តើ Onsen អាចព្យាបាលជំងឺដែរទេ? ប្រសិទ្ធភាពរបស់ Onsen

ត្រាំទឹក​ក្តៅ​ឧណ្ហៗនៅកន្លែង​បើក​ចំហ (​ងូត​ទឹក​បើក​ចំហ​) ដំបូងស្តាប់​ទៅដូចជាឆ្គងបន្តិច ប៉ុន្តែបើធ្លាប់អ្នកប្រាកដ​ជា​ញៀន នោះ​គឺ Onsen នៅ​ប្រទេស​ជប៉ុន។

ប្រហែលមនុស្សជាច្រើនកំពុងយល់ច្រឡំអំពី Onsen ។ Onsen មិនត្រឹម​តែជាអាងទឹកធំប៉ុណ្ណោះទេ។ តាំងពីបុរាណកាល​មក មនុស្ស​ជា​ច្រើន​ជឿថា Onsen អាចព្យាបាលជំងឺ។ សព្វថ្ងៃប្រសិទ្ធភាពរបស់ Onsen កំពុងត្រូវបានពិនិត្យ និង​បញ្ជាក់។

ជាដំបូង ចូរកំណត់និយមន័យ Onsen ជាមួយនឹង JAPO ។

Onsen ជាជ្រោះទឹកក្តៅដែលមាន​សីតុណ្ហភាព​ខ្ពស់​ជាង ២៥ អង្សាសេ មាន​ផ្ទុក​សារធាតុ​រ៉ែ​​មួយចំនួន។ សារធាតុរ៉ែទាំង​នោះ​ជា​មូល​ហេតុ​​ងូត Onsen ល្អសម្រាប់សុខភាព។

ដូច្នេះ Onsen មិនត្រឹម​តែជាទឹកក្តៅប៉ុណ្ណោះទេ។ សារធាតុរ៉ែក្នុង Onsen មានច្រើនប្រភេទដូចជាស្ពាន់ធ័រ Clorua, អាសុីត ជាតិ​ដែក សារ​ធាតុ​វិទ្យុសកម្ម ។ល។ ប៉ុន្តែជាទូទៅ Onsen អាចចែកចេញជា ១០ ប្រភេទ។

ឥឡូវនេះចូរក្រឡេកមកមើលប្រសិទ្ធភាពប្រភេទនីមួយៗ។

ជ្រោះទឹកក្តៅសុទ្ធ

ត្រង់ចំណុចនេះមិនមានន័យថា Onsen គ្មានសារធាតុរ៉ែនោះទេ គ្រាន់តែថាបរិមាណសារធាតុសកម្មក្នុងទឹកមានកម្រិតទាប។ និយាយអញ្ចឹងមិនមែន​មាន​ន័យ​ថា Onsen សុទ្ធមិនល្អនោះទេ។ ជាក់ស្តែង បរិមាណសារធាតុក្នុងទឹកច្រើនពេកអាចបណ្តាលឲ្យ​ប្រតិកម្មស្បែក។ ប្រសិនបើលើកដំបូងងូត Onsen ការទទួលយកបទពិសោធន៍ទឹក​ក្តៅ​សុទ្ធ​នឹង​មាន​ប្រសិទ្ធភាព​ជាង។

ហើយក៏ជាប្រភេទ Onsen ដែលមានច្រើនបំផុតនៅប្រទេសជប៉ុន ក្នុងចំណោម ១០ ប្រភេទខាងលើ ដែលស្ទើរតែមានគ្រប់ទីកន្លែងទូទាំងប្រទេស។

ជ្រោះទឹកក្តៅសុទ្ធអាចកាត់បន្ថយការថប់បារម្ភគ្រប់គ្រងខ្លួនឯង គេងមិនលក់ និងធ្លាក់ទឹកចិត្ត។

ជ្រោះទឹកក្តៅផ្ទុក Clorua ច្រើន

ដើម្បីឱ្យកាន់តែងាយយល់ សមាសភាព Onsen ស្រដៀងនឹងទឹកសមុទ្រ។ នៅពេលត្រាំខ្លួនក្នុងទឹកក្តៅ រាងកាយរបស់អ្នកនឹងកក់ក្តៅ។ ជ្រោះទឹកក្តៅនេះមានប្រសិទ្ធភាពសម្លាប់បាក់តេរីដោយអំបិល និងល្អសម្រាប់មុខរបួស មាន​ប្រសិទ្ធភាព​ចំពោះមុខរបួសកាត់ រលាកស្បែក រលាកស្បែករ៉ាំរ៉ៃ រាងកាយខ្សោយ រោគស្ត្រីរ៉ាំរ៉ៃ បញ្ហារំលាយអាហារ ទល់​លាមក ឈឺសន្លាក់ គ្រេច ជាំ រដូវមិនទៀតទាត់ គ្មានកូន ។ល។

ជាងនេះទៅទៀត ផឹកទឹក Onsen ប្រភេទនេះជួយជំរុញការបញ្ចេញទឹកក្រពះ មានប្រសិទ្ធភាពចំពោះបញ្ហារំលាយអាហារ។ ថ្វីត្បិតតែ Onsen ជួយដល់ចរន្តឈាម ប៉ុន្តែប្រតិកម្មចំពោះជំងឺបេះដូង លើសឈាម តម្រងនោម ឬហើម។

ជ្រោះទឹកក្តៅផ្ទុក Hydro cacbonat

ត្រាំ Onsen ប្រភេទនេះមានប្រសិទ្ធភាពទប់ស្កាត់ការប្រកាច់ រលាកឆ្លងមេរោគ ល្អសម្រាប់អ្នកដែលប្រតិកម្មអាឡែស៊ី រលាកស្បែករ៉ាំរ៉ៃ ស្អូច។

លើសពីនេះ Onsen Hydro cacbonat ក៏ល្អសម្រាប់អ្នកមានជំងឺរលាកសន្លាក់ គ្រួសក្នុងទឹកនោម រលាកប្លោកនោមដោយសារបញ្ចុះទឹកនោម។

ទោះជាយ៉ាងណាបញ្ហាគឺថា Hydro cacbonat មានមុខងារលាងសម្អាត ដូចជាសាប៊ូកម្ចាត់ជាតិខ្លាញ់ ក៏ដូចជាសារធាតុដែលបញ្ចេញលើស្បែក។ ដូច្នេះបន្ទាប់ពីងូតទឹករួច អ្នកនឹងមានអារម្មណ៍ត្រជាក់ ស្រស់ស្រាយ។ លក្ខណៈពិសេស​នេះ​ល្អ​នៅ​រដូវក្តៅ ប៉ុន្តែត្រូវប្រយ័ត្ននៅរដូវរងា។

ក្រៅពីនេះ ប្រសិនបើស្បែករបស់អ្នកជាស្បែកស្ងួត កុំភ្លេច Skincare ផ្តល់សំណើមដល់ស្បែកបន្ទាប់ពីងូតទឹក។

ជ្រោះទឹកក្តៅ Iot

ប្រភេទនេះស្រដៀងទៅនឹង Onsen Hydro cacbonat ខាងលើ។ ពេលផឹកមានប្រសិទ្ធិភាពព្យាបាលមុខងារថ្លើម លើសកូលេស្តេរ៉ុលក្នុងឈាម ទល់លាមក។

ជ្រោះទឹកក្តៅផ្ទុក Carbon dioxide

ប្រភេទ​នេះ​មាន​ប្រសិទ្ធភាព​សម្រាប់មុខរបួសកាត់ ចរន្ត​ឈាម​រត់ ឈាម​រត់​ខ្សោយ និងប្រព័ន្ធសរសៃប្រសាទមិននឹងនរ។ ពេលផឹកជួយដល់មុខងាររំលាយអាហារផងដែរ។

ជ្រោះទឹកក្តៅជាតិដែក

ដូចដែលបាននិយាយ Onsen ប្រភេទ​នេះ​មាន​ជាតិ​ដែក​ច្រើន ដូច្នេះពណ៌លឿងប្រែទៅជាក្រហម។ ផឹកទឹកប្រភេទនេះល្អណាស់ ជាពិសេសប្រសិនបើអ្នកស្លេកស្លាំង ឬមករដូវមិនទៀងទាត់ ប៉ុន្តែហាមឃាត់សម្រាប់ស្ត្រីមានផ្ទៃពោះ។

ជ្រោះទឹកក្តៅអាស៊ីត

ជាមួយនឹងមុខងារសម្លាប់បាក់តេរីខ្ពស់ Onsen នេះអាចជួយព្យាបាលជំងឺស្បែករ៉ាំរ៉ៃ កើតមុន ផ្សិតជើង។ ដោយ​សារ​ងាយ​ប្រតិកម្ម ដូច្នេះបើអ្នកមានរោគសញ្ញាដូចជារមាស់កាន់តែខ្លាំង សូមកុំងូតបន្ត ហើយពិគ្រោះជា​មួយ​គ្រូពេទ្យ។

 ជ្រោះទឹកក្តៅស្ពាន់ធ័រ

ព្រោះតែផ្ទុកសារធាតុស្ពាន់ធ័រ ដូច្នេះប្រភេទនេះមានក្លិនស៊ុតស្អុយ ជាពិសេសមានប្រសិទ្ធភាពសម្រាប់អ្នកដែលមានជំងឺរលាកស្បែក។ បើប្រៀបទៅនឹង Onsen អាស៊ីតខាងលើ ប្រភេទនេះមានលក្ខណៈល្អជាង ដូច្នេះអ្នកដែល​ងូត Onsen លើក​ដំបូង​អាច​ជ្រើស​រើស​បាន។

ក្រៅពីនេះ Onsen ស្ពាន់ធ័រមានប្រសិទ្ធិភាពបន្សាបជាតិពុល ដូច្នេះអាចកាត់បន្ថយផលប៉ះពាល់នៃការញៀនថ្នាំ។ 

ជ្រោះទឹកក្តៅផ្ទុកសារធាតុវិទ្យុសកម្ម

បើ​គ្រាន់​តែ​ឮ​ឈ្មោះ​ហាក់​ដូច​ជា​ងូត​ទឹកប្រភេទ​នេះមិន​ល្អ​ចំពោះ​សុខភាពទេ ប៉ុន្តែផ្ទុយ​ទៅវិញ។ 

Onsen មានប្រសិទ្ធភាពសម្រាប់ជំងឺរលាកសន្លាក់ឆ្អឹង ហើយគេថែមទាំងនិយាយថាប្រភេទនេះអាចព្យាបាលជំងឺ​មហា​រីក​​ទៀត​​ផង។

អ្នកដែលខ្ញុំស្គាល់កើតជំងឺមហារីកដំណាក់កាលចុងក្រោយ ងូត Onsen រួមបញ្ចូលនឹងការព្យាបាលដោយថ្នាំ ហើយក៏ឆ្លងផុត។

មិនច្បាស់ថាប្រសិទ្ធិភាពមកពីថ្នាំ ឬ Onsen ដោយសារមិនមានទិន្នន័យវិទ្យាសាស្ត្រច្បាស់លាស់ ប៉ុន្តែនេះជាវិធីព្យាបាល​ដែល​គួរ​ឲ្យ​ចាប់​អារម្មណ៍ និងមានសក្តានុពលខ្ពស់។

ប្រសិនបើអ្នកតែងតែមានអារម្មណ៍មិនស្រួលខ្លួន តើអ្នកធ្លាប់គិតចង់ទៅងូតទឹកក្តៅនៅជប៉ុនដែរទេ? ខ្ញុំ​គិត​ថា​ការ​​រឹត​​បន្តឹង​​ជំងឺ​​កូវីដ ១៩ នឹង​ដក​ចេញ​ក្នុង​ពេល​ឆាប់​ៗ​នេះ នៅពេលនោះកុំភ្លេចទៅប្រទេសជប៉ុន។

Kengo Abe