ជីវិត និងការរស់នៅសន្សំសំចៃដោយផ្អែកលើប្រាក់ខែបុគ្គលិកនៅប្រទេស​ជប៉ុន

លោក Masamitsu កម្រធ្វើដំណើរកំសាន្ត ឬទៅទទួលទាននៅភោជនីយដ្ឋានណាស់ គាត់ចំណាយប្រាក់ប្រហែល ៤ លាន​យ៉េន​ក្នុង​មួយឆ្នាំសម្រាប់ចំណាយក្នុងគ្រួសារ។

លោក Masamitsu ជាគណនេយ្យករ​នៅ​ជប៉ុន​បាន​និយាយថា “ខ្ញុំ​មិន​អាច​សន្សំ​បាន​ទេ ខ្ញុំ​គ្មាន​អ្វី​​សន្សំ​ទុក​ពេល​ចាស់ទៅ ខ្ញុំមានតែជម្រើសបន្តធ្វើការ។ បន្ទាប់​ពី​ខ្ញុំ​ចូល​និវត្តន៍នៅក្រុមហ៊ុន​នេះ ខ្ញុំ​នឹង​ធ្វើ​អ្វី​ដែល​​អាច​ធ្វើ​ទៅ​បាន ប្រហែល​ជាបុគ្គលិកសន្តិសុខម្នាក់” ។

លោក Masamitsu មិនធ្វើដំណើរកំសាន្ត មើលកុន ឬញ៉ាំអាហារសម្រន់ជាច្រើនឆ្នាំ។ ផ្ទុយ​ទៅ​វិញ គាត់​ចំណាយ​ប្រាក់​ខែ​​ប្រចាំ​ឆ្នាំ​ទៅ​លើ​ការ​ចំណាយ​ក្នុង​គ្រួសារ។

ស្ថានភាពរបស់លោក Masamitsu ឆ្លុះ​បញ្ចាំងទុក្ខលំបាករបស់បុគ្គលិកធ្វើការនៅសហគ្រាសធុនតូច និងមធ្យមរបស់ជប៉ុន ជាមួយនឹងប្រាក់ខែជាមធ្យម​ក្នុង​ឆ្នាំ ២០២០ ប្រហែល ៤,៥ លានយ៉េន មិនខុសគ្នាប៉ុន្មានបើធៀបនឹងទសវត្សរ៍​ឆ្នាំ ១៩៩០ ។

ប្រាក់ខែជាមធ្យមឆ្នាំនេះនៅប្រទេសជប៉ុនទាបជាងតួលេខប្តូរជិត ៦ លានយ៉េននៅណ្តាប្រទេសអង្គការសហប្រតិបត្តិ​ការ និងអភិវឌ្ឍន៍សេដ្ឋកិច្ច (OECD) ។

នាយករដ្ឋមន្ត្រីជប៉ុនលោក Fumio Kishida បានជំរុញឱ្យក្រុមហ៊ុនដែលរកបានប្រាក់ចំណេញដំឡើងប្រាក់ឈ្នួលដល់​កម្មករ ក្នុងកិច្ចពិភាក្សាចរចាប្រាក់ខែនានិទាឃរដូវនេះ។ ការចរចាបញ្ចប់​នៅ​ថ្ងៃ​ទី​ ១៦ ខែ​មីនា។

លោក Masamitsu រៀនផ្នែកគណនេយ្យ បានសម្រេចចិត្តផ្លាស់ប្តូរការងារនៅអាយុ ៤៣ ឆ្នាំ។ នេះជាការសម្រេចចិត្តហាក់ដូចជាមិនធម្មតាសម្រាប់បុគ្គលិក បន្ទាប់ពីគាត់ត្រូវថ្នាក់លើកាត់ប្រាក់ឈ្នួល។ ក្រោយពេលសម្ភាសន៍ការងារមិនបានសម្រេចជាច្រើនដង លោក Masamitsu យល់ថាសំណាងដែលទទួលបានការងារសព្វថ្ងៃ។ រហូតដល់ពេលទទួលបានដំណឹងប្រាក់ខែរបស់គាត់មានចំនួន ៥០០ យ៉េនក្នុងមួយឆ្នាំ សម្រាប់រយៈពេល ១០ ឆ្នាំដំបូងធ្វើការ។

លោក Masamitsu បាននិយាយថា “ចំពោះអាយុរបស់ខ្ញុំ ប្រាក់ខែគោលប៉ុណ្ណឹងមិនទាបពេកទេ កន្លែងខ្លះប្រាក់ខែទាបជាងនេះទៀត។ ហើយខ្ញុំក៏ដឹងដែលថាប្រហែល ១០ ឆ្នាំក្រោយប្រាក់ខែនឹងឡើង ៥០០០ យ៉េន” ។

ប្រាក់ខែប្រចាំខែរបស់លោក Masamitsu បូកនឹងប្រាក់ឧបត្ថម្ភទទួលបានប្រហែល ២៥០,០០០ យ៉េន (ជាង ២,១០០ ដុល្លារ) ។ ពីរដងក្នុងមួយឆ្នាំ គាត់ទទួលបានប្រាក់ខែបន្ថែម ២ ខែ ជាមួយនឹងប្រាក់ចំណូលប្រចាំឆ្នាំសរុបប្រហែល ៤ លានយ៉េន។

លោក Masamitsu ចែករំលែកបន្តថា “ការដំឡើងប្រាក់ខែមិនច្រើនទេ ទោះបីជាខ្ញុំកំពុងប្រឹងប្រែងធ្វើការ” ។

តាមរយៈប្រាក់ចំណូលនេះ លោក Masamitsu ត្រឹម​តែអាចចំណាយក្នុងគ្រួសារ។ ប្រពន្ធរបស់គាត់ក៏ត្រូវធ្វើការដើម្បីបង្កើនប្រាក់ចំណូលគ្រួសារផង​ដែរ ខណៈដែលកូនស្រីរបស់ពួកគាត់ជិតបញ្ចប់ការសិក្សានៅវិទ្យាល័យ។ ចំពោះតម្រូវ​ការ​កំសាន្ត លោក Masamitsu និងមិត្តភក្តិមួយចំនួនហាត់ Yoga តាមវីដេអូនៅលើ YouTube ទោះបីជាពេលខ្លះក៏គាត់​ទិញ​សំបុត្រ​រៀន​ថ្នាក់ Yoga ម្តងម្កាល។

លោក Masamitsu បាន​និយាយ​ថា “ប្តីប្រពន្ធគាត់ក៏​ចង់​មាន​កូនទៀតដែរ ប៉ុន្តែ​កូន​ម្នាក់ត្រូវចំណាយអ្វីទាំងអស់ដែលពួកយើង​មាន” ។

yuk