ចំណាត់ថ្នាក់ប្រភេទបទល្មើសដែលកើតឡើតច្រើននៅជប៉ុន

ថ្ងៃអាទិត្យ 13/02/2022 | 18:32 ល្ងាច

ក្នុងអំឡុងពេលប៉ុន្មានឆ្នាំថ្មីៗនេះ ចំនួនឧក្រិដ្ឋកម្មនៅក្នុងប្រទេសជប៉ុនបានធ្លាក់ចុះ ហើយស្ថានភាពសន្តិសុខនៅប្រទេសនេះមានភាពប្រសើរឡើង។ មូលហេតុមួយចំនួនអាចមកពីសកម្មភាពសង្គមថយចុះ ដោយសារតែការរឹតត្បិតអំឡុងពេលជំងឺរាតត្បាតកូវីដ ១៩ ។

យោងទៅតាមរបាយការណ៍ស្ថានភាពបទល្មើសក្នុងឆ្នាំ ២០២១ ដែលប្រកាសដោយអគ្គស្នងការនគរបាលជាតិ ចំនួនបទល្មើសព្រហ្មទណ្ឌធ្លាក់ចុះ ៧៥% មកសល់ត្រឹម ៥៦៨,១៤៨ ករណី កម្រិតទាបបំផុតក្រោយសង្រ្គាមក្នុងរយៈពេលប្រាំពីរឆ្នាំជាប់ៗគ្នា។

ចំនួនករណីឧក្រិដ្ឋកម្មឈានដល់កម្រិតកំពូល ២,៨៥ លានករណីក្នុងឆ្នាំ ២០០២ ហើយកំពុងថយចុះជាបណ្តើរៗ។ ការផ្ទុះឡើងនៃវីរុសបំប្លែងថ្មីធ្វើឱ្យប្រជាជនកាត់បន្ថយការចេញទៅក្រៅ លទ្ធផលបទល្មើសតាមដងផ្លូវដូចជាចោរកម្មថយចុះគួរឱ្យកត់សម្គាល់ពីឆ្នាំ ២០២០ ដល់ឆ្នាំ ២០២១។

ផ្ទុយទៅវិញចំនួនករណីបោកប្រាស់ដូចជាការឆបោកតាមគណនីធនាគារមានចំនួន ១៤,៤៦១ ករណី កើនឡើង ៦,៧% ធៀបនឹងឆ្នាំមុន។ នេះជាលើកដំបូងហើយដែលចំនួននេះកើនឡើងក្នុងរយៈពេល ៤ ឆ្នាំ។ ក្នុងចំណោមនោះមានករណីឆបោកសងប្រាក់វិញច្រើន ជាក់ស្តែងជនឆបោកទូរស័ព្ទទៅកាន់មនុស្សចាស់ ដោយបញ្ជាក់ថាប្រសិនបើពួកគេផ្ទេរប្រាក់ចូលគណនីនឹងត្រូវទូទាត់សម្រាប់ថ្លៃព្យាបាលវិញ។