តើទោសប្រហារជីវិតមេដឹកនាំភេរវករ Shoko Asahara បំពានច្បាប់​ឬ?

តើអ្នកធ្លាប់ឮអំពី Aum Shinrikyo ទេ?

នេះជាសាសនាមួយនៅប្រទេសជប៉ុនដែលបង្កឧប្បត្តិហេតុបញ្ចេញឧស្ម័នពុលកាលពី ២៧ ឆ្នាំមុននៅលើរថភ្លើងក្រោម​ដី​ទីក្រុងតូក្យូ ហៅថាឧប្បត្តិហេតុ Sarin ។ ករណីនេះកើតឡើងនៅថ្ងៃទី ២០ ខែមីនាឆ្នាំ ១៩៩៥ ។

មេដឹកនាំសាសនាគឺ Shoko Asahara ឈ្មោះពិត Chizuo Matsumoto ត្រូវកាត់ទោសប្រហារជីវិតនៅខែកញ្ញា ឆ្នាំ ២០០៦ ហើយត្រូវបានប្រហារជីវិតនៅខែកក្កដា ឆ្នាំ ២០១៨ ។

មានមតិនិយាយថាពេលនោះ Aum Shinrikyo កំពុងគិតចង់សហការជាមួយកូរ៉េខាងជើង ហើយករណី Aum Shinrikyo បាញ់ឧស្ម័នពុលចង់ធ្វើឱ្យទីក្រុងតូក្យូជាប់គាំង ផ្តល់​ឱកាស​ដល់​កងទ័ព​កូរ៉េ​ចូលមក និងកាន់កាប់ប្រទេស​ជប៉ុន។ នេះជារឿងពិតនៃការប្រយុទ្ធចុងក្រោយក្នុងការបង្រៀនសាសនា​របស់​ពួកគេ។

ម៉្យាងទៀត ទោះបីជាគោលបំណងគោរពតាមបញ្ញត្តិដែលសាសនាបង្រៀន ប៉ុន្តែសកម្មភាពនេះនៅក្រៅក្របខ័ណ្ឌក្រុមសាសនា។ លើស​ពី​នេះ សកម្មភាព​វាយ​ប្រហារ​បើសង្ស័យ​ថា​ជា​ការ​វាយ​ប្រហារ​រដ្ឋាភិបាល​ជប៉ុន ក៏មិនមែនគ្មាន​មូលដ្ឋានដែរ។

Asahara ជាប់ពាក់ព័ន្ធនឹងករណីជាច្រើន ប្រសិនបើពិចារណាទោសកំហុសរបស់បុគ្គលនេះមិនតិចឡើយ។ ទន្ទឹមនឹងនេះ ដោយ​ខ្លាចអ្នកកាន់សាសនាវាយប្រហារដើម្បីជួយសង្គ្រោះបុគ្គលនេះ ការប្រហារជីវិត Asahara ត្រូវបានធ្វើឡើងលឿនជាងធម្មតា។

ទោះជាយ៉ាងណា កាលពីឆ្នាំមុនបញ្ហាកាត់ទោសប្រហារជីវិតបុគ្គលនេះត្រូវបានលើកឡើងម្តងទៀត ដោយលើកហេតុ​ផល​ថា​ជាការសម្រេចខុសច្បាប់។

ចំនួនឧក្រិដ្ឋកម្មដែលបុគ្គលនេះបានប្រព្រឹត្តច្រើនរាប់មិនអស់ ជាមួយនឹងកម្រិតធ្ងន់ធ្ងរបំផុត ដូច្នេះតើអ្វីធ្វើឱ្យការកាត់ទោសប្រហារជីវិតនេះមានភាពចម្រូង​ចម្រាស?

មាត្រា ៤៧៩ ប្រការ ១ នៃក្រមនីតិវិធីព្រហ្មទណ្ឌ។

ប្រសិនបើជនដែល​កាត់ទោស​ប្រហារជីវិតមាន​សភាពវង្វេងស្មារតី ​តាម​បញ្ជា​របស់​រដ្ឋមន្ត្រី​ក្រសួងយុត្តិធម៌ ការអនុវត្តទោសអាចត្រូវបានផ្អាក។

នេះជាបទប្បញ្ញត្តិតាមច្បាប់។
បើទោះបីជាត្រូវកាត់ទោស មិនអាចសម្លាប់មនុស្សម្នាក់ នៅពេលដែលម្នាក់នោះមិនដឹងអំពីការស្លាប់របស់ខ្លួននោះ​ទេ។ នោះហើយជាអត្តន័យចំណុចនេះ។

ចំណុចនេះមិនមែនមានន័យថាលុបចោលទោសប្រហារជីវិតទេ ប៉ុន្តែទោសប្រហារជីវិតអាចត្រូវបានព្យួរ ហើយ​នឹង​អនុវត្ត​នៅពេលដែលអ្នកទោសយល់អំពីអត្ថន័យទោស។

នៅពេល Asahara ត្រូវប្រហារជីវិត បុគ្គលនេះជាប់គុករយៈពេល​ជាង ២០ ឆ្នាំ​មកហើយ។

ដោយដឹងថាចាប់​ពី​ពេល​នោះ​មក គាត់​មិន​បាន​ឆ្លើយ​តប​នរណា​ម្នាក់ពេលត្រូវគេសួរនាំទេ។ នៅពាក់កណ្តាលសវនាការ បុគ្គល​នេះ​មិន​អាច​និយាយ​ស្តីច្បាស់​លាស់ រួមទាំងក្រុមមេធាវីរបស់ខ្លួនផងដែរ។

ក្រុម​គ្រួសារ​របស់បុគ្គលនេះ​បាន​ដាក់​ពាក្យ​បណ្តឹង​ទាមទារ​សំណង​ចំនួន ១ លាន​យ៉េន។

តើបុគ្គលនេះពិតជាវង្វេងស្មារតីមែនទេ? ចំពោះឧក្រិដ្ឋជនដែលគ្រោងនឹងផ្តួលរំលំប្រទេសជប៉ុន តើច្បាប់អាចការ​ពារ​ដល់​កម្រិត​ណា។

Aum Shinrikyo បង្កគ្រោះថ្នាក់ដល់សាធារណជនយ៉ាងធ្ងន់ធ្ងរ ដូច្នេះទោសប្រហារជីវិតជារឿងធម្មតា។

ប្រសិនបើសំណងខូចខាត ១ លានយ៉េនលើកនេះទទួលបានការយល់ព្រម ខ្ញុំមានអារម្មណ៍ថាមិនសាកសមទេ ប៉ុន្តែច្បាប់​នៅតែជា​ច្បាប់។

បញ្ហានេះនឹងធ្វើឱ្យចៅក្រមជាច្រើនឈឺក្បាល។

Kengo Abe