ពាក្យប្រដៅរបស់សាមូរ៉ៃ “កុំប្រមាថអ្នកចាញ់ ឈ្នះមិនមាន​ន័យ​ថា​អាច​ធ្វើ​បាន​គ្រប់យ៉ាង” ឡើយ

មិន​ថា​នៅ​ប្រទេស​ជប៉ុន ឬ​ប្រទេស​ណាក៏ដោយ គេតែងតែសរសើរ​ចំពោះមនុស្សធម៌ និង​យុត្តិធម៌ ហើយប្រាកដជាមានអ្នកខ្លះ​មិន​ខ្វល់ពីអ្នកចាញ់។

ក្នុងភាសាជប៉ុនមានប្រយោគមួយពោលថា៖

“水に落ちた犬は棒で叩け”

(ប្រែថា៖ ឆ្កែធ្លាក់ទឹកហើយនៅប្រើដំបងវាយ)

ប្រយោគនេះសំដៅទៅលើអ្នកដែលដាក់សម្ពាធ ដេញអ្នកចាញ់ដល់ទីបញ្ចប់ ប្រឈមមុខនឹងស្ថានភាពលំបាករហូតដល់មិនអាចក្រោកឈរបាន។

ដោយផ្ទាល់ខ្ញុំគិតថាមនុស្សប្រភេទនេះក្នុងសង្គមមានច្រើន ជាពិសេសនៅក្នុងសមរភូមិស្លាប់រស់។

ក្នុងអត្ថបទនេះខ្ញុំចង់ណែនាំតួអង្គមួយឈ្មោះថា Hiratsuka Hisayoshi ដែលជាសាមូរ៉ៃម្នាក់ចេញមុខរិះគន់ជនដែល​មើល​ងាយ​អ្នក​ចាញ់។

រូបភាព https://mag.japaaan.com/archives/169747

សាមូរ៉ៃ Hiratsuka Hisayoshi រស់នៅក្នុងសម័យរដ្ឋសង្រ្គាម។ នៅពេលដែលសាមូរ៉ៃប្រយុទ្ធគ្នាយ៉ាងស្វិតស្វាញរក​មើល​អ្នក​ណា​​ក្លាយ​ជាអ្នកបង្រួបបង្រួមពិភពលោក។ នេះជាសម័យកាលដែលជប៉ុនធ្លាក់ក្នុងសង្គ្រាមជាបន្តបន្ទាប់។

សាមូរ៉ៃ Hisayoshi ស្អប់ភាពបរាជ័យ លោកត្រូវ​បានគេកោតសរសើរព្រោះតែមិនចេះចាញ់ ​មាន​ឥទ្ធិពលលើគ្រប់​សមរភូមិ​ទាំង​អស់។ Hisayoshi ត្រូវបាន Ieyasu Tokugawa (បុគ្គលដែលបានបង្រួបបង្រួមប្រទេសជប៉ុន និងកសាងសម័យ​អេដូ​ដ៏រុង​រឿង ​ដែលមានរយៈពេល ៣០០ ឆ្នាំ) អញ្ជើញឲ្យចូលរួមក្រុម។

ក្នុងពេលជាមួយគ្នានេះ Hisayoshi ក៏ទទួលបានការអញ្ជើញពីសត្រូវរបស់ Ieyasu Tokugawa ដែរ គឺ Ishida Mitsunari ។

ទោះបីជាគាត់ដឹងថាពេលវេលានឹងស្របតាម Ieyasu Tokugawa ប៉ុន្តែដោយផ្ទាល់ Hisayoshi មិនចូលចិត្ត Ieyasu នោះ​ទេ។

“Ieyasu ជាមនុស្សកំណាញ់ ទោះបីជាព្យាយាមយ៉ាងណាក៏​មិន​បាន​រង្វាន់ធំ​ដែរ” ។

ជាមួយនឹងមូលហេតុ​នេះ Hisayoshi ចូលបម្រើក្រោមបញ្ជារបស់ Ishida ។

ជាការពិតណាស់ Ishida ចាញ់ក្នុងសមរភូមិ Sekigahara ឆ្នាំ ១៦០០ បងប្រុស Hisayoshi ស្លាប់ ចំណែក Hisayoshi ត្រូវ​ចាប់​ខ្លួន​​ទាំង​រស់។ ក្នុងស្ថានភាពនោះ Hisayoshi នៅតែស្រែកយ៉ាងក្លាហានថា៖

“សម្លាប់​ខ្ញុំទៅ”

ទោះជាយ៉ាងណា Ieyasu នៅតែបន្តប្រើពាក្យប្រមាថ Hisayoshi ដែលជាអ្នកចាញ់។

“មនុស្សល្ងង់ម្នាក់ ប្រសិនបើពេលនោះអ្នកទទួលយកការអញ្ជើញរបស់ខ្ញុំ មិនល្អហើយ។ ខ្ញុំកំណាញ់ឬ? កំណាញ់ប្រសើរជាងចាញ់។ អ្នកជាមនុស្សគ្មានភ្នែកមើលមនុស្សទេ តាំងពីពេលនោះរហូតមក តើអ្នកទទួលបានប្រាក់​រង្វាន់​​ប៉ុន្មានដែរ?”

ដើម្បីឆ្លើយ​តបពាក្យទាំងនោះ Hisayoshi បាននិយាយថា៖

“ក្នុងនាមជាសាមូរ៉ៃត្រូវគេចាប់ខ្លួនលើសមរភូមិគ្មានអ្វីដែលគួរឲ្យ​ខ្មាស់ទេ។ អ្នកក៏ធ្លាប់ក្លាយជាចំណាប់ខ្មាំងគ្រួសារ Tokugawa ដែរ ដូច្នេះមានអារម្មណ៍លេងសើចនឹងអ្នកដទៃទៀត” ។

ប្រាកដណាស់ កាលពីក្មេង Ieyasu ត្រូវបញ្ជូនទៅផ្ទះ Tokugawa ធ្វើជាចំណាប់ខ្មាំង ប៉ុន្តែគាត់មិនចង់និយាយរឿងនេះប្រាប់នរណាឡើយ។ នៅ​ពេល​ដែល​ត្រូវ​ចំអកពីអតីតកាល Ieyasu ស្ងាត់សឹង ចំណែក Hisayoshi បែរជាបន្ត។

“និយាយអីញ្ចឹងអ្នកប្រហែលជាធ្លាប់បម្រើ Toyotomi Hideyoshi ។ បន្ទាប់ពី Hideyoshi ទទួលមរណភាព អ្នកងើប​ឈរ​បះ​បោរ ហើយប្រគល់កូនប្រុសរបស់ Hideyoshi ទៅឲ្យ​សត្រូវ។ បើអ្នកមិនខ្មាសគេទេ ជា​រឿង​អាម៉ាស់​ដែល​ចាត់ទុក​ខ្លួន​ជា​សាមូរ៉ៃ” ។

ត្រង់ចំណុចនេះ Ieyasu ចង់សម្លាប់ Hisayoshi ប៉ុន្តែ​ប្រសិន​បើគាត់ធ្វើបែបនេះ បង្ហាញ​ថា​ខ្លួន​ឯង​ទន់ខ្សោយ មិនអាច​តប​តសម្តី​របស់ Hisayoshi និងបន្ទាបខ្លួនឯង។ នៅទីបំផុត Ieyasu ត្រូវដោះលែង Hisayoshi ហើយតាំងពីពេល​​នោះ​​មក Hisayoshi ក៏បាត់ដំណឹង។

ទោះបីជាអ្នកឈ្នះក៏ដោយ មិនមានន័យថាអ្នកអាចធ្វើអ្វីតាមចិត្តនោះទេ។

Kengo Abe

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: