភើបយ៉ាងខ្លាំង ចង់យកច្រាសដុសធ្មេញរបស់នរណាម្នាក់ដាក់ក្នុង​មាត់​របស់​ខ្លួន។ ខ្ញុំ​មាន​អារម្មណ៍​ថា​ការ​​ធ្វើ​​បែប​​នេះ ធ្វើឱ្យខ្ញុំកាន់តែជិតស្និទ្ធជាមួយបុគ្គលិកគិលានុបដ្ឋាយិកា” ។

បញ្ជា​ផ្អាក​ត្រូវ​បាន​ដាក់ចេញ​នៅ​ថ្ងៃ​ទី ​១៦ ខែ​មីនា។

Japo Cambodia