ប្រទេស​ដែល​ត្រូវ​ទម្លាក់​គ្រាប់​បែកបរមាណូឥឡូវនេះក៏​ចង់ផលិតអាវុធ​នុយក្លេអ៊ែរ​ដែរ​ឬ​?

ជប៉ុនជាប្រទេសតែមួយគត់នៅលើពិភពលោកត្រូវទម្លាក់គ្រាប់បែកនុយក្លេអ៊ែរ។

ក្នុងកំឡុងសង្គ្រាមលោកលើកទី ២ ប្រទេសជប៉ុនត្រូវទម្លាក់គ្រាប់បែកបរមាណូចំនួនពីរគ្រាប់ទៅលើ Hiroshima និង Nagasaki បរាជ័យបណ្តាល​ឱ្យ​ខូច​ខាតធ្ងន់ធ្ងរ។ ហេតុ​ដូច្នេះបាន​ជា​ជប៉ុន​ប្រឆាំងនឹង​នុយ​ក្លេអ៊ែរ​​យ៉ាង​​ខ្លាំង។

មិនមាន មិនផលិត មិនប្រើប្រាស់អាវុធនុយក្លេអ៊ែរ

ជប៉ុនគាំទ្រ “គោលការណ៍មិនមាននុយក្លេអ៊ែរ” ខាងលើ ដែលបង្ហាញអាកប្បកិរិយាលុបបំបាត់អាវុធនុយក្លេអ៊ែរក្នុងប្រទេសជប៉ុន។

ទោះបីជាមហាអំណាចទាំងអស់មានអាវុធនុយក្លេអ៊ែរ ភាគច្រើនសហរដ្ឋអាមេរិក និងរុស្ស៊ី ប៉ុន្តែដោយសារការប្រើប្រាស់ជាក់ស្តែងទទួលរងការរិះគន់អន្តរ​ជាតិ ដូច្នេះអាវុធនុយក្លេអ៊ែរមិនអាចអនុវត្តបានទេ។ ទោះបីជាសង្គ្រាមប្រដាប់​អាវុធ​កើតឡើងក៏ដោយ វាចាប់ផ្តើម និងបញ្ចប់ដោយអាវុធធម្មតាផ្សេងទៀត។

ខណៈដែលពិភពលោកទាំងមូលទទួលស្គាល់ថាអាវុធនុយក្លេអ៊ែរគ្រាន់តែដើម្បីដាក់សម្ពាធប៉ុណ្ណោះ ការលើកឡើងរបស់ប្រធានាធិបតីរុស្ស៊ី លោក Vladimir Putin ធ្វើឱ្យពិភពលោកទាំងមូលវិលវល់។

យើង​នឹង​លើក​យក​ប្រធានបទ​អាវុធ​នុយក្លេអ៊ែរ​ឆ្ពោះទៅរកប្រទេសអរិភាព។

និយាយឱ្យ​ចំគំរាម​ថា​រុស្ស៊ី​នឹង​បាញ់​អាវុធ​នុយក្លេអ៊ែរ។

អាស្រ័យហេតុនេះ សហគមន៍អន្តរជាតិទទួលស្គាល់ការព្រួយបារម្ភរុស្ស៊ីប្រើអាវុធនុយក្លេអ៊ែរជាមធ្យោបាយចុងក្រោយ ប្រសិន​បើ​ទណ្ឌកម្មសេដ្ឋកិច្ចនៅតែបន្តអនុវត្តចំពោះប្រទេសនេះ។

ទន្ទឹមនឹងនេះ អ្នកនយោបាយជប៉ុនមួយចំនួនបានពិភាក្សា តើជប៉ុនគួរចែករំលែកអាវុធនុយក្លេអ៊ែរជាមួយអាមេរិក​ឬ​អត់?

ជប៉ុនកាន់កាប់រោងចក្រថាមពលនុយក្លេអ៊ែរ និងបច្ចេកវិទ្យាពាក់ព័ន្ធក្នុងកម្រិតគួរឱ្យកត់សម្គាល់។ ប្រសិនបើចង់​កាន់​កាប់​អាវុធ​នុយក្លេអ៊ែ គ្រាន់តែធ្វើក្នុង​រយៈ​ពេល​ខ្លី។

ដូច្នេះហើយ មនុស្សជាច្រើនសង្ស័យថាជប៉ុននិយាយថា “គ្មាននុយក្លេអ៊ែរ” ប៉ុន្តែបែរកាន់កាប់អាវុធនុយក្លេអ៊ែរដោយ​សម្ងាត់។

អាវុធនុយក្លេអ៊ែរ​មិន​ត្រឹម​តែ​ប្រើ​សម្រាប់បំផ្លាញ​កងទ័ព​សត្រូវ​ប៉ុណ្ណោះ​ទេ និយាយចំគឺបំផ្លាញទាំងអស់ រួមទាំងប្រជា​ជន​ធម្មតា​ផងដែរ។ ជាងនេះទៅទៀត ការបំពុលដែលបណ្តាលមកពីនុយក្លេអ៊ែរពិបាកដោះស្រាយណាស់ ហើយ​នៅក្នុងបរិស្ថាន​រយៈពេល​យូរ។ ជាការពិត នេះ​ជា​អាវុធ​ដែល​មិន​គួរ​អនុញ្ញាត​ឱ្យ​ប្រើទេ ហើយគួរតែលុបចោលទាំងស្រុង។

នៅ​ទី​បំផុតមនុស្សគ្រប់គ្នាដឹងរឿងនេះ ប៉ុន្តែហាក់​ដូច​ជា​មិន​អាច​ទៅ​រួច។ ការប្រជែង​អាវុធ​នុយក្លេអ៊ែរ​រវាង​មហាអំណាច​ធំៗនៅតែបន្តក្រោមស្ថានភាពប្រទេសទាំងអស់ត្រូវប្រុងប្រយ័ត្ន។ ប្រទេសណាកាន់កាប់អាវុធ​នុយ​ក្លេអ៊ែរ ប្រទេស​នោះ​ផ្តួចផ្តើម។

ដើម្បីកុំឱ្យការប្រកួតប្រជែង​អាវុធ​ទាំងនេះ​រីក​រាលដាល សហគមន៍​អន្តរជាតិ​នឹង​វាយប្រហារ​ប្រទេស​ថ្មី​ដែល​កំពុង​ព្យាយាម​ផលិតអាវុធ​នុយក្លេអ៊ែ។ ជាការពិតណាស់ក្នុងសមរភូមិ ផលប្រយោជន៍របស់មហាអំណាចនៅតែបន្ត។

បញ្ហា​សព្វ​ថ្ងៃមិនមែនគ្រាន់តែជាការវាយប្រហារប្រដាប់អាវុធរបស់រុស្ស៊ីលើអ៊ុយក្រែនប៉ុណ្ណោះទេ ប៉ុន្តែបញ្ហាស្ថិតលើពិភព​លោក​ដែលមហាអំណាចមួយប្រើអាវុធនុយក្លេអ៊ែរគំរាមកំហែងគ្រប់គ្រងប្រទេសមួយទៀត។

សរុប​ទៅ បើ​មិន​ខ្លាំង​នឹង​ត្រូវ​ត្រួតត្រា ហើយ​ការ​ប្រកួតប្រជែងសព្វាវុធ​នេះជៀស​មិន​រួចឡើយ។

មិនថាសង្រ្គាមសម្លាប់មនុស្សប៉ុន្មានទេ មនុស្សជាតិនៅតែមិនផ្លាស់ប្តូរ។

ផ្តើមចេញពីគំនិតចែករំលែកអាវុធនុយក្លេអ៊ែរជាមួយសហរដ្ឋអាមេរិក បច្ចុប្បន្ននៅតែជជែក​ដេញដោល​ តើត្រូវអនុញ្ញាត​​បញ្ជូន​អាវុធ​នុយក្លេអ៊ែរ​ទៅកាន់​មូលដ្ឋាន​យោធា​អាមេរិកនៅប្រទេសជប៉ុនឬ​យ៉ាង​ណា? ប្រទេសជិតខាងដូចជារុស្ស៊ី ឬចិនប្រាកដជាមិនព្រងើយនឹងសកម្មភាពនេះទេ។

ម្យ៉ាងវិញទៀត ប្រសិនបើវិភាគសេចក្តីថ្លែងការណ៍របស់រុស្ស៊ីនាពេលថ្មីៗនេះ ប្រទេសមិនមានអាវុធនុយក្លេអ៊ែរ គ្មានជម្រើស​អ្វី​ក្រៅពីប្រឈមមុខនឹងការគំរាមកំហែងនោះទេ។

តើនៅថ្ងៃណាយើងអាច​រស់​​ក្នុង​សន្តិភាពគ្មាន​ការ​គំរាម​កំហែង?

Kengo Abe