តើត្រូវធ្វើយ៉ាងណាពេលជួបបាតុភូត whiteout? ជាបាតុភូត​ដែល​បង្ក​​គ្រោះថ្នាក់​ក្នុងលក្ខខណ្ឌអាកាសធាតុមិនល្អ

Whiteout ホワイトアウト ជាបាតុភូតដែលធ្វើអោយមើលមិនឃើញដោយសារតែខ្យល់បក់ខ្លាំង និងព្រិល។ នៅពី​មុខ​ឃើញ​តែ​ពណ៌ស ហើយអ្នកមើលមិនឃើញទោះនៅជិតយ៉ាងណា។ អ្នកបាត់បង់ទិសដៅមិនដឹងមុខ ក្រោយ ឆ្វេង ស្តាំ។

កាលពីថ្ងៃទី ២១ នៅ Hokkaido ករណីគ្រោះថ្នាក់ចរាចរណ៍ដ៏ធំមួយបានកើតឡើង។ ជួបប្រទះ Whiteout ពេលកំពុង​​បើក​​បរ​គ្រោះថ្នាក់ខ្លាំងណាស់។

តើធ្វើយ៉ាងណាទប់ទល់នឹង Whiteout? នេះ​ជា​ចំណុច​មួយ​ចំនួន​ដែល NHK លើកឡើងគួរចងចាំ។

***បាតុភូត Whiteout ពេលកំពុងបើកបរ

នាយកដ្ឋានប៉ូលីស Hokkaido បង្ហោះវីដេអូមួយមានឈ្មោះថា “គ្រោះថ្នាក់​ចរាចរណ៍​ព្រោះតែ​មើល​មិនឃើញ ដោយ​សារ​ព្យុះ​ព្រិល” ។

សូមមើលនៅទីនេះ

នៅក្នុងឃ្លីប អ្នក​បើក​បរ​បន្ត​ដំណើរ​ក្នុង​ស្ថានភាព​មើល​មិន​ឃើញ ហើយរយៈពេល ២ វិនាទីក្រោយមក ស្រាប់តែមានរថយន្តជាច្រើនគ្រឿងនៅចំពោះមុខ បុគ្គលនេះចាប់​ហ្វ្រាំង​មិនទាន់ទើប​បុក​តែម្តង។ រថយន្តជាច្រើនគ្រឿងទៀតក៏ជាប់ក្នុងគ្រោះថ្នាក់​នេះផង​ដែរ។

តើពេលណា និងនៅឯណា Whiteout អាចកើតឡើង?

ក្នុងលក្ខខណ្ឌ និងកន្លែងមួយចំនួន Whiteout អាចនឹងកើតឡើង។

១. នៅពេលដែលសីតុណ្ហភាពទាបត្រូវខ្យល់ខ្លាំង

សីតុណ្ហភាពទាបធ្វើឱ្យព្រិលធ្លាក់រាយប៉ាយ ខ្សល់បក់ខ្លាំងបណ្តាលអោយព្រិលប៉ើងគ្រប់ទីកន្លែងជាហេតុ​រារាំងអ្នក​បើក​បរមើល​មិន​ឃើញ។

២. នៅពេលដែលព្រិលធ្លាក់ក្រាស់ផ្លូវសងខាង

ទោះបីជាខ្យល់មិនខ្លាំង ប៉ុន្តែបើព្រិលកកកុញតាមផ្លូវទាំងសងខាង ព្រិលដែលត្រូវខ្យល់បក់ក៏នឹងធ្វើអោយមើលមិន​ឃើញ។

៣. ក្នុងបរិយាកាបើកចំហ ផ្លូវរាបស្មើ

ក្នុងលក្ខខណ្ឌបែបនេះ ផ្ទះ និងដើមឈើតិចណាស់ដែលអាចរារាំងព្រិលបក់បោក ហើយបរិមាណព្រិលច្រើននឹង​បក់​បោក​តាម​ខ្យល់។

យោងទៅតាមវិទ្យាស្ថានស្រាវជ្រាវ Kanchidoboku (វិទ្យាស្ថានស្រាវជ្រាវជាតិនៅទីក្រុង Sapporo) នៅលើវាលព្រិលដែលលាតសន្ធឹង ២០០ ម៉ែត្រឬច្រើនជាងនេះ បរិមាណព្រិលដែលបក់ចេញពីព្យុះព្រិលនឹងច្រើនឡើង។ ដូច្នេះ​អ្នកបើកបរត្រូវយកចិត្តទុកដាក់​ពេល​ធ្វើដំណើរ​លើ​ដី​រាបស្មើ ដូចជា​វាលស្រែ វាលស្មៅ​ជាដើម​។

នាខែមករា ឆ្នាំ ២០២១ គ្រោះថ្នាក់ជាបន្តបន្ទាប់ដែលពាក់ព័ន្ធនឹងយានយន្តចំនួន ១៤០ គ្រឿងនៅលើផ្លូវល្បឿន​លឿន Tohoku នៅ Miyagi ដោយសារតែ Whiteout ធ្វើអោយមើលមិនឃើញ ហើយក៏ព្រោះតែផ្លូវល្បឿនលឿននេះស្ថិត​នៅ​​ក្នុង​​តំបន់​​បើក​ចំហ ភាគច្រើនជុំវិញជាវាលស្រែ។ ក្រៅពីនេះកន្លែងដែលនៅជិតទន្លេ ឬលើស្ពាន គ្មានអ្វីបាំង​ខ្សល់ គ្រោះថ្នាក់មើលមិនឃើញក៏អាចនឹងកើតឡើងច្រើនផងដែរ។

ធ្វើយ៉ាងណាពេលជួប Whiteout?

មាន ៣ ចំណុចដែលត្រូវកត់សម្គាល់

១. បើកភ្លើងសញ្ញា ហើយឈប់ឡាន

(បើកបរក្នុងតំបន់ Whiteout មានគ្រោះថ្នាក់ខ្លាំងណាស់)

ដើម្បីទប់ស្កាត់ការប៉ះទង្គិចផ្នែកខាងក្រោយ គួរតែធ្វើឱ្យរថយន្តមានភាពលេចធ្លោតាមដែលអាចធ្វើទៅបាន។

២. ចតរថយន្តនៅផ្លូវម្ខាង (ឬប្រសិនបើអាចទៅកាន់កន្លែងចត) ហើយរង់ចាំអាកាសធាតុប្រសើរឡើងវិញ។

ប្រសិនបើមានហាងលក់ទំនិញ ស្ថានីយ៍ប្រេងឥន្ធនៈ ឬកន្លែងសម្រាកនៅក្បែរនោះ សូមនៅទីនោះរហូតដល់អាកាស​ធាតុ​ស្ងប់​ស្ងាត់។

៣. ទូរស័ព្ទលេខសង្គ្រោះបន្ទាន់（#9910）

ប្រសិនបើនៅក្នុងស្ថានភាពមិនអាចផ្លាស់ទីបាន សូមទូរស័ព្ទទៅលេខសង្គ្រោះបន្ទាន់របស់ក្រសួងដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍ #9910

បើនៅពីមុខអ្នកមានគ្រោះថ្នាក់កើតឡើង គ្មានកន្លែងជ្រក ហើយអាកាសធាតុកាន់តែអាក្រក់ទៅ សូមទាក់ទងប៉ូលីស និងនាយកដ្ឋានពន្លត់អគ្គីភ័យ។

ក្រៅពីនេះមានសេវាផ្លូវ #8139 របស់ JAF (សហព័ន្ធរថយន្តជប៉ុន) ផងដែរ។

៤. ការព្យាករណ៍អំពី Whiteout មុនពេលចេញទៅក្រៅ

នៅថ្ងៃដែលមានព្រិលធ្លាក់ និងខ្យល់ខ្លាំង ចូរពិចារណាមើលថាខ្លួនពិតជាត្រូវចេញទៅក្រៅដែរទេ? ប្តូរកាលវិភាគរបស់​អ្នក ប្រសិន​បើ​អាកាសធាតុមិនល្អ។

Sacchan