បុរសចំណាស់ម្នាក់នៅខេត្ត Toyama ត្រូវចាប់ខ្លួនពីបទលួចរូបចម្លាក់ Tanuki

កាល​ពី​ថ្ងៃ​ទី​ ១ ខែ​កុម្ភៈ លោក Kiyoharu Okinishi អាយុ ៧៤ ឆ្នាំត្រូវប៉ូលីស Takaoka ចាប់​បានខណៈ​កំពុង​លួច​រូប​ចម្លាក់ Tanuki ។ ដោយ​សង្ស័យ​ថា​គាត់​ជា​អ្នក​លួច​រូប​ចម្លាក់ Tanuki ពីរផ្សេងទៀតកាលពីមួយខែមុន អាជ្ញាធរ​បាន​​ឆែក​ឆេ​រ​ផ្ទះ​ ហើយរកឃើញឃ្លាំងផ្ទុក​រូប​ចម្លាក់ Tanuki ជិត ៥០ ​រូប​ ។

ប្រឈមនឹងភស្តុតាងដែលមិនអាចប្រកែកបាន លោក Okinishi បានសារភាពកំហុសរបស់ខ្លួន។

ដើម្បី​បញ្ជាក់ការ​ចោទ​ប្រកាន់​ចំពោះ​ជន​សង្ស័យ ប៉ូលីសបានស្នើសុំអ្នក​ស្រុក​ដែល​បាត់​រូប​ចម្លាក់​ទាក់ទងមកកាន់ពួក​គេ ដើម្បី​យក​ទី​បន្ទាល់។ ប៉ូលីសក៏កំពុងព្យាយាមកំណត់សកម្មភាពរបស់លោក Kiyoharu Okinishi ផង​ដែរ។

អ្នកដែលអានព័ត៌មានបង្ហាញអារម្មណ៍ភ្ញាក់ផ្អើល ពួកគេមិន​នឹក​ស្មាន​ថាមានអ្នកធ្វើដូច្នេះ។

• លួចច្រើនដល់ហើយ
• ព្រោះតែចូលចិត្ត Tanuki ឬ​ក៏​មាន​ហេតុផល​ផ្សេង?
• សង្ឃឹម​ថា​រូប​ចម្លាក់​ដែល​ត្រូវលួច​នោះអាចប្រគល់​ជូន​ម្ចាស់ដើម​វិញ​
• ​រូប​ចម្លាក់ទាំងនេះប្រហែលជាគួរឱ្យស្រលាញ់ ប៉ុន្តែកុំលួចអី
• តើគាត់នឹងធ្វើអ្វីចំពោះរូប​ចម្លាក់ទាំងនោះ?
• ឬក៏ញៀនទៅហើយ?
• ខ្ញុំខ្លាចថាខ្លួននឹងដូចគាត់ពេលចាស់ទៅ …

អ្នក​ដែល​មាន​ឱកាស​ទៅ​លេង​ប្រទេស​ជប៉ុន ប្រហែល​ជាធ្លាប់ឃើញ​រូប​ចម្លាក់ Tanuki ដ៏​គួរ​ឱ្យ​ស្រឡាញ់។ សត្វដ៏គួរឱ្យអស់​សំណើច​នេះ​មាន​ក្បាល​ពោះធំ នៅចំកណ្តាលមានពងស្វាស ក្បាលពាក់មួកចំបើង ដៃកាន់ដបស្រា។

Tanuki ជាប្រភេទបិសាចមានសមត្ថភាពប្រែកាយក្នុងរឿងព្រេងជប៉ុន។ ប្រសិនបើកញ្ជ្រោង (Kitsune) ផ្សារភ្ជាប់ជាមួយនឹងរូបភាពបិសាចដែលមានគ្រោះថ្នាក់ ល្បិតកល ចំណែក Tanuki មានរូបរាងគួរឱ្យស្រលាញ់ ចិត្តល្អ មាន​វេទមន្ត​ច្រើន ហើយ​ពួក​វា​មិនបង្កគ្រោះថ្នាក់សម្រាប់មនុស្សឡើយ។

ប្រហែលចំណុចដ៏គួរឱ្យ​ស្រឡាញ់នោះជម្រុញឱ្យមនុស្សមានបំណងលួចជាកម្មសិទ្ធិ។

AD