បុរសម្នាក់ត្រូវចាប់ខ្លួនពីបទសរសេរខ្វៀកអក្សរ “Amazon” ពេញទីសក្ការបូជា Shinto

កាលពីថ្ងៃទី ១៥ ខែធ្នូ ឆ្នាំ ២០២១ បរិវេណទីសក្ការបូជា Sakuragi ទីក្រុង Noda ខេត្ត Chiba ត្រូវរំខានដោយបុគ្គលអាថ៌កំបាំង​ម្នាក់។

សរុបចំនួន ១៣ កន្លែងត្រូវជននេះគូរខ្វៀកពីលើ រួមទាំងផ្លាកសញ្ញា និងវិមានថ្ម។ ជនបំផ្លិចបំផ្លាញសរសេរអក្សរខុសៗ​គ្នា ប៉ុន្តែ​ភាគច្រើនគឺពាក្យ “Amazon” ។

សំណាងតាមរយៈកាមេរ៉ាឃ្លាំមើលនៅទីសក្ការបូជា រួមជាមួយនឹងទីបន្ទាល់របស់សាក្សី ប៉ូលីសបានចាប់ខ្លួនជនល្មើស​ឈ្មោះ Rentaro Shimada អាយុ ៣៤ ឆ្នាំ។ បន្ទាប់​ពីត្រូវចោទ​ប្រកាន់គូរខ្វៀកនៅ​ទីសក្ការៈ Shimada បាន​ទទួល​​ស្គាល់សកម្មភាព។ ប៉ុន្តែហេតុអ្វីបានជាគាត់សរសេរពាក្យ “Amazon” ច្រើនបែបនេះ វាបានក្លាយជាចម្ងល់សម្រាប់អ្នកដែលដឹងហេតុការណ៍នេះ។

ខណៈដែលពាក្យ “Amazon” ត្រូវ Rentaro Shimada គូរខ្វៀកជាច្រើនដង គាត់ក៏សរសេរឃ្លាផ្សេងទៀតក្នុងនោះមាន “សារពីប្រេស៊ីល Amazon” ។

តាមរយៈចំណុចខាងលើ​ឃើញ​ថា​បុគ្គល​នេះ​សំដៅព្រៃត្រូពិចនៅ​ប្រេស៊ីល មិន​មែន​ជា​អ្នក​លក់​រាយ Amazon ទេ។

អ្នកប្រើបណ្តាញសង្គមជប៉ុនជាច្រើនក៏បានជជែកវែកញែករកមូលហេតុដែលគាត់សរសេរខ្វៀកពាក្យ Amazon នៅប្រាសាទផងដែរ។

• អ្នកស្រលាញ់ព្រៃអាម៉ាហ្សូន
• ខ្ញុំមិនយល់ទេ ខ្ញុំ​ស្មាន​ថា​គាត់​ធ្វើ​ដើម្បី​តែ​សប្បាយ
• ពេល​ខ្លះ​ខ្ញុំ​ក៏​អរគុណទេវតាដែលបានបង្កើតព្រៃអាម៉ាហ្សូន ប៉ុន្តែខ្ញុំមិនសរសេរវានៅលើប្រាសាទទេ។
• ប្រហែល​ដោយសារ​ប្រាសាទ​នេះហ៊ុមព័ទ្ធទៅ​ដោយ​ដើមឈើ​ច្រើន។
• នេះជាទម្រង់ “Marketing លួចលាក់” ប្រហែលខ្លាចគេភ្លេច Amazon ។

ប៉ូលីសកំពុងស៊ើបអង្កេតថាតើ Shimada មានជាប់ទាក់ទងនឹងករណីទាំង ៥ ផ្សេងទៀតដែលគូរ Amazon នៅប្រាសាទ Atago ទីក្រុង Noda ខេត្ត Chiba ដែរទេ?

ដោយដឹងថាកន្លែងគូរខ្វៀកពាក្យ Amazon នៅប្រាសាទ Atago ប្រមូលផ្តុំលើកន្លែងលាងដៃ Chozuya កន្លែង​ដែល​ភ្ញៀវ​ទេសចរណ៍ធ្វើ​ពិធី​លាង​សម្អាត​ខ្លួន​ប្រាណ ព្រម​ទាំង​លាង​ដៃ និង​ខ្ពុរ​មាត់​មុន​ចូល​ប្រាសាទ។

ការប៉ាន់ប្រមាណតម្លៃលុបអក្សរខ្វៀករបស់ Rentaro Shimada រហូតដល់ ៣០ ម៉ឺនយ៉េន។ ជាពិសេសសរសេរលើឈើ ពិបាក​លុប​ណាស់ គ្រាន់តែអាចកោស ឬប្រើសារធាតុគីមីលុបចេញ។

Japo Cambodia