ដាវ Katana ជាសម្បត្តិ​ជាតិដែលមានអាយុកាល ៧០០ ឆ្នាំត្រូវ​បាន​រក​​ឃើញ​នៅ​ប្រទេសអូស្ត្រាលី

ដាវ Katana ដែលស្តេចក្រាញ់មួយរូបជូនដល់ទីសក្ការៈ Kagoshima កាលពី ២ សតវត្សមុន ហើយធ្លាប់បាត់បង់ជាច្រើនទសវត្សរ៍មកហើយ កាលពីពេលថ្មីៗនេះត្រូវបានរកឃើញនៅប្រទេសអូស្ត្រាលី។

ដាវមានឈ្មោះហៅថា “Katana Mumei Norishige” ផលិតដោយ Etchu Norishige ដែលជាជាងដែកដ៏អស្ចារ្យបំផុត​របស់​ជប៉ុន​នៅសតវត្ស​ទី ១៤ ។ ឡដុតរបស់ Norishige នៅសង្កាត់ Nei ខេត្ត Toyama សព្វថ្ងៃ។

Etchu Norishige មានជំនាញផលិតដាវ Katana ដែលមានគុណភាពល្អសម្រាប់សាមូរ៉ៃ ហើយជាទូទៅដាវទាំងនេះមានអាយុកាលរាប់សតវត្ស​មក​ហើយ។ គាត់ក៏បានផលិតដាវសម្រាប់ Shimazu Norioki ជាស្តេចក្រាញ់ទី ២៧ នៃត្រកូល Shimazu គ្រប់គ្រង Satsuma (សព្វថ្ងៃខេត្ត Kagoshima) អស់រយៈពេលជិត ២០០ ឆ្នាំមកហើយ។ នោះគឺដាវ “Katana Mumei Norishige” ដែលបានលើកឡើងនៅដើមអត្តបទ។

កាលពីមុនដាវធ្លាប់ធ្វើដំណើរពី Toyama ទៅ Kagoshima ដើម្បីប្រគល់ដល់ដៃស្តេចក្រាញ់ ឥឡូវនេះដំណើររបស់វាកាន់​តែ​ឆ្ងាយដែលថ្មីៗនេះត្រូវបានរកឃើញនៅប្រទេសអូស្ត្រាលី។

បច្ចុប្បន្នម្ចាស់ដាវ Katana ជាអ្នកប្រមូលដាវនៅ​ Melbourne ប្រទេស​អូស្ត្រាលី ឈ្មោះ Ian Brooks ។ កាលពីបួនឆ្នាំមុន Brooks រកឃើញ​ដាវ Katana ដែលមានគុណភាពខ្ពស់ (បើតាមការវាយរបស់ Brooks ពេលនោះ) ​កំពុងត្រូវបានដាក់លក់ដេញថ្លៃលើអុីនធឺណេត។ Brooks ដេញថ្លៃដាវនេះដោយជោគជ័យក្នុងតម្លៃ ៥៣០០ ដុល្លារអូស្ត្រាលី។

【「刀」はよい状態だ】
旧国宝の「無銘則重」とみられる刀を発見したオーストラリアに住む
イアン・ブルックスさんがインタビューに応じました。#鹿児島神宮 #刀 #則重　#情報WAVEかごしまhttps://t.co/j6PfAMAmA7 pic.twitter.com/FGndl9EIEd

— NHK鹿児島放送局 (@nhk_kagoshima) February 24, 2022

ដាវពិតជាមានគុណភាពល្អដូចការរំពឹងទុករបស់ Brooks លើសពីការគិត ដូច្នេះ​គាត់​ក៏​សម្រេចចិត្តស្វែងយល់បន្ថែម​ទៀត។

តាំងពីប្រវែង និងលំនាំចម្លាក់លើដងដាវ Brooks សង្ស័យថាវាអាចជាដាវ Katana របស់ជាងដែក Norishige ជាពិសេសវាអាចជា “Katana Mumei Norishige” ដែលត្រូវចាត់ទុកជាសម្បត្តិជាតិរបស់ជប៉ុន ប៉ុន្តែវង្វេងបាត់ជាច្រើនសតវត្សមកហើយ។

នៅពេលពិនិត្យមើលក្រដាសរុំជុំវិញដាវ Brooks បានរកឃើញថាអក្សរជប៉ុនមិនសូវច្បាស់គឺ 島神社 ត្រូវនឹងអក្សរ ៣ ចុងក្រោយនៃឈ្មោះទីសក្ការៈ Kagoshima 鹿児島神宮 ។ នេះជាទីសក្ការៈបូជានៅទីក្រុង Kirishima ខេត្ត Kagoshima កន្លែងដែលស្តេចក្រាញ់ Shimazu Norioki បានប្រគល់ដាវ Katana Mumei Norishige ទៅអោយទីសក្ការៈ​កាល​ពី ២ សតវត្សមុន។

ដូច្នេះ Brooks បានទាក់ទងទៅកាន់ទីសក្ការបូជា Kagoshima ។ ភាគីទាំងសងខាងសុទ្ធតែជឿថាដាវដែលគាត់​ទិញ​ក្នុង​ការ​ដេញ​ថ្លៃ​ជាសម្បត្តិជាតិនៃប្រទេសជប៉ុន។

ពិតជាចៃដន្យរូបគំនូររបស់ស្តេចក្រាញ់ Shimazu Norioki ក៏មានវត្តមានដាវ Katana ដែល Brooks បានទិញ។

បច្ចុប្បន្ននេះមិនទាន់អាចបញ្ជាក់ពីមូលហេតុ​ដាវបាត់ចេញប្រទេសជប៉ុននៅឡើយទេ ដូច្នេះវាអាចនឹងត្រូវ​ដណ្តើម​យក​ដោយ​​កង​កម្លាំង​​សម្ព័ន្ធ​មិត្ត​ បន្ទាប់​ពីបញ្ចប់សង្គ្រាមលោកលើកទី២។

Brooks ទិញដាវពីមនុស្សម្នាក់នៅ New York ហើយគាត់មិនគិតថាពួកគេមានចេតនាអាក្រក់ពេលលក់ដាវនោះទេ។

ដោយសារ Katana Mumei Norishige ជាដាវដែលគ្មានហត្ថលេខារបស់ជាងដែក ភ្នាក់ងារវប្បធម៌ជប៉ុនចង់ធ្វើការវាយតម្លៃចុងក្រោយ ដើម្បីបញ្ជាក់ថាវាពិតជាសម្បត្តិជាតិដែលបានបាត់ឬទេ។ ព្រោះ​សូម្បី​តែ​លេខ​នៅ​លើ​ស្រោម​ដាវ​ក៏​​ត្រូវ​​នឹង​​កំណត់​ត្រា​របស់​ទីសក្ការៈ Kagoshima ផងដែរ។ 

តាម​ការ​បង្ហើប​ឱ្យ​ដឹង Brooks បាននិយាយថា “ខ្ញុំចង់រក្សាទុកដាវនេះពេលខ្លួននៅមានជីវិត ប៉ុន្តែបន្ទាប់ពីខ្ញុំស្លាប់ ខ្ញុំចង់ឱ្យដាវនេះត្រលប់ទៅទីសក្ការៈ Kagoshima វិញ” ។ លោក​បាន​បន្ថែម​ថា សង្ឃឹម​ថា​លោក​នឹង​មាន​ឱកាស​ទៅ​​ទស្សនា​​ប្រាសាទ។

ទន្ទឹមនឹងនេះ Yoichi Inoue ដែលជាអាចារ្យនៅទីសក្ការបូជា Kagoshima បាននិយាយថា “យើងមិនធ្លាប់រំពឹង​ថា​ដាវ​នឹង​ត្រឡប់​មក​វិញ​ទេ។ ខ្ញុំ​សង្ឃឹម​ថា​ប្រាសាទអាច​រក្សា​ទុកបាន​យូរ​អង្វែង” ។

yuki