នៅទីក្រុង Minamiboso លក់ជ្រោះទឹកក្តៅតាមស្ថានីយ៍ស្រដៀងនឹងស្ថានីយ៍ប្រេងឥន្ធនៈ

នៅទីក្រុង Minamiboso ភាគខាងកើតប្រទេសជប៉ុន ជ្រោះទឹកក្តៅត្រូវបានលក់ជាលីត្រនៅស្ថានីយ៍ដែលស្រដៀងនឹងស្ថានីយ៍ប្រេងឥន្ធនៈ។

“ស្ថានីយ៍ជ្រោះទឹកក្តៅ” ត្រូវបានដាក់នៅតំបន់កសិកម្មសង្កាត់ Chikuracho នៃទីក្រុង Minamiboso ខេត្ត Chiba កាន់​តែល្បីៗទៅ។

អ្នកតំណាងមកពីសមាគមជ្រោះទឹកក្តៅនៅទីក្រុងបាននិយាយថា “យើងសង្ឃឹមថាមនុស្សកាន់តែច្រើនដឹងអំពីភាព​អស្ចារ្យ​នៃជ្រោះទឹកក្តៅនៅ Minamiboso” ។

សមាគមចាប់ផ្តើមស្វែងរកមធ្យោបាយលើកកម្ពស់ទីក្រុង និងទាក់ទាញភ្ញៀវទេសចរណ៍តាំងពី ១០ ឆ្នាំមុន។ ខណៈពេលនោះជ្រោះទឹកក្តៅមានចំនួន ១៧ កន្លែងនៅក្នុងទីក្រុង។ សមាគមសង្ឃឹមថាអាចឃោសនា Minamiboso ដូចជារមណីយដ្ឋាន ដោយទាញយកប្រភពជ្រោះទឹកក្តៅ ហើយ​ចែក​ចាយ​ប្រភព​ជ្រោះទឹកក្តៅដែលមានគុណភាពខ្ពស់​ទៅ​កាន់កន្លែងដែលមិនអាចប្រើបាន។

សមាគមបានសម្រេច​ជ្រើសរើស​ទីតាំង​ដែល​មាន​ប្រភពជ្រោះ​ទឹក​ក្តៅ​ល្អ​ជា​កម្មសិទ្ធិ​របស់​ទីក្រុង ជាមួយនឹងការឧបត្ថម្ភ​ពីទីក្រុង Minamiboso ដើម្បីដំណើរការរកជ្រោះទឹកក្តៅ។

នៅពេលទទួលបានការណែនាំពីអ្នកជំនាញ និងអាជីវកម្ម សមាគមបានជ្រើសរើសទីតាំងខួងយកជ្រោះទឹកក្តៅដោយប្រុងប្រយ័ត្ន។ ការងារបានចាប់ផ្តើមនៅខែតុលា ឆ្នាំ ២០១៨ ។ នៅទីបំផុតពួកគេបានរកឃើញប្រភពជ្រោះទឹក​ក្តៅ​ក្រោមជម្រៅ ១០០ ម៉ែត្រ។

ក្រៅពីចែកចាយជ្រោះទឹកក្តៅទៅកាន់មូលដ្ឋាន សមាគម​បាន​បង្កើត​ស្ថានីយ​ជ្រោះទឹក​ក្តៅ​គ្មានអ្នកលក់។ ពួកគេបានដំឡើងម៉ាស៊ីនដែលមើលទៅដូចស្ថានីយ៍ប្រេងឥន្ធនៈនៅថ្ងៃទី ១ ខែសីហា ឆ្នាំ ២០២០ ដើម្បីឱ្យភ្ញៀវទេសចរណ៍ និងអ្នកស្រុកអាចមកទិញទឹកមានសីតុណ្ហភាព ១៨ អង្សាសេ។

ដូច្នេះអ្នកទិញទឹកក្តៅអាចយកតាមធុងជ័រ បន្ទាប់មកបញ្ចូលកាក់ដែលបានទិញនៅមជ្ឈមណ្ឌលព័ត៌មានទេស​ចរណ៍​របស់​ទីក្រុង និងការិយាល័យទេស​ចរណ៍ Chikura ជាប់​ស្ថានីយ៍ JR Chikura ទៅក្នុងម៉ាស៊ីន។

កាក់នីមួយៗមានតម្លៃ ១០០ យ៉េន ហើយអាចទិញទឹកបាន ២០ លីត្រ។

ជ្រោះទឹកក្តៅ​មាន​ពណ៌​​ក្រហមដូចច្រេះ ផ្ទុក natri clorua និង hidro cacbonat មានប្រសិទ្ធិភាពកំដៅរាងកាយពីខាងក្នុង ជួយកាត់បន្ថយការឈឺចាប់សរសៃប្រសាទ ឈឺសាច់ដុំ ឆាប់រងា និងបញ្ហាសុខភាពផ្សេងទៀត។ ហើយក៏មាន​មតិ​មួយ​ចំនួន​និយាយ​ថា​ប្រភេទទឹកនេះល្អសម្រាប់ស្បែក។

ភ្ញៀវដែលមកកាន់ស្ថានីយ៍ជ្រោះទឹកក្តៅមានគ្រប់វ័យ ពួកគេមិនត្រឹមតែជាអ្នករស់នៅខេត្ត Chiba ប៉ុណ្ណោះទេ និង​មក​ពី​តំបន់​ផ្សេង​ទៀត។ ចំនួនអ្នកមកកាន់ទីនេះក៏កំពុងកើនឡើងផងដែរ។

បច្ចុប្បន្ននេះ ដោយសារឥទ្ធិពលនៃជំងឺកូវីដ ១៩ គម្រោងបង្កើនចំនួនផ្ទះសំណាក់ដែលប្រើជ្រោះទឹកក្តៅរបស់សមាគម​ត្រូវ​បាន​ពន្យារ​ពេល។ ទីតាំងជ្រោះទឹកក្តៅផ្សេងទៀតនៅទីនេះរំពឹងថានឹងបើកនាខែមេសាឆ្នាំនេះ។

Shunichiro Suzuki ប្រធានសមាគមជ្រោះទឹកក្តៅបាននិយាយថា “យើងសង្ឃឹមថាអាចរួមចំណែកលើកកម្ពស់វិស័យ​ទេស​ចរណ៍​របស់​ទីក្រុង។ ហើយ​សង្ឃឹម​ថា​មនុស្ស​ជា​ច្រើន​នឹងមករីករាយជាមួយប្រភពទឹកក្តៅនៅ​ទី​នេះ” ។

ស្ថានីយ៍ទឹកក្តៅបើកពីម៉ោង ៩ៈ៣០ ព្រឹក ដល់ ១៦:៣០ ល្ងាច ជារៀងរាល់ថ្ងៃ។ ប្រសិនបើមានចម្ងល់ សូមទាក់​ទង​មក​កាន់​សមាគម​ទឹក​ក្ដៅ​ទីក្រុង Minamiboso តាមរយៈលេខទូរស័ព្ទ 0470-44-3581 (ជាភាសាជប៉ុន)។

AD

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: