​ផែនទី​បង្ហាញអំពី​ដើម​កំណើត​នាយក​រដ្ឋមន្ត្រី​ជប៉ុនគ្រប់ជំនាន់

កាលពីមុន JAPO ធ្លាប់បង្ហោះ​អត្ថបទ​មួយនិយាយពីទីក្រុងតូក្យូមិនមែនរាជធានីប្រទេសជប៉ុន។

នៅក្នុងរដ្ឋធម្មនុញ្ញបណ្តាប្រទេសដទៃទៀត តែងតែចែងច្បាស់រាជធានី។ ទោះជាយ៉ាងណាក្នុងរដ្ឋធម្មនុញ្ញជប៉ុនមិន​ចែង​ដូច​នេះ​ទេ។ តាមច្បាប់ ជប៉ុនមិនមានរាជធានី។

ទោះបីជាទីក្រុងតូក្យូត្រូវចាត់ទុកដូចជារាជធានីប្រទេសជប៉ុន។ ប៉ុន្តែ​តើ​អ្នក​ដឹង​ទេ​ថារដ្ឋាភិបាល​មួយ​ណា​កំពុង​គ្រប់​​គ្រង​​​រដ្ឋាភិបាល​​នៅ​តូក្យូ?

នេះ​ជា​ផែនទី​ដើម​កំណើត​របស់​នាយក​រដ្ឋមន្ត្រី​ជប៉ុនគ្រប់ជំនាន់។ ទិន្នន័យ​នេះ​ធ្វើ​បច្ចុប្បន្នភាពត្រឹមលោក Shinzo Abe ប៉ុណ្ណោះ។

រូបភាព https://say-g.com/topics/577

ខេត្ត Yamaguchi នៅជ្រុងខាងឆ្វេង Honshu ។ តាម​ទិន្នន័យ​ខាង​លើឃើញ​ថានាយក​រដ្ឋមន្ត្រី​ជប៉ុនច្រើនមកពីកន្លែងនេះ។ បើ​និយាយពី​ការ​កាន់​តំណែង នាយក​រដ្ឋមន្ត្រី​មក​ពី​ Yamaguchi ​មានចំនួនមួយ​ភាគ​បី​នៃ​អាណត្តិ​នាយក​រដ្ឋមន្ត្រី។

បើ​និយាយ​ពី​ប្រជាសាស្រ្តវិញ​ Yamaguchi មាន​ប្រជាជន ១,៣៧៨,០០០ នាក់ បើ​ធៀប​នឹងតូក្យូមានចំនួន ១៣,៩៦០,០០០ នាក់ និងប្រជាជន Osaka មាន​ចំនួន ៨,៨២៣,០០០ នាក់។ ថ្វីបើមានចំនួនប្រជាជនច្រើនជាង ប៉ុន្តែ Yamaguchi មាន​​នាយក​​រដ្ឋមន្ត្រី​ច្រើន​ជាង​តំបន់​ផ្សេង​ទៀត។

នាយករដ្ឋមន្ត្រីទីមួយនៃប្រទេសជប៉ុន Hirobumi Ito ក៏មកពី Yamaguchi ដែរ។

ជាការពិតនាយករដ្ឋមន្ត្រីមានអំណាចខ្លាំងណាស់ ទោះសព្វថ្ងៃនេះលោក Shinzo Abe បានលាលែងពីតំណែង ប៉ុន្តែគាត់​នៅ​តែបង្ហាញអំណាចយ៉ាង​ខ្លាំង​លើ​សភា ដូច្នេះហើយ Yamaguchi អាចនិយាយបានថាគ្រប់គ្រងសភា។

ត្រង់ចំណុចនេះយើងនឹងមើលទៅលើបុគ្គលិកលក្ខណៈប្រជាជននៅ Yamaguchi ។ បុរស Yamaguchi ត្រូវគេចាត់ទុក​ថា​មាន​លក្ខណៈ​សម្បត្តិដូចខាងក្រោម៖

  • ចូលចិត្តពិភាក្សា/ជជែក
  • ចូលចិត្តនិយាយរឿងនយោបាយ
  • ស្អប់បរាជ័យ
  • ក្រអឺតក្រទម ចូលចិត្តបង្ហាញ
  • មានចិត្តស្រលាញ់មាតុភូមិជ្រាលជ្រៅ
  • គិត​ថា​ទំនាក់​ទំនង​រវាង​ថ្នាក់​លើ​ និងថ្នាក់ក្រោមជារឿងសំខាន់
  • យកចិត្តទុកដាក់លើអាកប្បកិរិយា

ជាពិសេសលក្ខណៈចូលចិត្តនិយាយរឿងនយោបាយ ខ្ញុំ​គិត​ថា​ចំណូល​ចិត្ត​នេះមានដោយ​សារ​តែ​​អ្នក​នយោបាយច្រើន​មក​ពី Yamaguchi ។

ចំណុចនេះក៏​ពាក់ព័ន្ធ​នឹង​ការ​បង្កើត​រដ្ឋាភិបាល​បច្ចុប្បន្ន​ដែរ។

មូលដ្ឋានគ្រឹះនៃប្រទេសជប៉ុនសព្វថ្ងៃគឺរដ្ឋាភិបាល Meiji បង្កើតឡើងដោយការផ្តួលរំលំ Tokugawa ដែលមានមូល​ដ្ឋាន​នៅ​តូក្យូ។ ការបង្កើតរដ្ឋាភិបាល Meiji រួមបញ្ចូលគ្នារវាងការប្រយុទ្ធ Satsuma និង Choushu ។ Satsuma នៅ Kagoshima ចំណែក Choushu នៅ Yamaguchi ។

ទោះជាយ៉ាងណា Takamori Saigo មកពី Satsuma ខឹងសម្បារនឹងអំពើពុករលួយរបស់រដ្ឋាភិបាល Meiji បន្ទាប់​មក​​បះ​បោរ​តែ​​ចាញ់​។

លទ្ធផលអំណាចរបស់ Satsuma កាត់បន្ថយ ហើយអំណាចប្រមូលផ្តុំនៅ Choushu ។ អាចនិយាយបានថារដ្ឋាភិបាល Meiji ក៏ជា Choushu ផងដែរ។

តាមលទ្ធផលខាងលើ អំណាចទាំងមូលនៃប្រទេសជប៉ុនសព្វថ្ងៃស្ថិតនៅ Yamaguchi ។

ដោយយោងទៅតាមព្រឹត្តិការណ៍នេះ ជា​រឿង​ចម្លែក​បន្តិច​ដែល​រាជធានីជប៉ុន​មិន​មែន​ Yamaguchi ។

នៅពេលនោះតូក្យូជាទីក្រុងធំមួយ ប្រាសាទ Edo និមិត្តរូបនៃ Bakufu ជាកន្លែងទទួលព្រះចៅអធិរាជ ចំណុចនេះបង្ហាញ​អោយ​ពិភព​លោក​ឃើញ​ថាសម័យកាលបានផ្លាស់ប្តូរ។

Kengo Abe

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: