អាវុធ Ninja ដែលមានអាយុកាល ៤៣០ ឆ្នាំបង្ហាញពីសម័យដណ្តើមអំណាច

បុរាណវិទូបានរកឃើញវត្ថុបុរាណពីឆ្នាំ ១៩៦០ ដល់ឆ្នាំ ២០១០ ក្នុងតំបន់មួយចំនួននៅប្រទេសជប៉ុន ក្នុងចំណោមនោះមានប្រាសាទពីរគឺ ប្រាសាទ Iwatsuki និង ប្រាសាទ Hachioji ។ អាវុធរបស់ Ninja បានមកពីការឡោមព័ទ្ធ Odawara កើត​ឡើង​នៅឆ្នាំ ១៥៩០ ។

រូបភាព https://www.livescience.com/ancient-ninja-weapons-discovered

អាវុធ​ត្រូវបាន​រក​ឃើញក្នុងប្រាសាទទាំងពីរនៅជប៉ុនអាចជាអាវុធរបស់ Ninja ជាមួយនឹងអាវុធមួយចំនួនដែលគេសន្មត់ថាអាវុដដើមរបស់ Shuriken (ព្រួញរបស់ Ninja) ។

ក្នុងពេលឡោមព័ទ្ធ Odawara ត្រកូល Toyotomi និង Tokugawa បានកម្ចាត់ត្រកូល Hojo ដោយគ្រប់គ្រងផ្នែកធំនៃ​ប្រទេស​ជប៉ុន និង​ដណ្តើម​បាន​ប្រាសាទ​ទាំងពីរ។

ការឡោមព័ទ្ធកើតឡើងនៅសម័យ (១៤៦៧-១៦១៥) សម័យកាលដែលជប៉ុនត្រូវបែងចែកដោយការដណ្តើមអំណាចរបស់ស្តេចក្រាញ់។ ឯកសារប្រវត្តិ​សាស្ត្រ​ជាច្រើនសំដៅលើ Ninja ជាអ្នកស៊ើបការណ៍ក្នុងអំឡុងពេលនេះ ហើយពួកគេប្រហែល​ជា​បាន​ចូល​រួម​ក្នុងការឡោមព័ទ្ធ។

វត្ថុបុរាណរួមមានគ្រាប់ដីឥដ្ឋដែលអាចជាទម្រង់ដើមនៃដែកបន្លាស្រួចបួន (Caltrop) ធ្វើឱ្យរបួសជើងរបស់ទាហាន និង​សេះ។

រូបភាព https://www.livescience.com/ancient-ninja-weapons-discovered

រូបភាពនេះបង្ហាញពីវត្ថុបុរាណដែលមានអាយុកាល ៤៣០ ឆ្នាំ ប្រហែលជាអាវុធដំបូងមានទាក់ទងនឹង Ninja ។

Iwata Akihiro បុរាណវិទូ និងជាអ្នកគ្រប់គ្រងនៅសារមន្ទីប្រវត្តិសាស្ត្រ និងវប្បធម៌ប្រពៃណីទំនៀមទម្លាប់អ្នកស្រុកខេត្ត Saitama បាននិយាយថា “វត្ថុបុរាណទាំងនេះជាអាវុធរបស់ក្រុមប្រយុទ្ធដែលមានសមត្ថភាពដូច Ninja ។ ក្រៅ​ពី​នេះ ប្រហែលអាវុធទាំងនេះត្រូវគេផលិត​ប្រញាប់​ប្រញាល់​មុន​ការ​ឡោម​ព័ទ្ធ” ។

ទោះបីជាត្រូវបានបំពាក់ដោយអាវុធជាច្រើនប្រភេទ ប៉ុន្តែ Ninja នៃត្រកូល Hojo មិនអាចជួយសង្គ្រោះប្រាសាទបាន ហើយ​លទ្ធផល​ប្រាសាទ​ទាំង​ពីរ​ចាញ់ក្រោមកង​ទ័ព​ដ៏​ខ្លាំង​ក្លា​នៃ​ត្រកូល Toyotomi និង Tokugawa ។

នៅឆ្នាំ ១៦១៥ ត្រកូល Tokugawa បានទទួលជោគជ័យក្នុងការបង្រួបបង្រួមប្រទេសជប៉ុនទាំងមូល ហើយបង្កើត Bakufu កាន់​កាប់​អំណាច​រាប់សតវត្ស។

Japo Cambodia