សិល្បៈ Typography ជាមួយនឹងឈ្មោះ ៤៧ ខេត្តក្រុងប្រទេស​ជប៉ុន

ខេត្តក្រុងនីមួយៗនៅក្នុងប្រទេសជប៉ុនមានលក្ខណៈពិសេសរៀងៗខ្លួន។

និស្សិតសិល្បៈម្នាក់នៅប្រទេសជប៉ុនប្រើប្រាស់ Typography ដើម្បីធ្វើរចនាប័ទ្មឈ្មោះខេត្តចំនួន ៤៧ នៅទូទាំងប្រទេស​ជប៉ុន ដោយ​បង្ហាញ​ពីលក្ខណៈពិសេសតំបន់នីមួយៗ។

ជាមួយនឹងរចនាប័ទ្មពុម្ពអក្សរ ខេត្តនីមួយៗបង្ហាញនៅចំពោះមុខអ្នកមើលជាមួយនឹងលក្ខណៈដោយផ្ទាល់ ឧទាហរណ៍​ខេត្ត Tottori (鳥取) ល្បីជាមួយវាលខ្សាច់។

នៅខាងក្រោមជួរទី ៣ ផ្នែកខាងឆ្វេងគឺខេត្ត Ehime (愛媛) ល្បីជាមួយនឹងប្រភេទក្រូចឃ្វិច។

ការប្រមូលផ្តុំ Typography ៤៧ ខេត្តក្រុងប្រទេសជប៉ុនត្រូវបានបង្កើតឡើងនៅឆ្នាំ ២០២១ ។ អ្នក​និពន្ធ​ជា​និស្សិត​សិល្បៈ​ស្រី​ម្នាក់​មាន​គណនី Twitter ゆうなてや @teya_y ។ នាង​បាន​ពន្យល់​ថាព្រោះតែមិន​អាច​ធ្វើ​ដំណើរ​អំឡុង​ពេល​​មាន​​ជំងឺ​​រាតត្បាត​ ដូច្នេះហើយទើប​នាង​សម្រេច​ចិត្ត​ធ្វើ​ដំណើរ​តាម​រយៈស្នាដៃសិល្បៈរបស់ខ្លួន។

ចាប់ពីឆ្នាំ ១៨៦៨ ដល់ឆ្នាំ ១៨៧១ ការរៀបចំឡើងវិញ និងការរួមបញ្ចូលទឹកដីបានកើតឡើងនៅក្នុងប្រទេសជប៉ុន ដោយបង្កើតបានជា ៤៧ ខេត្តក្រុងដូចសព្វថ្ងៃរួមមាន ៤៣ 県 (ken), 府 (Fu) ពីរគឺ Osaka និង Kyoto,  道 (Dou) មួយ​គឺ Hokkaido និង 都 (To) មួយគឺ Tokyo ។

ស្នាដៃដូចជាការរំលឹកដ៏អស្ចារ្យនៃប្រទេសជប៉ុនដែលមានតែមួយគត់ និងចម្រុះ។ សង្ឃឹមថាតាមរយៈ Typography អ្នក​នឹង​មាន​អារម្មណ៍​ចង់ធ្វើដំណើរកំសាន្តទៅកាន់ប្រទេសជប៉ុន បន្ទាប់ពីជំងឺរាតត្បាតបញ្ចប់។

Yuki

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: