អង្គុយផឹកស្រាក្រឡុកស្តាប់រឿងនៃកំណាព្យ Waka បង្កប់អត្តន័យយ៉ាងជ្រាលជ្រៅ

Hyakunin Isshu ជាប្រភេទបៀបែបប្រពៃណីជប៉ុន ហើយក៏ពិបាកយល់ណាស់ដែរ។ អាច​និយាយ​បាន​ថានេះជា​វប្បធម៌​ដែល​ច្របូកច្របល់​បំផុតរបស់ជប៉ុន។

ប្រសិនបើមាន Cocktail មួយកែវជួយឱ្យអ្នកទទួលបានអារម្មណ៍ “ទស្សនៈវិស័យពិភពលោក” នៃសន្លឹកបៀ Hyakunin Isshu តើ​អ្នក​ចង់​ភ្លក់ដែរ​ទេ?

ដំបូងខ្ញុំនឹងពន្យល់ដោយសង្ខេបអំពី Hyakunin Isshu ។

សន្លឹកបៀ Hyakunin Isshu ដូចជាសន្លឹកខាងក្រោម គឺជាកត្តាសំខាន់មួយនៃល្បែង ប៉ុន្តែពីមុនមិនដូចគ្នាទេ។

រូបភាព https://tenki.jp/suppl/y_kogen/2017/05/27/22961.html

កំណាព្យជប៉ុនត្រូវបានគេហៅថា 和歌 (អានថា Waka) ។ Hyakunin Isshu ប្រមូលផ្តុំបទចម្រៀង Waka ល្បីពីរោះចំនួន ១០០ បទ។ កាលពីមុនល្បែងនេះគេហៅថា Karuta ប៉ុន្តែឥឡូវនេះប្រើពាក្យ Hyakunin Isshu ជំនួសវិញ។

បទចម្រៀង Waka ពិបាកយល់ណាស់ ហើយមានកំណត់លើចំនួនតួអក្សរ គោរពតាមច្បាប់តឹងរឹង ជាពិសេសត្រូវសំយោគ ៣១ តួអក្សរតាមច្បាប់ ៥,៧,៥,៧,៧ ។

ដោយសារតែកំណត់តួអក្សរ ពេលអានស្តាប់​ទៅ​ដូច​ជា​ចម្រៀង ដូច្នេះគេហៅថា Waka (ក្នុងនោះមានអក្សរ Kanji 歌 ក៏មានន័យថាបទចម្រៀង) ដែរ។ ប៉ុន្តែ​ព្រោះតែគោរពតាមច្បាប់កម្រិត​តួអក្សរ ដូច្នេះ Waka ពិបាក​យល់​ខ្លាំង​ណាស់។

ទោះជាយ៉ាងណាបើទម្លាប់អាន Waka អ្នកនឹងបង្កើតជាទម្លាប់ បន្ទាប់មកយល់អំពីពិភពដ៏ស្រស់ស្អាតនៃស្នេហា និងទេសភាពជប៉ុនដែលបង្រួមតាមរយៈពាក្យនីមួយៗ។

ខ្ញុំនឹងវិភាគបទចម្រៀង Waka ដែលខ្ញុំចូលចិត្ត។

君がため　春野のに出でて　若菜摘む

我が衣手に　雪はふりつつ

តើ​អ្នក​រៀន​ភាសា​ជប៉ុន​យល់​​រឿង​ក្នុង​កំណាព្យ​ខាង​លើ​ដែរ​ឬ​ទេ? ប្រសិនបើអ្នកយល់ នោះសមត្ថភាពភាសាជប៉ុនរបស់អ្នកពូកែជាង​ជនជាតិ​ជប៉ុនសម័យនេះទៅទៀត។

ដើម្បីបកស្រាយកំណាព្យខាងលើអាចយល់បានដូចខាងក្រោម៖

ជាមួយនឹងគំនិតរបស់មនុស្ស យើងឈានជើងទៅកាន់វាលស្មៅរដូវផ្ការីក

កាច់មែកស្មៅខ្ចី

ព្រិលធ្លាក់លើគីម៉ូណូរបស់ខ្ញុំ។

កំណាព្យពណ៌នាអំពីរឿងស្នេហារបស់ជប៉ុន នៅទីនោះមានភាពរីករាយនៃនិទាឃរដូវ ប៉ុន្តែនៅតែមានផ្កាព្រិលនារដូវរងា។

កំណាព្យដែលនាំមកនូវបរិយាកាសភ្លឺថ្លា សម្អាតចិត្តមនុស្ស។

អ្នក​និពន្ធ​កំណាព្យ​ខាង​លើ​គឺអធិរាជ Koukou ។

បើ​យល់​អត្ថន័យ​ក៏​មិន​ពិបាកទទួលយកអារម្មណ៍ឡើយ ក្នុងកំណាព្យអ្នក​អាច​ទទួលបាន​អារម្មណ៍តាមរយៈញ្ញាណទាំងប្រាំ។

ប៉ុន្តែបើអាចធ្វើឱ្យកំណាព្យ Waka ក្លាយទៅជាការពិត អាចធ្វើឱ្យយើងធុំក្លិន ស្គាល់រសជាតិ និងមើលឃើញតាម​រយៈ Cocktail ។

រូបភាព https://mag.japaaan.com/archives/170002

ប្រភេទ Cocktail ដ៏ពិសេសនេះត្រូវបានក្រឡុកដោយផ្អែកលើអារម្មណ៍នៃកំណាព្យ Waka ខុសគ្នាក្នុង Hyakunin Isshu ។ គម្រោង Cocktail ដ៏ពិសេសនេះបង្កើតឡើងដោយសណ្ឋាគារ Lake Biwa នៅ Shiga ។ បច្ចុប្បន្ន​មាន Cocktail ​ចំនួន ៣៧ ប្រភេទ ហើយ​កំពុង​បន្ត​បន្ថែម​ទៀត។

តោះភ្លក់មួយប្រភេទសាកមើល។

សូមរីករាយជាមួយនឹង Cocktail មួយកែវ នោះអ្នកនឹងស្គាល់រសជាតិនៃកំណាព្យខាងក្រោម៖

天つ風　雲の通い路吹きとぢよ

をとめの姿　しばしとどめむ

ការបកស្រាយ

ខ្យល់បក់លើមេឃ បិទផ្លូវលើពពកជាកន្លែងដែលទេពធីតាត្រឡប់ទៅស្ថានសួគ៌

នៅ​តែ​ចង់ចាប់យកទិដ្ឋភាពមនុស្សស្រីរាំលើផ្ទៃដីយូរ​បន្តិចទៀត។

ចម្រៀង Waka ពីរោះណាស់។

គែមអាវ​របស់​ទេពធីតា​កំពុងរាំគូសជាបន្ទាត់​ក្រហម ចំណែកផ្សែងពណ៌សចេញពីកែវស្រាគឺពពក។ ទឹកកកស្ងួតដាក់​លើ​តុ​ក្លាយ​ទៅ​ជា​ខ្សល់។

Cocktail ពណ៌ខៀវគឺជារសជាតិកំណាព្យរបស់អធិរាជ Koukou ។

នៅលើគែមកែវដក់ជាប់ព្រិលដែលមិនទាន់រលាយ។ ពណ៌ខៀវក្នុងកែវគឺវាលស្មៅ ដុះពន្លកពណ៌ក្រហមតំណាង​ឱ្យ​សេចក្តី​ស្រឡាញ់។ ស្រា​ពណ៌​ខៀវបង្ហាញពីអារម្មណ៍ត្រជាក់ដែលនៅសេសសល់។

ជាមួយនឹងការពិពណ៌នាបែបនេះ សូម្បីតែជនជាតិជប៉ុនសម័យនេះក៏មិនទម្លាប់នឹងរសជាតិមនុស្សសម័យមុនដែរ។

អ្នកទើបតែភ្លក់រសជាតិស្រាមួយកែវ រីករាយផឹកស្រាផង ស្តាប់ Bartender ពន្យល់រឿងបង្កប់ក្នុងកំណាព្យ Waka ពិត​ជា​រ៉ូមែនទិក​ណាស់។

Kengo Abe