សាររំលឹកពីទីក្រុង Hiroshima “បំពេញទំនួលខុសក្នុងនាមជាមនុស្ស ដើម្បីកុំឱ្យកើតមានសោកនាដកម្មដូច Hiroshima និង Nagasaki”

នៅថ្ងៃទី ៦ ខែសីហា ឆ្នាំ ១៩៤៥ ។

ក្រោមផ្ទៃមេឃពណ៌ខៀវនៃទីក្រុង Hiroshima យន្តហោះទម្លាក់គ្រាប់បែកអាមេរិកមកបានមកដល់ ហើយទម្លាក់គ្រាប់បែកបរមាណូមកលើទីក្រុងនេះ។ នេះ​ក៏​ជា​អាវុធ​នុយក្លេអ៊ែរ​ដំបូង​គេលើ​ពិភពលោកដែលដាក់ចូល​ការ​ប្រយុទ្ធ​ជាក់​ស្តែង។

ទោះបីជាផ្ទុះក្នុងរយៈកម្ពស់ ៦០០ ម៉ែត្រ តែគ្រាប់បែកនុយក្លេអ៊ែរបញ្ចេញកំដៅយ៉ាងខ្លាំង មិនអាចប្រៀបនឹងគ្រាប់បែកធម្មតា ហើយអាចបំផ្លាញទីក្រុងទាំងមូល។ មិនត្រឹម​តែប៉ុណ្ណឹងបញ្ហាខូចខាតធ្ងន់ដែលបណ្តាលមកពីវិទ្យុសកម្មបាន​ឆក់​យក​ជីវិតមនុស្ស ១៤ ម៉ឺន​នាក់។

មិនត្រឹម​តែប៉ុណ្ណឹង ៣ ថ្ងៃ​ក្រោយ​មកគឺនៅថ្ងៃ​ទី ៩ ខែ​សីហា អាមេរិកបាន​បន្ត​ទម្លាក់​គ្រាប់​បែក​បរមាណូ​មួយ​គ្រាប់​ទៀត​​ទៅ​លើ​ Nagasaki ។ ការខូចខាតនៅទីនេះគួរឱ្យភ័យខ្លាចណាស់ មនុស្សជាង ៧៣,០០០ នាក់បានស្លាប់។

ខុសពីសព្វាវុធធម្មតា អាវុធនុយក្លេអ៊ែរមិនវាយប្រហារលើមូលដ្ឋានទ័ពសត្រូវទេ ប៉ុន្តែដុតបំផ្លាញទីក្រុង ទីប្រជុំជន ដែលបណ្តាលឱ្យប្រជាជនធម្មតាស្លាប់បាត់បង់ជីវិតយ៉ាងច្រើន។ មិន​ត្រឹម​តែ​មនុស្ស​ សូម្បីតែដីក៏​រាំង​ស្ងួតដោយសារ​ការ​​បំពុល​​វិទ្យុសកម្ម។ វាមិនមែនជាសង្គ្រាមទៀតឡើយ ប៉ុន្តែជាការសម្លាប់រង្គាល។ កាលពី ៧០ ឆ្នាំមុន មនុស្សជាតិត្រូវ​តែយល់អំពីរឿងនេះ។

រហូតមកដល់ពេលនេះឆ្នាំ ២០២២ ការគំរាមកំហែងអាវុធនុយក្លេអ៊ែមិនត្រឹមតែមិន​ថមថយ​ប៉ុណ្ណោះទេ ថែមទាំង​រីក​រាលដាលជុំវិញពិភពលោកទៀតផង។ មានសន្ធិសញ្ញាស្តីពីការហាមឃាត់កំណើនអាវុធនុយក្លេអ៊ែរ ប៉ុន្តែសន្ធិសញ្ញានេះផ្តល់ផលប្រយោជន៍ដល់ប្រទេសមហាអំណាច ប្រទេស​ដែល​មាន​អាវុធ​នុយក្លេអ៊ែរ ប៉ុន្តែមិនចង់ឱ្យប្រទេសផ្សេងទៀត​កាន់​កាប់​អាវុធ​នេះ។ ដូច្នេះហើយ ការគំរាមកំហែងអាវុធនុយក្លេអ៊ែរនៅតែបន្ត។

យោងទៅតាមច្បាប់អន្តរជាតិ ការគំរាមកំហែង ប្រកាសប្រើប្រាស់អាវុធនុយក្លេអ៊ែរខុសច្បាប់ ប៉ុន្តែបើគ្រាន់តែពឹងផ្អែកលើច្បាប់ ឬទណ្ឌកម្មសេដ្ឋកិច្ច មិនអាចចាត់ទុកជាមធ្យោបាយចុងក្រោយក្នុងការទប់ស្កាត់ការគំរាមកំហែង​នុយក្លេអ៊ែរ​នោះ​ទេ។

ដោយសារប្រទេសជប៉ុនមានសម្ព័ន្ធភាពជាមួយសហរដ្ឋអាមេរិក ជាប្រទេសដែលមានអាវុធនុយក្លេអ៊ែរ ដូច្នេះមិន​មែន​ជា​ការ​បំផ្លើស​ទេដែលថាជប៉ុនត្រូវបានការពារដោយអាវុធនុយក្លេអ៊ែរ បើទោះបីជាមិនកាន់កាប់ដោយផ្ទាល់។

លទ្ធផលមនុស្សជាតិមិនអាចទ្រទ្រង់នឹងពិភពលោកបច្ចុប្បន្ននេះបាន ប្រសិនបើគ្មានមធ្យោបាយចុងក្រោយ គឺអាវុធ​នុយក្លេអ៊ែរ។

ក្នុង​នោះ​ជប៉ុន​ជា​ប្រទេស​តែ​មួយ​គត់​រហូត​មក​ដល់​ពេល​នេះរងគ្រោះ​ដោយ​អាវុធ​នុយក្លេអ៊ែរ។ អតីតអភិបាលក្រុង Hiroshima ទីក្រុងដែលរងការ​ខូច​ខាត​ធ្ងន់​ធ្ងរ​ដោយសារគ្រាប់បែកបរមាណូ មានប្រសាសន៍ដូចខាងក្រោម៖

សូមប្រកាសថាមិនប្រើអាវុធនុយក្លេអ៊ែរ និងបំពេញទំនួលខុសត្រូវក្នុងនាមជាមនុស្សជាតិ។ នេះ​ជា​ការ​ទទួល​ខុស​ត្រូវ​​របស់​ប្រទេស​ដែលកាន់កាប់អាវុធ​នុយក្លេអ៊ែរ​ទាំង​អស់ មិនត្រឹម​តែ​រុស្ស៊ី​ឡើយ។

ជំហាន​ដំបូង​ជប៉ុន​ជាមួយនឹង​ចិននាំមុខ ហើយ​ប្រកាស​មិន​ប្រើ​អាវុធ​នុយក្លេអ៊ែរ។

ត្រង់ចំណុចនេះ នាយករដ្ឋមន្ត្រី Kishida មានប្រសាសន៍ទៅកាន់ពិភពលោក។ មិនត្រូវបណ្តាលអោយមាន Hiroshima ឬ Nagasaki ទៀត​ទេ។

សង្គ្រាមជា​អ្វី​ដែល​មិន​មាន​នរណា​ម្នាក់​ចង់​ ប៉ុន្តែ​ជម្លោះ​រវាង​ប្រជាជាតិមិន​ងាយ​រលាយ​បាត់​ឡើយ។ បើតាមគោល​ការណ៍ កម្ចាត់អាវុធដែលគ្រោះថ្នាក់ដល់ប្រជាជនធម្មតា និងបំពុលភពផែនដី។ ទោះបីជាមិនអាចលុបបំបាត់ សូមកុំ​ប្រើ។

ហេតុអ្វីបានជាយើងត្រូវសម្របសម្រួលដល់ថ្នាក់នឹង ខណៈដែលសន្តិភាពជាអ្វីដែលមនុស្សគ្រប់គ្នាចង់បាន?

ជំងឺកូវីដ ១៩ រាតត្បាត បន្តមកទៀតគឺបញ្ហាអ៊ុយក្រែន។

បច្ចុប្បន្នយើងកំពុងរស់នៅក្នុងសម័យកាលបែបនេះ។

Kengo Abe