បច្ចេកទេសផលិតដាវបុរាណជប៉ុនដែល​វិទ្យាសាស្ត្រ​សព្វថ្ងៃក៏​មិន​អាច​ពន្យល់​បាន

ក្នុងខ្សែភាពយន្ត និង Anime ជប៉ុន អ្នកបានឃើញពីភាពមុតស្រួចដែលមិនគួរឲ្យជឿរបស់ដាវជប៉ុន។

ជាការពិត ដាវជប៉ុនមុតស្រួចខ្លាំង និងអាចយកធ្វើជាអាវុធ ប៉ុន្តែមិនដល់ថ្នាក់អាចកាត់បានគ្រប់យ៉ាងនោះទេ ប្រាកដ​ណាស់​មិនអាចបញ្ចេញផ្កាភ្លើង ឬទឹកបានទេ។

ប៉ុន្តែ​តើ​អ្នក​ដឹង​ទេ​ថា ដាវជប៉ុនត្រូវបានផលិត​ដោយ​វិធីសាស្ត្រ​ដែល​សូម្បី​តែ​វិទ្យាសាស្ត្រ​សព្វថ្ងៃក៏​មិន​អាច​ពន្យល់​បាន​​ដែរ។

អត្ថបទ​ថ្ងៃ​នេះ​នឹង​ណែនាំ​អំពីអាថ៌កំបាំងក្នុងការលុតដាវ។

ជាដំបូង ដាវជប៉ុនភាគច្រើនចែកចេញជា ២ ប្រភេទគឺដាវ​បុរាណ (古刀) និងដាវថ្មី  (新刀) ។ ដូចដែលបាននិយាយ ដាវបុរាណលុតតាំងពីសម័យមុន បើប្រៀបទៅនឹងដាវថ្មីដែលត្រូវបានលុតនៅសម័យក្រោយ។

ដាវថ្មីត្រូវបានផលិតនៅពេលការប្រយុទ្ធដ៏ខ្លាំងក្លារវាងសាមូរ៉ៃឈានដល់ទីបញ្ចប់ ដូច្នេះដាវ​ថ្មី​ក្លាយ​ជា​និមិត្ត​សញ្ញា​​ដែល​​ភ្ជាប់​នឹងទិដ្ឋភាព​របស់​សាមូរ៉ៃ។ ថ្វីត្បិតតែ ដាវជប៉ុនភាគច្រើនដែលរកឃើញសព្វថ្ងៃនេះគឺជាដាវថ្មី ប៉ុន្តែក្នុងអត្តបទនេះយើងនឹងផ្តោតលើដាវបុរាណ។

ដាវបុរាណគឺជាដាវដែលផលិតពីចន្លោះឆ្នាំ ៩០១ និង ១៥៩៥ ។ ដាវបុរាណរឹងមាំអាចកាត់ពាសដែករបស់សត្រូវ ទម្ងន់ និងទំហំល្មមសម្រាប់ទាហានពាក់ពាសដែក ហើយអង្គុយលើខ្នងសេះដើម្បីប្រយុទ្ធ។

ដាវថ្មីមានទម្ងន់ប្រហែល ១ គីឡូក្រាម ប៉ុន្តែដាវបុរាណមានទម្ងន់ត្រឹម ៦០០-៧០០ ក្រាមប៉ុណ្ណោះ។

ជាពិសេសអាថ៌កំបាំងលុតដាវបុរាណ​រហូត​មក​ដល់​សព្វ​ថ្ងៃ​នៅមិនទាន់អាចបកស្រាយឡើយ។ យើងគ្រាន់តែដឹង​ថា​ដាវ​បុរាណ​ត្រូវ​បាន​លុត​ដោយបច្ចេកទេសលុតដែក Tatara ។

ដាវបុរាណស្រាលបើធៀបនឹងរូបរាងរបស់វា ហើយទោះបីជាប្រើបច្ចេកវិទ្យា MRI ដើម្បីវិភាគផ្លែដាវ ប៉ុន្តែ​នៅ​តែ​មិន​អាច​​ពន្យល់​វិធីសាស្រ្តលុតដាវ។

បច្ចេកទេសលុតដែក Tatara គឺជាវិធីសាស្រ្តពេញលេញដែលត្រូវបានជនជាតិជប៉ុនកែប្រែ ដោយផ្អែកលើបច្ចេក​ទេស​ផលិត​ដែក​បុរាណ​ពីប្រទេសចិន។

នេះគឺជាទិដ្ឋភាពមួយក្នុងរឿង Anime Mononoke Hime របស់ Studio Ghibli ។

អ្នកទាំងនេះកំពុងឈរលើបន្ទះឆ្លុះដើម្បី​ផ្លុំ​ខ្យល់​ចូល​ទៅ​ក្នុងភ្លើង ដោយ​ប្រើ​ភ្លើង​ឆេះខ្លាំងដើម្បីលុតដែក។ វិធីសាស្រ្ត​លុត​នេះ​ក្នុងគោលបំណងបំបែកសំណល់ (មិនបរិសុទ្ធ) ក្នុងលោហៈសម្រាប់លុតដែលហៅថា 還元 – Kangen (អត្ថន័យដើមពាក្យនេះគឺស្តារ ត្រឡប់ទៅសភាពដើមវិញ)។

ដំណើរការលុតធ្វើឡើងក្រោមសីតុណ្ហភាពទាប លទ្ធផលជាមួយនឹងបច្ចេកទេសលុតដែក Tatara នេះ ដាវដែលបំបែក​សំណល់​ត្រូវ​បាន​ផលិត រឹងមាំ មុតស្រួច និងស្រាល។

គេក៏ប្រើបច្ចេកទេស Tatara នៅសម័យសព្វថ្ងៃនេះ ប៉ុន្តែនៅតែមិនដឹងពីរបៀបផលិតសមាសធាតុដូចដែកថែបដែល​ប្រើ​ក្នុងផ្លែដាវបុរាណ ដូច្នេះទើបមិនអាចផលិតដាវដែលមានគុណភាពស្រដៀងគ្នា។

និយាយឲ្យ​ខ្លី​របៀបផលិតដាវនៅតែជាអាថ៌កំបាំង។

ទន្ទឹមនឹងមុខងារ និងរូបរាងខាងក្រៅ ដាវជប៉ុនក៏មានភាពទាក់ទាញដោយស្នាដៃយ៉ាងជំនាញរបស់ជាងដែកជា​មួយ​នឹង​អាថ៌កំបាំង​ជា​ច្រើន។

Kengo Abe