ទំនាក់ទំនងស្នេហានៅកន្លែងធ្វើការមានទំនោរកើនឡើងដោយសារជំងឺរាតត្បាតកូវីដ ១៩

ជំងឺរាតត្បាតកូវីដ ១៩ បានកាត់បន្ថយឱកាសជួបមនុស្សម្នានៅបារ ភោជនីយដ្ឋាន និងកន្លែងសាធារណៈផ្សេងទៀត។ ឥឡូវនេះ ឱកាសស្វែងរកដៃគូជីវិតភាគច្រើនតាមរយៈបរិយាកាសការងារ ឬតាមការប្រជុំអនឡាញ។

Tameny ដែលជាក្រុមហ៊ុនជំនាញផ្តល់សេវាកម្មអាពាហ៍ពិពាហ៍ ក៏ដូចជាណែនាំគូស្រករ បានធ្វើការស្ទង់មតិមួយនៅ​និទាឃ​រដូវ​ឆ្នាំ ២០២១ លើយុវជន ១៦២ នាក់​ដែល​ទើប​តែទៅធ្វើការ។

លទ្ធផលបានបង្ហាញថា ៤៥,៧ % អ្នកស្ទង់មតិឆ្លើយថា “ចង់ណាត់ជួបនៅការិយាល័យ” កើន ៧,៥% បើធៀបទៅ​នឹង​ការ​ស្ទង់មតិស្រដៀងគ្នាដែលបានធ្វើឡើងកាលពី ៤ ឆ្នាំមុន។

ហេតុ​ផលចម្បងនៃតម្រូវការស្វែងរកស្នេហានៅកន្លែងធ្វើការអំឡុងពេលជំងឺរាតត្បាតគឺថា “គ្មានឱកាសជួបអ្នករាល់​គ្នា កាត់បន្ថយហានិភ័យឆ្លងជំងឺព្រោះអាចជួបគ្នាញឹកញាប់ក្នុងក្រុមហ៊ុន និង​ការ​រឹត​បន្តឹងតិចដោយ​សារ​ធ្វើ​ការ​​ពី​​ចម្ងាយ” ។

នេះ​បើ​តាម​ Yoshihiro Kawana សាស្ត្រាចារ្យផ្នែកចិត្តវិទ្យានៅសាកលវិទ្យាល័យ Rissho មានប្រសាសន៍ថា មានឱកាស​ច្រើន​ជួបដៃគូជីវិតក្នុងបរិយាកាសការងារ។

“ខ្ញុំគិតថាជំងឺរាតត្បាតកូវីដ ១៩ មានផលប៉ះពាល់យ៉ាងខ្លាំង” ។

ស្ត្រី​អាយុ ២៩ ឆ្នាំ​ម្នាក់ដែលជាបុគ្គលិក​ការិយាល័យ រស់នៅទីក្រុងតូក្យូបានចាប់ផ្តើមណាត់ជួបមិត្តរួមការងារប្រុសអាយុ ២៨ ឆ្នាំកាលពី ៤ ខែមុន។

ជំងឺរាតត្បាតធ្វើអោយពួកគេជួបគ្នា ពេលដែលរលកជំងឺកូវីដ ១៩ លើកទី ៥ នៅប្រទេសថយចុះកាលពីឆ្នាំមុន។ អ្នក​ទាំង​ពីរបានចែករំលែកការលំបាកក្នុងជីវិតដែលបណ្តាលមកពីជំងឺរាតត្បាត។

ក្នុង​ឱកាស​បុណ្យ​ចូលឆ្នាំ អ្នក​ទាំង​ពីរ​ត្រឡប់​ទៅ​ស្រុក​កំណើតរបស់ខ្លួន។ បន្ទាប់​មក​ក៏​​ជួប​គ្នាសំណេះសំណាល និង​ជូន​វត្ថុ​​អនុស្សាវរីយ៍​​ដែល​​នាំ​មក​ពី​ស្រុក​កំណើត។

គ្រប់យ៉ាងដំណើរការរលូនរហូតដល់ថ្ងៃទី ២១ ខែមករា នៅពេលដែលមិត្តប្រុសប្រាប់ថាធ្វើតេស្តវិជ្ជមាននឹងកូវីដ ១៩ ។ ពេលរាយការណ៍ករណីទំនាក់ទំនងជិតស្និទ្ធជាមួយក្រុមហ៊ុន គាត់ត្រូវបង្ខំរាយការណ៍ឈ្មោះនាង។ ដូច្នេះក្រុមហ៊ុនទាំងមូលដឹងពីទំនាក់ទំនងរវាងអ្នកទាំងពីរ។

ទោះបីជាទំនាក់ទំនងរបស់ពួកគេត្រូវប្រកាសជាសាធារណៈ ប៉ុន្តែជាក់ស្តែងជំងឺរាតត្បាតហាក់ដូចជាមានឥទ្ធិពលវិជ្ជមានផងដែរ ដោយផ្លាស់ប្តូរទស្សនៈរក្សាអាថ៌កំបាំង។

យោងតាមការស្ទង់មតិរបស់ Tamany កាលពី ៤ ឆ្នាំមុន មនុស្សចំនួន ៤១,៣% ដែលត្រូវបានស្ទង់មតិបាននិយាយ​ថា ទំនាក់ទំនងស្នេហានៅកន្លែងធ្វើការគួរតែរក្សាការសម្ងាត់។ ទោះជាយ៉ាងណាចំនួននេះធ្លាក់ចុះមកត្រឹម ១៦,១% ។

កាលពីខែឧសភា ឆ្នាំ ២០២១ លោក Yushun Kido អាយុ ២៩ ឆ្នាំបានប្រកាសទំនាក់ទំនងរបស់គាត់ជាមួយមិត្តរួមការងារ។ ពួកគេស្រលាញ់គ្នា​ប្រហែល​មួយ​ឆ្នាំ​កន្លះ ហើយ​​សម្រេច​ចិត្ត​រៀប​ការ។

លោក Yushun Kido បានបន្ថែមថា “យើងកាន់តែស្និតស្នាលគ្នា ពេលដែលយើងចំណាយពេលកាន់តែច្រើននៅផ្ទះ” ។

លោក Kido និយាយ​ថា​៖ “ប្រកាសទំនាក់ទំនងងាយ​​ក្នុង​ការ​ធ្វើ​ការជា​ជាង​លាក់បាំង (​ក្រុមហ៊ុន​)​” ។

ក្រុមហ៊ុនជប៉ុនតែងតែមានបទប្បញ្ញត្តិច្បាស់លាស់ទាក់ទងនឹងបញ្ហាបំពាន និងទំនាក់ទំនងក្នុងបរិយាកាសការ​ងារ។ សូម្បី​តែ​ទំនាក់ទំនងដែលមានការព្រមព្រៀងគ្នាក៏ដោយ នៅតែមានបញ្ហាអាចកើតឡើង ប្រសិនបើ​អ្នក​ទាំង​​ពីរ​មាន​អាយុ​ខុស​គ្នា​ខ្លាំង ឬពាក់ព័ន្ធថ្នាក់លើ និងថ្នាក់ក្រោម។

សាស្ត្រាចារ្យ Kawana បាននិយាយថា៖ “ទំនាក់ទំនងសេ្នហាក្នុងការិយាល័យតែងតែត្រូវលាក់បាំង ដោយសារតែអាច​នឹងត្រូវអ្នកដទៃរិះគន់។ តាមពិតទំនាក់ទំនងទាំងនេះនៅតែអាចរក្សាសម្ងាត់រហូតដល់ជំងឺរាតត្បាតកូវីដ ១៩ ចាប់ផ្តើម” ។

DYM ដែលជាក្រុមហ៊ុនសេវាកម្មធនធានមនុស្ស បានចាប់ផ្តើមលើកទឹកចិត្តទំនាក់ទំនងក្នុងការិយាល័យតាំងពីឆ្នាំ ២០១១ ។

ប្រសិនបើគូស្វាមីភរិយាប្រកាសទំនាក់ទំនងរបស់ពួកគេនៅកន្លែងធ្វើការទៅកាន់ក្រុមហ៊ុន DYM ពួកគេនឹងទទួល​បាន ៣ ម៉ឺនយ៉េន។

ក្នុងរយៈពេល ១១ ឆ្នាំកន្លងមកនេះ មានគូស្នេហ៍ចំនួន ១៣ គូបានប្រកាសប្រាប់ក្រុមហ៊ុន រួមទាំងករណីលោក Yushun Kido ខាងលើផងដែរ។

Yuki