និស្សិតបរទេសមិនទទួលបានអាទិភាពចូលប្រទេសជប៉ុនខណៈដែល​បទ​ប្បញ្ញត្តិ​ត្រូវបានបន្ធូរបន្ថយ

ជប៉ុនបានបញ្ជាក់យ៉ាងច្បាស់ថាខ្លួននឹងមិនផ្តល់ការអនុគ្រោះដល់និស្សិតបរទេស នៅពេលបន្ធូរបន្ថយការហាមឃាត់​ចូល​ចំពោះ​ជន​បរទេស មិនស្នាក់នៅចាប់ពីថ្ងៃទី ១ ខែមីនា។

និស្សិតដែលចង់ទៅប្រទេសជប៉ុនបានអំពាវនាវ​រាប់​ខែដើម្បីសុំដកការរឹតបន្តឹងព្រំដែន ប៉ុន្តែរដ្ឋមន្ត្រីក្រសួងអប់រំ Shinsuke Suematsu បានអោយដឹងក្នុងសន្និសីទសារព័ត៌មានកាលពីថ្ងៃទី ១៨ ខែកុម្ភៈថា ​ត្រូវ​ចំណាយ​ពេល​យូរ​សម្រាប់​អ្នក​ទាំង​អស់​ដែលចង់ចូលប្រទេសជប៉ុនអាចចូលបាន។

រដ្ឋាភិបាលបានសម្រេចអនុញ្ញាតឱ្យជនបរទេសចំនួន ៥០០០ នាក់ចូលប្រទេសជប៉ុនក្នុងមួយថ្ងៃ ខណៈដែលបទ​ប្បញ្ញត្តិ​ត្រូវ​បាន​បន្ធូរ​បន្ថយ ច្រើនជាងកម្រិតបច្ចុប្បន្ន ៣,៥០០ នាក់។

ទោះជាយ៉ាងណាការដាក់កម្រិតមិនត្រឹមតែនិស្សិតបរទេសប៉ុណ្ណោះទេ រួមទាំងអ្នកដែលមានទិដ្ឋាការអាជីវកម្មទៅធ្វើ​ការ និង​អ្នក​ដែល​បានចុះឈ្មោះកម្មវិធីបណ្តុះបណ្តាលសិក្ខាកាមបច្ចេកទេសផងដែរ។

យោងទៅតាមទីភ្នាក់ងារសេវាកម្មអន្តោប្រវេសន៍ និស្សិតបរទេសប្រមាណ ១៥០,០០០ នាក់ដែលមានទិដ្ឋាការត្រឹមត្រូវ​កំពុង​រង់​ចាំ​ចូល​ប្រទេស។

អាជ្ញាធរបាននិយាយថា អ្នកដែលបានបញ្ជាក់កក់ជើងហោះហើរមុនទៅកាន់ជប៉ុន អាចជាមនុស្សដំបូងត្រូវបានអនុញ្ញាត​ឱ្យ​ចូល ដោយសារមិនមានអាទិភាព​ទាក់ទងនឹងស្ថានភាពស្នាក់នៅ។

នាយករដ្ឋមន្ត្រី Fumio Kishida បាន​ប្រកាស​បន្ធូរ​បន្ថយ​វិធានការ​ចូល​នៅ​ថ្ងៃ​ទី ១៧ ខែ​កុម្ភៈ។

ការរឹតបន្តឹងធ្វើឱ្យជនបរទេសមួយចំនួនធំដែលមានទិដ្ឋាការត្រឹមត្រូវមិនអាចចូលប្រទេស។ តួលេខចាប់ពីខែមករាឆ្នាំ ២០២០ កើនប្រមាណ ៤០៧,០០០ នាក់ ក្នុងនោះនិស្សិតបរទេសមានចំនួន ១៥២,០០០ នាក់ ហើយក្នុងនោះ​ក៏​មាន​ប្រជាជនមិនមែនជនជាតិជប៉ុនចំនួន ១២៩,០០០ នាក់កំពុងរង់ចាំចូលរួមកម្មវិធីបណ្តុះបណ្តាលជំនាញ។

Japo Cambodia

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: