សាជីវកម្ម Pasona Group ស្រាប់តែប្តូរទីស្នាក់ការទៅកាន់កោះ Awaji កសាងកន្លែងធ្វើសមាធិ

Pasona Group គឺជាសាជីវកម្មផ្គត់ផ្គង់កម្លាំងពលកម្មដែលមានទីស្នាក់ការកណ្តាលនៅ Otemachi ជិតស្ថានីយ៍​តូក្យូ។

ថ្មីៗនេះសាជីវកម្មស្រាប់តែប្រកាសប្តូរទីស្នាក់ការទៅកាន់កោះ Awaji ដែលជាព័ត៌មានធ្វើអោយឧស្សាហកម្មសេដ្ឋកិច្ច​ជប៉ុន​ទាំងមូលមានការភ្ញាក់ផ្អើល។

ក្នុងនាមជាសាជីវកម្មផ្គត់ផ្គង់កម្លាំងពលកម្ម តាមត្រូវគួរដាក់ទីស្នាក់ការនៅកន្លែងដែលមានអាជីវកម្មច្រើន ជាមួយនឹងតម្រូវការកម្លាំងពលកម្មខ្ពស់។ ប៉ុន្តែហេតុអ្វីជ្រើសយក Awaji ជាកោះដាច់ស្រយាលក្នុងស្រុក។

មូលហេតុប្តូរទីស្នាក់ការក៏គួរឱ្យភ្ញាក់ផ្អើលដូចគ្នា ពួកគេចង់សាងសង់កន្លែងទទួលយកបទពិសោធន៍ ZEN (សមាធិ) នៅលើកោះ Awaji ។ Awaji គឺជាកោះដំបូងគេដែលកកើតឡើងតាមទេវកថាជប៉ុន។ ចំណុចនេះបង្ហាញ​ពី​​ក្ដី​ស្រឡាញ់​​របស់​អ្នក​ដឹកនាំសាជីវកម្ម Pasona ចំពោះកោះ។

ការត្រៀមលក្ខណៈសម្រាប់រលកទេសចរណ៍ជប៉ុន បន្ទាប់ពីជំងឺរាតត្បាតកូវីដ ១៩ បញ្ចប់ កន្លែងទទួលយកបទពិសោធន៍ ZEN សមាធិ​បែប​ជប៉ុន​​ពេញ​និយមខ្លាំង​នៅ​បរទេស ជាពិសេសសហរដ្ឋអាមេរិកត្រូវបានសាងសង់ឡើង។

តោះចូរទស្សនាទាំងអស់គ្នា។

រូបភាព https://www.zenbo-seinei.com

កន្លែងនេះមានឈ្មោះថា ZEN Wellness SEINEI ស្ថិតនៅកន្លែងដែលមានទេសភាពស្អាតអស្ចារ្យ កន្លែងដែលអ្នកអាចរីករាយនឹងធម្មជាតិដ៏សម្បូរបែបនៅកោះ Awaji ។

ដោយសារជប៉ុនជាប្រទេសមាន ៤ រដូវកាល ជាមួយនឹងទេសភាពខុសគ្នា អ្នកប្រហែលជាចង់ទៅលេងកន្លែងនេះយ៉ាង​ហោច​ណាស់ ៤ ដងក្នុងមួយឆ្នាំ។

មានសកម្មភាពប្លែកៗជាច្រើន ដូចជាទទួលយកបទពិសោធន៍ Zen រីករាយជាមួយអាហារ ងូតទឹកបើកចំហ ស្នាក់នៅផ្ទះសំណាក់បែបប្រពៃណី និង Yoga ផងដែរ។

កន្លែងនេះស្រដៀងនឹង Business ZEN នៅសហរដ្ឋអាមេរិក ក្រៅពី Zen តាមរបៀបគិតនៃប្រាសាទជប៉ុនធម្មតា។

ឥឡូវនេះសូមក្រឡេកមើលខាងក្រោម។

អាហារនៅទីនេះមានលក្ខណៈសាមញ្ញ ដូចជាម្ហូបធ្វើពីតៅហ៊ូ ចម្អិនដោយប្រុងប្រយ័ត្នតាមរយៈការជ្រើសរើសគ្រឿងផ្សំយ៉ាងម៉ត់ចត់។

កន្លែងងូតទឹកបើកចំហរ ជាកន្លែងដែលអ្នកអាចត្រាំខ្លួនក្នុងទឹកក្តៅ ខណៈដែលគយគន់ទេសភាពអស្ចារ្យនៃធម្មជាតិ។

កោះ Awaji ជាកន្លែងពិសិដ្ឋ ត្រូវបានគេចាត់ទុកជាទឹកដីជប៉ុនដំបូងគេដែលបង្ហាញ​ខ្លួន​ក្នុង​ទេវកថា។ ប្រសិន​បើ​អាច​ធ្វើ​សមាធិ ឬ Yoga នៅកន្លែងបែបនេះ ទាំងរាងកាយ និងបេះដូងនឹងកាន់តែរឹងមាំ។

បច្ចុប្បន្ននេះ មានប្រាសាទមួយចំនួននៅក្នុងប្រទេសជប៉ុនទទួលយកជនបរទេស ប៉ុន្តែមិនថាធ្វើសមាធិនៅប្រាសាទ ឬកន្លែងថ្មីនេះទេ កត្តាដំបូងនៅតែបង្កើតភាពស្និទ្ធស្នាល។ ប៉ុន្តែធ្វើបែបនេះខ្ញុំគិតថាជាគំនិតដំបូង​នៅជប៉ុន ឬឈានមុខគេលើពិភពលោក។

ចាប់ពីថ្ងៃទី ២៩ ខែមេសា ឆ្នាំ ២០២២ កន្លែងនេះបើកទទួលភ្ញៀវជាផ្លូវការ។ នៅពេលជំងឺរាតត្បាតកូវីដ ១៩ បញ្ចប់ អ្នក​អាច​មក​ទទួល​យកបទពិសោធន៍នេះ។

Kengo Abe