ភ្ញាក់​ផ្អើលនឹងប្អូនស្រីជនជាតិជប៉ុនគណនារក Hiragana ដែល​​ពិបាក​​សរសេរ​ជាងគេ

ប្រហែលជាអ្នករៀនភាសាជប៉ុនដឹងថាភាសាជប៉ុនជាការបញ្ចូលគ្នារវាង​ប្រព័ន្ធ​អក្សរ​ចំនួន​បី​គឺ Kanji, Katakana និង Hiragana ។ ក្នុង​នោះ Hiragana ជាការចាប់ផ្តើមសម្រាប់អ្នករៀនភាសាជប៉ុន រួមទាំងកុមារជប៉ុនផងដែរ។ ថ្វីត្បិត Hiragana ជា​ដំណាក់​កាល​ដំបូងដែលអ្នកត្រូវឆ្លងកាត់ ប៉ុន្តែមិនមែនមានន័យថាវាងាយស្រួលនោះទេ។

ក្នុងការប្រកួតស្រាវជ្រាវនព្វន្ដសាស្ដ្រដោយសេរីដែលប្រព្រឹត្តិទៅកាលពីខែធ្នូឆ្នាំមុន គម្រោងគណនាកម្រិតពិបាកពេលសរសេរ Hiragana បានទទួលជ័យជំនះ។

ទេពកោសល្យគឺជាពេលដែលអ្នកប្រើគណិតវិទ្យាដោះស្រាយសំណួរភាសាជាតិ …

កាន់តែភ្ញាក់ផ្អើលជាងនេះបើអ្នកដឹងថាម្ចាស់គម្រោងខាងលើជាក្មេងស្រីអាយុ ៧ ឆ្នាំ ឈ្មោះ Rika Yoshida មកពីសាលាបឋមសិក្សានៅ Tochigi មានទំនាក់ទំនងនឹងសាកលវិទ្យាល័យ Utsunomiya ។ ប្អូនស្រីនាំមុខបេក្ខជន ១៧,៤២៩ នាក់​ផ្សេង​ទៀត ព្រោះចូលរួមប្រធានបទពិសេស។

Rika វាស់កម្រិតពិបាកក្នុងការសរសេរអក្សរ Hiragana ដោយកំណត់តម្លៃផ្នែកនីមួយៗនៃអក្សរ បន្ទាប់មកស្វែង​រក​ផល​បូក។ តួអក្សរ Hiragana នីមួយៗត្រូវបានរាប់មួយពិន្ទុ ថែម ១ ពិន្ទុទៀតបើមានចំណុចប្រសព្វ (折れ) ថែម​ ២ ពិន្ទុ​បើមានរាងកោង (曲がり) និង ៣ ពិន្ទុបើមានខ្សែកោងបិទ (結び) ។

ឧទាហរណ៍អក្សរ a「あ」មាន ៣ បន្ទាត់ (៣ ពិន្ទុ) បូកថែម ២ ពិន្ទុមានខ្សែកោង ហើយបូក ៣ ពិន្ទុព្រោះមានខ្សែកោងបិទ ដូច្នេះសរុបស្មើ ៨ ពិន្ទុ។

យោងតាមលទ្ធផល Hiragana ងាយបំផុតគឺ ku 「く」និង he 「へ」មាន ២ ពិន្ទុ ហើយអក្សរ Hiragana ដែលពិបាក​បំផុត​គឺ nu 「ぬ」ដែលមាន ១០ ពិន្ទុ។

មូលហេតុដែល Rika ធ្វើការស្រាវជ្រាវនេះពីព្រោះពេលចាប់ផ្តើមចូលរៀន ប្អូនសង្កេតឃើញថាអក្សរ Hiragana មួយ​ចំនួន​ងាយ​ស្រួលសរសេរជាងអក្សរផ្សេងទៀត ហើយចង់រកមូលហេតុ។

“ដោយ​កំណត់អក្សរ Hiragana នីមួយៗតាមរយៈលេខ អ្នក​អាច​មើល​ឃើញយ៉ាងច្បាស់ពាក្យមួយណាងាយសរសេរ ពាក្យមួយ​ណា​ពិបាក​សរសេរ” ។

ប្អូនក៏បានចែករំលែកថា ពេលឡើងថ្នាក់ខ្ពស់ ហើយចាប់ផ្តើមរៀន Kanji ជាមួយ Katakana ប្អូនក៏នឹងព្យាយាមគណនាតាមវិធីនេះផងដែរ។

នេះ​មិន​ត្រឹម​តែ​ជា​ការ​ស្រាវជ្រាវដែលគួរ​ឱ្យ​ស្រឡាញ់​ប៉ុណ្ណោះ​ទេ ថែមទាំងបង្ហាញពីគំនិត និង​វិធីសាស្ត្រ​ដ៏​ពិសេស​របស់ប្អូនផងដែរ។ សិស្សថ្នាក់ទី ១ អាច​រក​ឃើញ​អក្សរ​ពិបាក និងស្រួល តើប្អូនប៉ុន្មានអ្នកអាចបញ្ចូលជា​មួយ​ការ​គណនា និងផ្តល់ការពន្យល់សមហេតុ​ផលបែបនេះ។

បើ​តាមគំនិត​អ្នក​ តើ​អក្សរ Hiragana មួយណាដែលអ្នកយល់ថាពិបាកសរសេរជាងគេ?

Sacchan