ភ្លក់ទើបដឹងរបៀប​ញ៉ាំ Mochi បែបថ្មីដែលអ្នកគួរតែសាកល្បង

តើអ្នកធ្លាប់មានឱកាស​ញ៉ាំ Mochi ហើយ​ឬ​នៅ? Mochi ជានំមួយដែលធ្វើឡើងដោយការច្របាច់ម្សៅអង្ករដំណើបទៅជារូបរាង ជាអាហារបម្រុងលំដាប់លេខមួយរបស់ជប៉ុន។ មុនចូលឆ្នាំ ជនជាតិ​ជប៉ុន​នឹងកិនម្សៅធ្វើ​នំ កំឡុង​ពេលចូលឆ្នាំដុតរួចទទួលទាន។ បរិយាកាសចូលឆ្នាំរបស់ប្រជាជនជប៉ុនគឺញ៉ាំ Mochi ខណៈពេលកម្តៅខ្លួនដោយ Kotatsu ។

ទោះជាយ៉ាងណានេះជារឿងថ្ងៃចូលឆ្នាំ ប្រជាជនជប៉ុននឹងគិតផ្សេងចំពោះនំ Mochi នៅខែកុម្ភៈ។ Mochi ដូចជានំដែលមិនអាចខ្វះបានអំឡុងពេលចូលឆ្នាំ បន្ទាប់ពីញ៉ាំច្រើនពេក យ៉ាងយូរដល់ខែកុម្ភៈគ្រប់គ្នានឹងមានអារម្មណ៍ទ្រលាន់ម្ហូបនេះ ប៉ុន្តែ Mochi សល់ច្រើន។

បរិមាណនំ Mochi ដែលនៅសល់ជារៀងរាល់ឆ្នាំ។

ដូច្នេះតើធ្វើយ៉ាងណាចំពោះចំនួន Mochi ទាំងនេះ? ក្នុង​អត្ថបទ​នេះ ចូរស្វែងយល់អំ​ពី​វិធី​ផ្សេងៗ​នៃ​ការ​ញ៉ាំ Mochi ក្រោយ​ចូលឆ្នាំ​ជប៉ុន​ជាមួយ JAPO ។

Mochi ញ៉ាំជាមួយ Miso ផ្អែម

រូបភាព https://cookpad.com/recipe/707469

នំ Mochi ទុកយូររឹង ប៉ុន្តែអ្នកអាចធ្វើឱ្យនំទន់ដោយដុត ឬស្ងោរវាក្នុងឆ្នាំង។ បន្ទាប់ពីដុត Mochi បន្ថែម Miso ផ្អែមពីលើ នេះជារបៀបញ៉ាំ Mochi ម្យ៉ាងដែរ។ អ្នកក៏អាចបន្ថែមស្ករទៅក្នុង Miso ប្រសិនបើចូលចិត្ត។ Miso ផ្អែមមានជាតិប្រៃ ក្លិនឈ្ងុយ រួមជាមួយរសជាតិផ្អែម។ ប្រសិនបើអ្នកចូលចិត្តស៊ុប Miso ខ្ញុំគិតថាអ្នកនឹងចូលចិត្តរបៀបញ៉ាំនេះ។

Mochi ខ្ញី

រូបភាព https://cookpad.com/recipe/5424686

កោសខ្ញី បន្ទាប់មកត្រាំជាមួយ Shoyu និងស្ករ។ ចាក់គ្រឿងផ្សំទាំងនេះលើ Mochi ទាំងដុតក្តៅៗ និងទន់ផង។ ដោយសារតែខ្ញីមានមុខងារកម្តៅរាងកាយ ដូច្នេះញ៉ាំម្ហូបនេះនៅរដូវរងាល្អណាស់។

Mochi Natto

រូបភាព https://cookpad.com/recipe/1014507

ហាន់ Daikon (ឆៃថាវ) ត្រាំជាមួយ Shoyu អោយចូលជាតិ លាយជាមួយ Natto ហើយបន្ទាប់មកដាក់ពីលើ Mochi ដុត។

ម្ហូបនេះមើលទៅមិនសូវទាក់ទាញ ប៉ុន្តែតាមពិតមានរសជាតិឆ្ងាញ់ និងសម្បូរបែប។

ព្រោះតែមាន Daikon ដូច្នេះក្លិនរបស់ Natto ក៏កាត់បន្ថយបន្តិចដែរ។

Mochi កាហ្វេ

រូបភាព https://cookpad.com/recipe/938215

នេះជាការរួមបញ្ចូលគ្នាដែលធ្វើឱ្យមនុស្សជាច្រើនភ្ញាក់ផ្អើល ប៉ុន្តែរបៀបធ្វើងាយៗ។ អ្នកគ្រាន់តែដាក់នំ Mochi ដុត​ចូល​ទៅក្នុងពែងកាហ្វេជាការស្រេច។ ប្រសិនបើអ្នកមិនចូលចិត្តកាហ្វេអាចជំនួសដោយកាកាវ។

មុខម្ហូបនេះអាចធ្វើជាអាហារពេលព្រឹកសម្រាប់អ្នកខ្ជិល ព្រោះអ្នកអាចទទួលទានអាហារពេលព្រឹក និងផឹកកាហ្វេក្នុងពេលតែមួយ។

Mochi សាច់ត្រី (Katsuobushi)

រូបភាព https://cookpad.com/recipe/3610399

ចុងក្រោយជាការរួមបញ្ចូលគ្មានអ្វីប្រៀបបាន ហើយរសជាតិក៏មិនអន់ឡើយ។ Katsuobushi ត្រាំក្នុង Shoyu ចាក់ចូលទៅក្នុងចាន។ ដាក់នំ Mochi ដុតលើចាន បន្ទាប់មករោយ Katsuobushi ពីលើ។

ទោះជាយ៉ាងណាមានរឿងមួយដែលអ្នកត្រូវចាំពេលញ៉ាំម្ហូបនេះ ត្រូវប្រយ័ត្នកុំដកដង្ហើមធំពេក។ ដោយសារដង្ហើម​របស់​អ្នកអាចធ្វើអោយ Katsuobushi ហើរខ្ចាត់ខ្ចាយ។

ប្រសិនបើអ្នកទិញ Mochi ច្រើនពេក ហើយមានអារម្មណ៍ទ្រលាន់ សូមសាកល្បងរបៀបញ៉ាំថ្មីទាំងនេះណា!!!

Kengo Abe