តើយុវជនជប៉ុនមិនចូលចិត្តទៅផឹកឬ? គ្រាន់តែមិនចង់ទៅជាមួយមនុស្ស​មួយ​ចំនួន

កាលខ្ញុំនៅជាបុគ្គលិកថ្មី មានន័យថាកាលពី ៣០ ឆ្នាំមុន បុគ្គលិកថ្មីទៅផឹកជាមួយថ្នាក់លើជារឿងធម្មតា ហើយមិន​​អាច​បដិសេធ​បាន​ទេ។ ទោះបីជាបុគ្គលិកថ្មីមិនចេះផឹក ក៏ត្រូវបង្ខំអោយផឹកដែរ លទ្ធផលយុវជនជប៉ុនត្រូវរៀន​ផឹក។ បន្ទាប់​មក ពួក​គេ​ត្រូវស្តាប់ Senpai និយាយ ឬបង្រៀនពីរបៀបធ្វើការ។

និយាយតាមត្រង់គឺធុញណាស់។

ខ្ញុំគិតថាជាក់ស្តែង បុគ្គលិកថ្មីតែងតែគិតថា Senpai ​ក្នុង​ពិធី​ជប់លៀង​ផឹក​ស៊ីបែបនេះ។

ក្នុងចំណោមរឿងទាំងនោះ មិនមែនសុទ្ធតែគ្មានន័យ គ្មានប្រយោជន៍ ឬគ្រាន់តែនិយាយដើមគេនោះទេ ក៏មានរឿងខ្លះជាមេរៀនសម្រាប់យើងផង​ដែរ។

បច្ចុប្បន្ននេះយុវជនកាន់តែច្រើនឡើងៗស្អប់ពិធីជប់លៀងផឹកស៊ីរបស់ក្រុមហ៊ុន។

សព្វថ្ងៃក្រុមហ៊ុនជប៉ុនមិនអាចហៅ​បុគ្គលិក​ទៅ​ជប់លៀង​ផឹកស៊ីកាន់តែច្រើនឡើង។ ហើយយុវជន​មួយ​ចំនួនមិន​ចូល​​ចិត្ត​​ផឹក ប៉ុន្តែគោលបំណងពិតមិនមែនដូច្នេះទេ។

យុវជន ២១,៤% ប៉ុណ្ណោះដែលឆ្លើយថា ពួកគេចូលចិត្តទៅផឹកជាមួយថ្នាក់លើ និង Senpai ។ ប៉ុន្តែ ៤៤,៥% បាននិយាយ​ថា ពិធីជប់លៀងជាមួយអ្នករួមជំនាន់មិនជាបញ្ហាទេ។

ជាក់ស្តែងពួកគេមិនស្អប់រឿងទៅផឹកទេ ប៉ុន្តែមិនចង់ទៅជាមួយមនុស្សមួយចំនួន។

ចូរយើងពិនិត្យមើលលទ្ធផលស្ទង់មតិខាងលើឱ្យបានច្បាស់។

លក្ខណៈពិធីជប់លៀងដែលបុគ្គលិកចង់ចូលរួមមានដូចខាងក្រោម៖

១. មិនចំណាយប្រាក់

២. មិនត្រូវការអ្នកប្រដៅ

៣. សង្ខេប ច្បាស់លាស់ ផឹកលឿន បញ្ចប់លឿន មិនអូសបន្លាយ មិនរអ៊ូរទាំ

៤. មិនបង្កការចាប់អារម្មណ៍

៥. ផឹកតាមល្បឿនរបស់ខ្លួន

ពិធីជប់លៀងផឹកសុីជាមួយអ្នករួមជំនាន់ប្រាកដជាត្រូវចំណាយប្រាក់ ប៉ុន្តែ​មូលហេតុ​មិនចំណាយប្រាក់គឺថា៖

“ទោះជាយ៉ាងណាក៏រំខាន ញ៉ាំមួយពេលមិនអស់ប្រាក់ចាំគិតទៀត”

មនុស្សជាច្រើនគិតដូច្នេះ។

ប្រសិនបើជាពិធីជប់លៀងផឹកស៊ីសប្បាយរីករាយ មិននិយាយច្រើន មនុស្សគ្រប់គ្នាប្រាកដជាចង់ចូលរួម។ បញ្ហាស្ថិត​នៅ​លើ​ថ្នាក់​លើ។

ថ្នាក់លើល្អធ្វើអោយពិធីជប់លៀងមានអ្នកចូលរួមច្រើន មានន័យថាមិនបង្ខំឱ្យផឹក មិនប្រើអំណាចទូន្មាន។

ស្តាប់យោបល់របស់អ្នកក្រោមបង្គាប់សំខាន់ខ្លាំងណាស់។

រឿងដូចជា “កាលខ្ញុំនៅក្មេង… (បែបនេះ បែបនោះ)” សរុបទៅគ្មាននរណាចង់ស្តាប់ទេ។

ត្រង់ចំណុច “មិនបង្កការចាប់អារម្មណ៍” ខ្ញុំនឹងលើកមតិផ្ទុយ។ ប្រសិនជប់លៀងផឹកសុីដើម្បីពិភាក្សា​អាជីវកម្ម​ជា​មួយ​​អតិថិជន​ បើមិនធ្វើអោយទាក់ទាញមិនបានទេ។ ភាពទាក់ទាញដូចជាវេទមន្ត មិនត្រឹមតែធ្វើឱ្យការងារមានភាព​ងាយ​ស្រួល​ប៉ុណ្ណោះ​ទេ ថែមទាំងបង្កើតភាពទាក់ទាញសម្រាប់ខ្លួនអ្នកផងដែរ។

ពិតជាធុញណាស់បើស្តាប់ថ្នាក់លើនិយាយក្នុងពេល​ជប់លៀងមិនចេះចប់។ ប៉ុន្តែបើអ្នកយកចិត្តទុកដាក់ អ្នកនឹងទទួលបាន​អត្ថប្រយោជន៍។ នេះជា Skill សំខាន់ ជួយដល់ការឡើងឋានរបស់អ្នក ដូច្នេះកុំត្អូញត្អែរ ចូរគិតចំណុចល្អៗ។

ចំណែកឯខ្ញុំវិញ បើទៅផឹកជាមួយថ្នាក់ក្រោម ឬយុវជន ក៏ត្រូវចាប់អារម្មណ៍ដើម្បីកុំអោយគេស្អប់។

Kengo Abe