សិស្សស្រីចោទសួរបទបញ្ជាផ្ទៃក្នុងសាលា “ហេតុ​អ្វី​បាន​ជាហាមនារីចង​សក់កន្ទុយ​សេះ?”

សិស្សស្រីជនជាតិជប៉ុន អាយុ ១៦ ឆ្នាំ បានលើកជាសំណួរទាក់ទងនឹងបទបញ្ជាផ្ទៃក្នុងសាលា “ហេតុ​អ្វី​បានជាហាម​ចង​សក់កន្ទុយសេះ?” ហើយទទួលបានចម្លើយពីគ្រូបង្រៀនថា “ព្រោះ​ប្រុសៗ​ចាប់​អារម្មណ៍​នឹងកញ្ចឹងក” ។

បច្ចុប្បន្នសិស្សស្រីកំពុងរៀនវិទ្យាល័យនៅទីក្រុង Kagoshima ។ នាង​បាន​និយាយ​ថា​ “ខ្ញុំ​មាន​អារម្មណ៍​ថា​អ្នក​ដែល​បង្កើត​បទបញ្ជានេះចម្លែកណាស់” ។

បទបញ្ជាសាលាក៏ហាមសិស្សប្រុសទុកសក់វែងផងដែរ។

“បុរស និងស្រ្តីមានភាពស្មើគ្នា ចំណុចនេះបង្កការពិបាក​សម្រាប់​មនុស្ស​ដែលកំណត់​អត្តសញ្ញាណ​យេនឌ័រ និង​យេនឌ័រ​​មិន​ស្របគ្នា” ។

សិស្ស​ស្រី​រូប​នេះ​បាន​ស្នើអោយយ​ពិនិត្យ​មើលបទបញ្ជារបស់សាលាឡើងវិញ។ ក្នុងកិច្ចប្រជុំក្រុមភាគតិច (ឧទាហរណ៍ក្រុម LGBT) ប្អូនៗមានឱកាសស្តាប់យោបល់របស់ភាគី និងពិភាក្សាជាមួយគ្រូ ប៉ុន្តែការកែតម្រូវបទបញ្ជាមិនសម្រេច​បាន។

សិស្ស​ស្រី​បាន​បង្ហាញអារម្មណ៍ខកចិត្ត​និយាយថា “ខ្ញុំ​ភ្ញាក់​ផ្អើល​ដែលគ្រូ​ដោះ​សារ​ថា​នេះ​គឺ Kagoshima ខណៈដែលបទបញ្ជាសាលា​មិនមែនតែងតែ​សម​ហេតុ​ផលឡើយ ហើយសិស្សផ្ទាល់ក៏គួរតែគិត​អំពី​រឿង​នេះ” ។

សំណួរទាក់ទងនឹងបទបញ្ជារបស់សាលា​ត្រូវ​បាន​លើក​ឡើងតាមរយៈការផ្សាយ​ព័ត៌មាន​ជាតិ។ Seiko Yanagi សមាជិក​នៃ​សហព័ន្ធ​អ្នកស្រុកក្នុងតំបន់បានជំរុញអាជ្ញាធរថា “បទបញ្ញត្តិសាលាដែលកំណត់ខោអាវក្នុងពណ៌សមិន​សម​ហេតុ​ផលទេ ហើយក៏មិនអាចពន្យល់ពីតម្រូវការចាំបាច់ដែរ” ។

Hiromitsu Tojo អ្នកគ្រប់គ្រងផ្នែកអប់រំ បាននិយាយថា “តាមរយៈទស្សនៈមិនបង្កការរំខានដល់មនុស្សជុំវិញ ក៏ដូច​ជា​បទដ្ឋានសង្គមគួរតែកំណត់ពណ៌ខោអាវក្នុង ឬការរចនា ដើម្បីកុំឱ្យមើលឃើញ ទោះមិន​មែន​ពណ៌​សក៏​អាច​ទទួល​យក​បាន” ។

ទីប្រឹក្សា Yanagi បាននិយាយថា “ការកំណត់ពណ៌ខោអាវក្នុង ក៏ដូចជាសួរពណ៌ខោអាវក្នុង គឺជាទង្វើបៀតបៀនផ្លូវ​ភេទ​ក្នុង​សង្គមទៅហើយ” ។

ថ្មីៗនេះបញ្ហា “បទបញ្ជាខ្មៅ” នៅសាលាបានក្លាយជាបញ្ហាទូទាំងប្រទេស ហើយគួរតែមានវិធានការណ៍ពិនិត្យឡើងវិញ។

អនុវិទ្យាល័យ Hosoyamada នៅទីក្រុង Kanoya ពណ៌ខោអាវក្នុងពណ៌ស ត្រូវបានបន្ថែមជាមួយនឹងពណ៌ប្រផេះ ខ្មៅ និង​ទឹក​សមុទ្រ។ កម្មាភិបាលសិស្សប្រមាណ ១០ នាក់ ទាំងប្រុស និងស្រីបានសាកល្បងស្លៀកខោអាវក្នុងពណ៌ខុស​គ្នា ហើយ​បាន​ស្ទង់​មតិសិស្សក្នុងសាលា។

ក្រុមសិស្សបាននិយាយថា “នោះជាឱកាសសម្រាប់មនុស្សគ្រប់គ្នាលើកកម្ពស់ការយល់ដឹងអំពីបទបញ្ជាផ្ទៃក្នុងរបស់សាលា” ។

គ្រូបង្រៀន Kazuto Kyusaka អ្នកដឹកនាំគ្រូដែលណែនាំសិស្សបាននិយាយថា “ដើម្បីឱ្យប្អូនៗមានពេលវេលាសិក្សាប្រកប​ដោយ​សុវត្ថិភាព បទបញ្ជាចាំបាច់ណាស់។ យើងត្រូវកំណត់បទបញ្ជាស្របតាមសម័យកាល និងការយល់ឃើញរបស់​ប្អូនៗ” ។

Sacchan