តាមការស្រាវជ្រាវរបស់ជប៉ុនពេលទទួលវ៉ាក់សាំង ២ ប្រភេទផ្សេងគ្នាជួយផលិតអង្គបដិប្រាណច្រើន

ថ្ងៃព្រហស្បតិ៍ 03/03/2022 | 11:23 ព្រឹក

តាមការស្រាវជ្រាវអំពី “ការចាក់វ៉ាក់សាំងចម្រុះ” កូវីដ ១៩ បានរកឃើញថាមានប្រសិទ្ធភាពជាជាងការចាក់វ៉ាក់សាំងទាំងពីរដងប្រភេទដូចគ្នា ចំពោះដូសជម្រុញកម្រិតអង្គបដិប្រាណកើនឡើង។

ក្រុមអ្នកជំនាញប្រឹក្សាដល់ក្រសួងសុខាភិបាលជប៉ុនស្តីពីជំងឺរាតត្បាតបានប្រកាសលទ្ធផលស្រាវជ្រាវបណ្តោះអាសន្នស្តីពីការចាក់វ៉ាក់សាំងចម្រុះក្នុងកិច្ចប្រជុំកាលពីថ្ងៃទី ១៨ ខែកុម្ភៈ។ នេះជាលើកទីមួយហើយដែលលទ្ធផលការស្រាវជ្រាវវ៉ាក់សាំងត្រូវបានប្រកាសនៅប្រទេសជប៉ុន។

ការស្រាវជ្រាវពិនិត្យមើលភាពខុសគ្នារវាងអ្នកជំងឺដែលទទួលដូសជម្រុញ Mderna បន្ទាប់ពីចាក់វ៉ាក់សាំង Pfizer ចំនួនពីរដង និងអ្នកដែលទទួលវ៉ាក់សាំង Pfizer ទាំងបីដូស។

តាមការស្រាវជ្រាវអ្នកដែលទទួលវ៉ាក់សាំងលើកទី ៣ Moderna ប្រមាណ ៧០% គ្រុនក្តៅជាង ៣៧,៥ អង្សា ប៉ុន្តែកម្រិតអង្គបដិប្រាណដែលផលិតបានក៏កើនឡើងផងដែរ។

ការស្រាវជ្រាវនេះបានវិភាគរោគសញ្ញាពីអ្នកជំនាញថែទាំសុខភាពចំនួន ៤៣៧ នាក់ ក្នុងរយៈពេលមួយសប្តាហ៍បន្ទាប់ពីបានទទួលវ៉ាក់សាំងដូសជម្រុញ Moderna ។

ការប្រៀបធៀបធ្វើឡើងចំពោះមនុស្សចំនួន ២,៦២៦ នាក់ដែលទទួលវ៉ាក់សាំង Pfizer ទាំងបីដង។

លទ្ធផលបានបង្ហាញថា ៦៨% អ្នកដែលទទួលដូសជម្រុញ Moderna គ្រុនក្តៅ ប៉ុន្តែចំនួននេះត្រឹម ៣៩,៨% សម្រាប់អ្នកដែលទទួលដូសជម្រុញ Pfizer ។

យុវជនគ្រុនក្តៅខ្លាំង ការស្រាវជ្រាវបានរកឃើញថា ៨១,៦% មនុស្សក្នុងវ័យ ២០ ឆ្នាំទទួលដូសជម្រុញ Moderna គ្រុនក្តៅ ខណៈដែលតួលេខនេះចំពោះមនុស្សដែលមានអាយុពី ៦០ ឆ្នាំឡើងមានត្រឹមតែ ៤៦,៧% ប៉ុណ្ណោះ ហើយភាគរយរោគសញ្ញាផ្សេងទៀតក៏ខ្ពស់ជាងផងដែរ។

ឧទាហរណ៍ ៩៣,៨% មានអារម្មណ៍ថាឈឺដៃដែលទទួលវ៉ាក់សាំង ខ្ពស់ជាងបើធៀបនឹងចំនួន ៩១,៦% អ្នកដែលមានរោគសញ្ញាដូចគ្នា ប៉ុន្តែទទួលដូសជម្រុញ Pfizer ។

ស្ថានភាពសន្លប់ខ្ពស់ក្នុងកម្រិត ៧៨% ធៀបនឹង ៦៩,១% ចំពោះដូសជម្រុញ Pfizer ។ ៦៩,៦% អ្នកជំងឺទទួលវ៉ាក់សាំងដូសជម្រុញ Moderna ឈឺក្បាល ហើយមានតែ ៥៥% អ្នកទទួលវ៉ាក់សាំង Pfizer ឈឺក្បាលប៉ុណ្ណោះ។

ដំណឹងល្អសម្រាប់អ្នកដែលទទួលវ៉ាក់សាំងដូសជម្រុញ Moderna គឺថាកម្រិតអង្គបដិប្រាណកើនឡើង ៦៧,៩% បើធៀបនឹង ៥៤,១% អ្នកដែលទទួលវ៉ាក់សាំងដូសជម្រុញ Pfizer លើកទីបី។

ភាពខុសគ្នារវាងកម្រិតអង្គបដិប្រាណផ្អែកលើស្ថិតិ។ ការស្រាវជ្រាវផ្សេងទៀតក៏បានរកឃើញថាការទទួលវ៉ាក់សាំងចម្រុះបង្កើនសមត្ថភាពការពារការចម្លង។