គម្រោង ១០ ឆ្នាំ​ផ្តល់ភាពកក់ក្តៅ​ដល់​កុមារ​កំព្រា​នៅជប៉ុនតាមរយៈការ​ឱប​

“ឱបចៅផង” ក្មេងប្រុសអាយុ ៣ ឆ្នាំតាមស្អិត​អ្នក​ស្ម័គ្រ​ចិត្ត​ម្នាក់នៅមណ្ឌលកុមារកំព្រា Okayama ភាគ​ខាង​ត្បូង​ប្រទេស​​ជប៉ុន។

បុរសអាយុ ៥១ ឆ្នាំឱប​ក្មេង​ប្រុស​យ៉ាង​ណែន ក្មេង​ប្រុសងើយមើលទាំងញញឹម។ បុរស​នោះ​បាន​បន្ត​សង្កេត​មើល​ក្មេង​ដទៃ​ទៀតកំពុង​លេង​។ ក្មេងស្រី​បឋម​សិក្សាម្នាក់លោតឡើងលើខ្នងរបស់អ្នកស្ម័គ្រចិត្ដយ៉ាងសប្បាយរីករាយ នៅ​ពេល​គាត់​អង្គុយ​លេង​រថភ្លើង​ជា​មួយ​ប្អូនៗ។

បុរស​ម្នាក់​នេះទៅលេងមណ្ឌលកុមារកំព្រា Zenrinkan ៤ ដង​ក្នុង​មួយ​ខែ អំឡុងពេល ៥ ឆ្នាំ​កន្លង​មក​នេះ។ គាត់ជាសមាជិកក្រុមតន្ត្រី Gruun ដែលបង្កើតឡើងកាលពី ១១ ឆ្នាំមុន ហើយមានមូលដ្ឋាននៅទីក្រុង Okayama ភាគខាង​ត្បូង​ប្រទេស​ជប៉ុន។ សមាជិក Gruun ទៅមើលមណ្ឌលកុមារកំព្រា និងផ្តល់ការឱបដល់កុមារដែលខ្វះ​ខាត​ក្តី​ស្រលាញ់។

អ្នកស្រី Mitsuko Komoto ប្រធានក្រុម Gruun ។

Ryuichi Iwai អាយុ ៥៤ ឆ្នាំ អ្នកគ្រប់គ្រងមណ្ឌលកុមារកំព្រា Zenrinkan បានបង្ហាញការដឹងគុណចំពោះអ្នកស្ម័គ្រចិត្តអាយុ ៥១ ឆ្នាំខាងលើ។ Ryuichi Iwai បាននិយាយថា “គាត់តែងតែមកលេង ហើយប្អូនៗទន្ទឹងរង់ចាំគាត់” ។

Ryuichi Iwai បាននិយាយថា បុគ្គលិកមណ្ឌលកុមារកំព្រា Zenrinkan តែងតែមមាញឹកចំពោះការបោកគក់ សម្អាត និងឯកសារ ដែលធ្វើឱ្យពួក​គេ​មិន​អាចចំណាយពេលច្រើនជាមួយក្មេងៗនៅទីនេះ។ 

អ្នកស្ម័គ្រចិត្តអាយុ ៥១ ឆ្នាំបាននិយាយថា គាត់យកចិត្តទុកដាក់លើបុគ្គលិកលក្ខណៈរបស់ក្មេងម្នាក់ៗនៅមណ្ឌលកុមារកំព្រា Zenrinkan ដើម្បីរក្សាគម្លាតអោយបានសមរម្យ ប្អូនៗមិនដាច់ចិត្តលាទោះទើបជួបគាត់លើកដំបូងក៏ដោយ។ គាត់បន្តទៀតថា “ប្អូនៗហាក់ដូចជាចង់តោងជាប់នរណាម្នាក់” ។

អ្នកស្រី Mikako Ario ម្តាយកូនពីរនៅខេត្ត Kanagawa ជាអ្នកចាប់ផ្តើមចលនាឱបប្អូនៗខ្វះខាតក្តីស្រលាញ់។ អ្នកស្រី Mikako Ario បាននិយាយថា ខ្លួនធ្លាប់រងអំពើហិង្សា ហើយចង់ភ្ជាប់ទំនាក់ទំនងជាមួយមណ្ឌលកុមារកំព្រា សម្រាប់កុមារដែលត្រូវរំលោភបំពាន ឬត្រូវការជំនួយ។

អ្នកស្រី Mikako Ario បាននិយាយថា “ខ្ញុំ និងកូនរបស់ខ្ញុំអាចឱបគ្នាគេងរាល់យប់ ប៉ុន្តែប្អូនៗទាំងនេះមិនអាចធ្វើ​ដូច្នេះ​បាន​ទេ” ប្អូនៗចង់ឱ្យនរណាម្នាក់ធ្វើដាក់ខ្លួនដូចដែលខ្ញុំធ្វើចំពោះកូន។

អ្នកស្រី Mikako Ario ចាប់ផ្តើមហៅទូរស័ព្ទទៅកាន់មណ្ឌលកុមារកំព្រាទូទាំងខេត្ត Kanagawa ដើម្បីធ្វើឱ្យគំនិតរបស់ខ្លួនក្លាយជាការពិត។ ដំបូងអ្នកស្រី Mikako Ario ឱបក្មេងៗដែលឯកោ បន្ទាប់មកអ្នកជិតខាង អ្នកស្គាល់គ្នា​របស់​អ្នកស្រី Mikako Ario បានចូលរួម ហើយក្រុម Grunn ត្រូវបានបង្កើតឡើងនៅឆ្នាំ ២០១១ ។

អ្នកស្រី Mikako Ario នាំយករឿងទាំងនេះទៅដល់សប្បុរសជនទូទាំងប្រទេសជប៉ុន ដើម្បីជួបបង្ហាញពីក្តីស្រឡាញ់ និងការយកចិត្តទុកដាក់ចំពោះកុមារ។ អ្នកស្រី Mikako Ario ទទួលមរណភាពនៅខែកុម្ភៈ ឆ្នាំ ២០១៥ អាយុ ៤៣ ឆ្នាំ ដោយ​សារ​ជំងឺ​មហារីក កូនៗរបស់គាត់កំពុងរស់នៅជាមួយសាច់ញាតិ។

ក្រោយពេលបង្កើតបាន ៤ ឆ្នាំ ក្រុម Grunn មានសមាជិក ១០០០ នាក់ ដែលភាគច្រើនជាស្ត្រីវ័យ ៤០ ឆ្នាំ។ អ្នកស្រី Mitsuko Komoto អាយុ ៦៤ ឆ្នាំ អ្នកជំនួសតួនាទីរបស់អ្នកស្រី Mikako Ario បន្ទាប់ពីទទួលមរណភាពបាននិយាយ​​ថា លោកស្រីស្គាល់ Grunn តាមរយៈអុីនធឺណេត ហើយក្លាយជាអ្នកគាំទ្រក្រុមនៅ Okayama ក្នុងឆ្នាំ ២០១២ ។ អ្នក​ស្រី Mitsuko Komoto បាននិយាយថា “ស្ថាបនិកក្រុមបានទទួលមរណភាព ប៉ុន្តែការជួយគ្នាទៅវិញទៅមករបស់​យើង​នឹង​បន្ត​ដំណើរការ” ។

អ្នក​ស្ម័គ្រ​ចិត្ត​ព​ក្មេង​ប្រុស​ម្នាក់​អំឡុង​ពេលទៅមណ្ឌលកុមារកំព្រានៅ Okayama ប្រទេសជប៉ុន នៅខែ​វិច្ឆិកា ឆ្នាំ ២០២១ ។ រូបភាព៖ Asahi

ខណៈពេលដែលអ្នកស្ម័គ្រចិត្ដ Gruun បានទៅដល់មណ្ឌលកុមារកំព្រាដើម្បីឱបប្អូនៗ អ្នកស្រី Komoto បានជំរុញប្រព័ន្ធស្មុំកូន​។ អ្នកស្រីបានអំពាវនាវដល់អ្នកចាប់​អារម្មណ៍​ចុះ​ឈ្មោះ​កម្មវិធីសុំកូនចិញ្ចឹម​រយៈពេល​ខ្លី ដើម្បី​​មើល​​ថែ​ប្អូនៗ​ពីរបីថ្ងៃក្នុងមួយខែ។

អ្នកស្រី Mitsuko Komoto ចាប់ផ្តើមមើលថែកុមារកំព្រានៅឆ្នាំ ២០១៥ និងកំពុងរស់នៅជាមួយទារកម្នាក់ដែលមិន​អាចនៅជាមួយឪពុកម្តាយបង្កើត។ អ្នកស្រី Mitsuko Komoto បាននិយាយថា “ខ្ញុំមើលថែប្អូនរៗដូចជាសាច់​​ញាតិ​​វ័យចំណាស់” ខ្ញុំជឿថាខ្លួនតែងតែយកចិត្តទុកដាក់ចំពោះប្អូនៗជាជាងការឱបទៅទៀត។

ក្រុម Gruun បានពង្រឹងកិច្ចសហប្រតិបត្តិការជាមួយអង្គការផ្សេងៗ។ មន្ត្រី Okayama អនុញ្ញាតឱ្យក្រុម Gruun រៀបចំកិច្ចពិភាក្សាប្រចាំឆ្នាំ ដើម្បីបង្កើនការយល់ដឹងរបស់អ្នករាល់គ្នាចំពោះមណ្ឌលកុមារកំព្រា និងប្រព័ន្ធស្មុំកូន​។

ក្រុមអ្នកស្ម័គ្រចិត្តក៏បានសហការជាមួយក្រុមប្រឹក្សា​សង្គម​កិច្ច​ខេត្ត Nagoya ដើម្បីស្វែងរកអ្នកគាំទ្រថ្មី។ អ្នកស្ម័គ្រចិត្តមកពី ៤៧ ខេត្តនៃប្រទេសជប៉ុនបានចូលរួមក្នុងចលនានេះ ហើយផ្តល់ភាពកក់ក្តៅតាមរយៈការឱបដល់កុមារ​ដែល​មិន​មាន​សំណាង។

មុនពេលទទួលមរណភាព អ្នកស្រី Mikako Ario បាននិយាយថា “សមិទ្ធិផលធំពីរដែលខ្ញុំបានបន្សល់ទុក គឺផ្តល់កំណើត​ឱ្យកូនទាំងពីរនាក់ និងបង្កើត Gruun ជាភស្តុតាងបញ្ជាក់ថាខ្ញុំនៅតែមានជីវិតលើលោកនេះ” ។

អ្នកស្រី Mikako Ario បាននិយាយថា “គ្មាន​នរណា​ម្នាក់​ដឹង​ថា​នឹង​មាន​អ្វី​កើត​ឡើង​នៅ​ថ្ងៃ​ស្អែក​ឡើយ។ ដូច្នេះ​ចូរ​ឱប​មនុស្ស​​ជា​​ទី​ស្រឡាញ់​​របស់​អ្នក និងប្អូនៗដែលត្រូវការភាពកក់ក្តៅនៅថ្ងៃនេះ” ។

Hana