លេណដ្ឋានខ្នាតតូចត្រូវ​បាន​រចនាឡើងដើម្បីការពារទឹកជំនន់ ផ្ទុះ រញ្ជួយ​ដី វិទ្យុសកម្ម អាវុធជីវសាស្ត្រ និងគីមី

ក្រុមហ៊ុនជប៉ុនមួយកំពុងដាក់លក់លេណដ្ឋានខ្នាតតូចដែលអាចដំឡើងនៅតាមផ្ទះល្វែង និងផ្ទះតូច ដើម្បីការពារគ្រោះ​ធម្ម​ជាតិ វិទ្យុសកម្ម និងមីស៊ីល។

អ្នកប្រហែលជាធ្លាប់ឮអំពីមហាសេដ្ឋី ឬអ្នកជឿលើថ្ងៃអវសានពិភពលោក បានសាងសង់លេណដ្ឋានប្រណីតផ្ទាល់ខ្លួន ដើម្បីការពារខ្លួន និងក្រុមគ្រួសារពីគ្រោះមហន្តរាយដែលមិនដឹងមុន។

ក្រុមហ៊ុនជប៉ុនបានប្រកាសថា ទោះបីជាអ្នកមិនមែនមហាសេដ្ឋី ក៏អ្នកនៅតែអាចឆ្លងកាត់ថ្ងៃអវសាននុយក្លេអ៊ែរក្នុងផ្ទះ​របស់​ខ្លួន​ដោយប្រើលេនដ្ឋានខ្នាតតូចនេះ។

Kakushelter គឺជាក្រុមហ៊ុនឯកទេសខាងលេនដ្ឋានខ្នាតតូច ដែលត្រូវបានរចនាឡើងដើម្បីទប់ទល់នឹងគ្រោះមហន្ត​រាយ​ធម្មជាតិដូចជារញ្ជួយដី ទឹកជំនន់ ការវាយប្រហារដោយមីស៊ីល និងវិទ្យុសកម្ម។ ដោយភ្ជាប់មកជា​មួយ​ប្រព័ន្ធ​បន្សុទ្ធខ្យល់ មានគ្រប់ទំហំខុសគ្នា ហើយអាចផ្ទុកមនុស្សពី ១ ទៅ ៧ នាក់ នៅគ្រប់ទីកន្លែង។

ក្រោមស្ថានភាពតានតឹងរវាងរុស្ស៊ី និងអ៊ុយក្រែន មនុស្សជាច្រើនចោទសួរអំពីការវាយប្រហារដោយអាវុធ​នុយ​ក្លេអ៊ែរ​អាច​កើត​ឡើង​គ្រប់​ពេល។

Kakushelter បានបង្ហោះលើគេហទំព័រថា “សម្រាប់អ្នកដែលកំពុងព្រួយបារម្ភអំពីសង្គ្រាមរវាងរុស្ស៊ី និងអ៊ុយក្រែន ពួក​យើង​ជា​ក្រុមហ៊ុននាំមុខខាងលេណដ្ឋាននុយក្លេអ៊ែរ។ តើអ្នកអាចធ្វើអ្វីដើម្បីការពារខ្លួនឯង?”

លេណដ្ឋានលោហៈខ្នាតតូចរបស់ Kakushelter មានឈ្មោះថា WNIshelter ការពារផ្ទុះ ការពារការប៉ះទង្គិច និងការ​ពារ​វិទ្យុសកម្ម ក៏ដូចជាអាវុធជីវសាស្ត្រ និងគីមី។

ក្រុមហ៊ុនជប៉ុនបានអះអាងថា លេណដ្ឋានរបស់ពួកគេអាចទប់ទល់នឹងសម្ពាធខ្យល់រហូតដល់ ១,០៧ atm ក្នុងរយៈពេល ៦,៥ ទៅ ១៧ វិនាទី។ ដូច្នេះអាចការពារ ១០០% សមាសធាតុវិទ្យុសកម្ម និងសារធាតុពុលផ្សេងទៀត។

ប្រព័ន្ធចម្រោះ Rainbow 72R របស់លេណដ្ឋានក៏ត្រូវគេចាត់ទុកថាអាចចម្រោះ ៩៩,៩៩៥% សារធាតុគ្រោះថ្នាក់ខុស​គ្នាក្នុងបរិយាកាសខាងក្រៅ។

ដំណោះស្រាយរបស់ WNIshleter អាចផ្គត់ផ្គង់មុខងារការពារសំខាន់ៗចំនួនប្រាំរួមមាន៖ ទឹកជំនន់ ផ្ទុះ រញ្ជួយដី វិទ្យុសកម្ម ក៏ដូចជាអាវុធជីវសាស្ត្រ និងគីមី។

ដោយសារលេណដ្ឋានខ្នាតតូចអាចត្រូវបានដំឡើងនៅតាមផ្ទះរបស់អ្នក ដូច្នេះអ្នកអាចប្រើដូចជាកន្លែងផ្ទាល់ខ្លួន ឬប្រើសម្រាប់គោលបំណងដើម។

yuki