នារី Gamer បញ្ចេញមតិមិនគិតលើអុីនធឺណេតថា “បុរស​ក្រោម​ ១៧០​ សង់ទីម៉ែត្រ​គ្មាន​សិទ្ធិ​មនុស្ស …”

“មាត់ជាដើមទងគ្រោះអន្តរាយទាំងឡើយ” នេះជាសុភាសិតរបស់ជប៉ុន។

ប្រយោគនេះសំដៅលើអ្នកដែលនាំអន្តរាយដាក់ខ្លួន ឬបង្កគ្រោះថ្នាក់ដល់អ្នកដទៃ ដោយសារតែនិយាយមិនចេះគិត មិន​គិត​ឱ្យ​បាន​ច្បាស់មុននឹងនិយាយ បណ្តាលឱ្យមានបញ្ហាធ្ងន់ធ្ងរ។

រូបភាព http://blog.livedoor.jp/dqnplus/archives/2014351.html

បុគ្គលក្នុងរូបថតនេះគឺកញ្ញា Tanukana ដែលជាអ្នកលេងហ្គេមអាជីព។ Tanukana ល្បីព្រោះតែស្រស់ស្អាត សមត្ថភាព​របស់​នាងស្ថិតក្នុងកម្រិតមធ្យម។ Tanukana ក្រោមកម្មសិទ្ធិក្រុមហ្គេមដែលមានឧបត្ថម្ភ ដូច្នេះអាជីពរបស់​នាង​មានស្ថេរភាព អាចរកប្រាក់បានតាមរយៈហ្គេមដែលពេញនិយម ជាការងារដែលមនុស្សជាច្រើនប្រាថ្នាចង់​បាន។

យ៉ាងណាមិញ ថ្មីៗនេះកញ្ញាបានបញ្ចេញមតិបង្កចម្រូងចម្រាសលើបណ្តាញអុីនធឺណេត ហើយបណ្តាលឱ្យមានផលវិបាក​ធ្ងន់​ធ្ងរ។

រូបភាព http://fgamers.saikyou.biz/?たぬかな#.YhLlAS_3Ljw

“បុរស​ក្រោម​ ១៧០​ សង់ទីម៉ែត្រ​គ្មាន​សិទ្ធិ​មនុស្ស ដូច្នេះ​គួរ​ទៅ​វះកាត់​ពង្រីក​ឆ្អឹង” ។

(សំណាងខ្ញុំ​មាន​កម្ពស់​ល្មមអាចទទួលបានសិទ្ធិមនុស្ស …)

តើតាំងពីពេលណាសិទ្ធិមនុស្សត្រូវបានកំណត់ដោយរូបរាងខាងក្រៅ?

នារីម្នាក់នេះក៏បញ្ចេញមតិជាច្រើនវាយប្រហារអ្នកស្រឡាញ់ភេទដូចគ្នាផងដែរ ឧទាហរណ៍៖ 

“ដៃគូ A ដៃគូ B មិនមានសិទ្ធិមនុស្ស

ដៃគូ C ស្ទើរតែបាត់បង់សិទ្ធិមនុស្ស” ។

ជាមួយ​នឹង​ពាក្យសម្តីបែបនេះ នារី Gamer ​រូប​នេះ​ធ្វើអោយមនុស្សគ្រប់គ្នាខឹង។ ទោះ​បី​ជា​នាងប្រញាប់ប្រញាល់​សុំ​ទោស ប៉ុន្តែ​យឺត​ពេលទៅហើយ។

ភ្លាមៗ​នោះក្រុមហ្គេម CYCLOPS athlete gaming បាន​បញ្ចេញមតិ។ ពួកគេបានសុំទោស និងប្រកាសលុបចោលកិច្ច​សន្យា​ជាមួយ​នាង។ ដូច្នេះដោយសារតែមតិនិយាយមិនគិតទាំងនោះ Tanukana បាត់បង់អាជីព។ អ្វី​ដែល​នៅ​សេស​សល់​គ្រាន់​តែ​ជា​រហ័ស​នាម “នារី Gamer ស្រស់ស្អាត” ប៉ុន្តែនាងមិនអាចរស់ដោយពឹងលើរហ័សនាមនេះប៉ុណ្ណោះ​​ទេ។

នៅទីបំផុតវិស័យភាពយន្តមនុស្សធំចេញមុខអញ្ជើញ ប៉ុន្តែ Tanukana បាននិយាយថា “ប្រសិនបើអាចឱ្យខ្ញុំជាង ១០០ លាន​យ៉េន ខ្ញុំនឹងធ្វើ” ។

ជា​ការ​ពិត​ដែលថាមាត់ធ្វើ​ឱ្យ​អន្តរាយដល់ខ្លួន។

Kengo Abe