ភោជនីយដ្ឋាន​សាច់អាំង​ជប៉ុនផ្សាយ​ពាណិជ្ជកម្ម​ប្រើ​ទឹកជ្រលក់​តាំងពី ​១០០ ​ឆ្នាំមុន​ធ្វើឱ្យ​សាធារណជន​យល់​ច្រឡំ

នៅពេលអ្នកមើលឃើញផ្ទាំងប៉ាណូផ្សាយពាណិជ្ជកម្ម “យើងប្រើទឹកជ្រលក់ដែលបន្ថែមពីទឹកជ្រលក់កាលពី ១០០ ឆ្នាំមុន ពេល​បង្កើត​ដំបូង” នៅភោជនីយដ្ឋាន Yakitori និង Unagi មនុស្សជាច្រើននឹងគិតថា “វ៉ាវ រូបមន្តដែលមានអាយុ​កាល ១០០ ឆ្នាំមកហើយ ប្រាកដជាឆ្ងាញ់” ។

រូបភាព https://ddnavi.com/serial/670609/a/

សូមមើលឡើងវិញ

ការផ្សាយពាណិជ្ជកម្មមានន័យត្រង់ថាទឹកជ្រលក់នេះត្រូវបានលាយជាមួយនឹងទឹកជ្រលក់តាំងពី ១០០ ឆ្នាំមុន មែន​ទេ? មិនមែនរូបមន្តទឹកជ្រលក់តាំងពី ១០០ ឆ្នាំមុនទេ។ ១០០ ឆ្នាំមកហើយទឹកជ្រលក់ណាមិនខូច? ទឹកជ្រលក់​​មិន​​ថា​​មាន​​សារធាតុ​រក្សា​ទុក​ច្រើន​ប៉ុណ្ណា​ទេ ធ្វើ​ម៉េច​មាន​ទឹកជ្រលក់​ដែល​មាន​អាយុកាល​ជាង​ ១០០​ ឆ្នាំ?

ជាដំបូងសូមកុំបារម្ភ ទឹកជ្រលក់របស់ភោជនីយដ្ឋាននេះមិនមានបញ្ហាទេ។ ដោយសារតែភោជនីយដ្ឋាននេះល្បីឈ្មោះ (ហេតុអ្វីនេះជាមូលហេតុដែលគួរឱ្យទុកចិត្ត ខ្ញុំនឹងពន្យល់ខាងក្រោម)។ ហេតុផលមួយចំនួនផ្សេងទៀតរួមមាន៖

១. កំហាប់អំបិល និងស្ករខ្ពស់

ទឹកជ្រលក់ដែលប្រើក្នុងម្ហូប Yakitori និង Unagi របស់ជប៉ុនមានរសជាតិលាយបញ្ចូលគ្នារវាងស្ករ និងអំបិល។ ព្រោះ​តែ​បរិមាណអំបិលច្រើនបានជាទឹកជ្រលក់មិនខូច នេះជារូបមន្តរក្សាទុក​មិន​ត្រឹម​តែ​នៅជប៉ុន​ប៉ុណ្ណោះ​ទេ រួមទាំង​ពិភព​លោក​ទាំង​មូលផង​ដែរ។ មិន​ត្រឹម​តែ​អំបិល សូម្បីតែស្ករក៏រួមចំណែក​រក្សា​អាហារ​ ឧទាហរណ៍របៀបរក្សាទុកតំណាប់ផ្លែឈើ។ ម្យ៉ាងទៀតទឹកឃ្មុំក៏មិនងាយខូចដែរ មូលហេតុ​មកពីកំហាប់ជាតិស្ករខ្ពស់។ ទោះយ៉ាងណាទឹកជ្រលក់​មិនអាចមានជាតិស្ករ និងអំបិលច្រើនពេកទេ ដូច្នេះនេះមិនមែនជាមូលហេតុដែល “មិនធ្វើឱ្យខូច” ក្រោយ​រយៈពេលជាង ១០០ ឆ្នាំ។

២. កម្ចាត់មេរោគ

ក្រោយពេលអាំង Yakitori និង Unagi រួចភោជនីយដ្ឋានជ្រលក់ទឹកជ្រលក់ បន្ទាប់មកយកទៅអាំងម្តងទៀត បន្ទាប់​មក​ទៀតបន្តជ្រលក់ទឹកជ្រលក់ ធ្វើរបៀបនេះម្តងហើយម្តងទៀត។ នៅពេលនេះទឹកជ្រលក់ត្រូវបានកម្ចាត់មេរោគ ដូច្នេះអាចរារាំងការលូតលាស់របស់បាក់តេរី។ កម្ចាត់មេរោគជាវិធីសាស្រ្តសម្លាប់បាក់តេរីនៅសីតុណ្ហភាព ៦៣-៦៨ អង្សាសេ។ ទោះបីជាភោជនីយដ្ឋានមិនកំដៅទឹកជ្រលក់ដោយផ្ទាល់ ប៉ុន្តែដោយសារតែទឹកជ្រលក់ត្រូវបានបន្ថែម​អំឡុង​ពេលអាំង ដូច្នេះអាចសម្លាប់បាក់តេរីតាមរបៀបនេះ។

ពន្យល់មូលហេតុ​ “ល្បីឈ្មោះ” គឺជាហេតុ​ផលមួយទៀត ដោយសារតែភោជនីយដ្ឋានល្បី ដូច្នេះមានការបញ្ជាទិញច្រើន។ ក្នុងអំឡុងពេលចម្អិនម្ហូបដើម្បីបំពេញតម្រូវការបញ្ជាទិញចំនួនច្រើន ទឹកជ្រលក់ត្រូវបានកម្ចាត់មេរោគ​ជា​ច្រើន​ដង។ នេះជាអ្វីដែលអ្នកមិនអាចធ្វើបានពេលចម្អិនអាហារនៅផ្ទះ។

ត្រង់ចំណុចនេះ មនុស្សជាច្រើននឹងគិតថាហេតុអ្វីមិនកំដៅទឹកជ្រលក់ដោយផ្ទាល់ តែចំណាយពេលដោតចង្កាក់រួច​យក​ទៅ​អាំង? មូលហេតុមិនកម្តៅទឹកជ្រលក់ផ្ទាល់ព្រោះអាចធ្វើឱ្យ​រសជាតិ​​ប្រែប្រួល។

៣. តាមពិតគេមិនប្រើទឹកជ្រលក់ចាស់ទេ

បើតាមការផ្សាយពាណិជ្ជកម្ម ភោជនីយដ្ឋានប្រើទឹកជ្រលក់ក្នុងធុងទឹកជ្រលក់ដូចគ្នា លាយជាមួយទឹកជ្រលក់ដែល​ផលិត​តាំង​ពី ១០០ ឆ្នាំមុន។ ពេលប្រើទឹកជ្រលក់នឹងអស់ ដូច្នេះត្រូវចម្អិនថ្មីដើម្បីបំពេញតម្រូវការ ដែលមាន​ន័យថា​ពីរបីខែម្តងទឹកជ្រលក់មុននឹងអស់។ ដូច្នេះគ្មានរឿងទឹកជ្រលក់ដែលអ្នកញ៉ាំធ្វើពី ១០០ ឆ្នាំមុនឡើយ។

ហេតុអ្វីបានជាត្រូវបន្ថែម? ហេតុអ្វីមិនចម្អិនទឹកជ្រលក់ថ្មី?

គ្រប់យ៉ាងមានអត្ថន័យដោយឡែក។

ទឹកជ្រលក់នេះត្រូវបានធ្វើតាមរូបមន្ត ដោយផ្អែកលើរូបមន្តអាចចម្អិនទឹកជ្រលក់ថ្មី។ ប្រសិនបើបន្ថែមទឹកជ្រលក់ក្នុងឆ្នាំងចាស់ ជាជាងធ្វើថ្មីទាំងស្រុងអាចរក្សាសារធាតុ “umami” (អាថ៌កំបាំងរសជាតិឆ្ងាញ់) ពេលជ្រលក់លើមុខម្ហូប។ ក្រៅពីនេះ ទោះបីជាផ្អែកលើរូបមន្ត និងចម្អិនទឹកជ្រលក់ថ្មី ដោយ​សារ​តែ​សីតុណ្ហភាព និងសំណើមខុសគ្នា ដូច្នេះរសជាតិនឹងប្រែប្រួល មិនអាចរក្សារសជាតិដើម។

អ្នកផលិតស្រាវីស្គីជាច្រើនក៏ប្រើវិធីលាយបញ្ចូលគ្នា ដើម្បីធានាបាននូវរសជាតិជាប់លាប់។ ជាមួយនឹងវិធីនេះរូបមន្ត​ទឹក​ជ្រលក់ត្រូវបានផលិតឡើងដូចគ្នា។

គួរអោយចាប់អារម្មណ៍ណាស់មែនទេ?

កំឡុងពេលសរសេរអត្ថបទនេះ ខ្ញុំតែងតែគិតទៅដល់ម្ហូប Yakitori ឆ្ងាញ់ ហើយមិនអាចទប់អារម្មណ៍ឃ្លានចង់​ហូប។

ពេល​កំពុងហូប Yakitori រីករាយ​ជាមួយ High-ball មួយកែវ ពិតជាល្អណាស់។

Kengo Abe