ការសាទររបស់អ្នកគាំទ្រចំពោះ Yuzuru Hanyu នៅ​ប្រទេស​ចិន

អត្តពលិកអ្នកជិះស្គីទឹកកក Yuzuru Hanyu ទទួល​បាន​ចំណាត់​ថ្នាក់​លេខ​ ៤ ​ក្នុង​ការ​ប្រកួត​កីឡា​ជិះស្គី​បុរសនៃ​ព្រឹត្តិ​ការណ៍​​កីឡា​​អូឡាំពិក​រដូវរងាទី​ក្រុង​ប៉េកាំង​ឆ្នាំ​នេះ។ ការប្រកួតរបស់គាត់បានទទួលការចាប់អារម្មណ៍យ៉ាងខ្លាំង មិន​ត្រឹម​​តែ​​អ្នកមក​​ពី​​ជប៉ុន​​ប៉ុណ្ណោះ​​ទេ រួមទាំងប្រទេសចិនផងដែរ។

ក្នុងអំឡុងពេលកីឡាអូឡាំពិកទីក្រុងប៉េកាំង ជាមួយ​នឹង​គោល​នយោបាយ​បង្ការ​ការ​រីក​រាល​ដាល​នៃ​ជំងឺ​កូវីដ ១៩ នៅ​ខាង​ក្នុងកន្លែងប្រកួតមិនមានអ្នកទស្សនានោះទេ។ ទោះជាយ៉ាងណាកាលពីថ្ងៃទី ១០ មនុស្សប្រហែល ៥០ នាក់មាន​វត្តមាន​នៅមុខកន្លែងប្រកួតទីក្រុងប៉េកាំង ក្នុងដៃកាន់ក្រដាសដែលមានឈ្មោះ និងរូបគំនូររបស់ Yuzuru Hanyu ទស្សនា​ការប្រកួតរបស់គាត់ដែលកំពុងផ្សាយផ្ទាល់តាមរយៈស្មាតហ្វូន។

រូបភាព Yomiuri

អ្នកយកព័ត៌មាន Yomiuri បាននិយាយថាអ្នកគាំទ្រជាច្រើនដកដង្ហើមធំលាយឡំនឹងសំឡេងសោកស្ដាយ នៅ​ពេល​ដែល Yuzuru Hanyu ដួលបង្វិល ៤,៥ ជុំ ប៉ុន្តែ​គ្រប់គ្នា​ទះ​ដៃ​យ៉ាងខ្លាំងបន្ទាប់ពីគាត់រក្សាលំនឹងឡើងវិញ បង្វែរ​ពី​ចាញ់ទៅឈ្នះ ហើយទទួលបានពិន្ទុ។ បុគ្គលិក​ការិយាល័យ​ស្រី​ពីរ​នាក់​បាន​និយាយ “ទោះ​បី​ជា​គួរ​អោយស្តាយគាត់​មិន​​អាច​​ទទួល​​បាន​​ពិន្ទុ​​បង្វិល ៤,៥ ជុំ​នោះ ប៉ុន្តែខ្ញុំរំភើបយ៉ាងខ្លាំង”  លើកក្រោយខ្ញុំចង់មើលដោយផ្ទាល់។

រូបភាព setn

“ពិតជាស្អាតខ្លាំងណាស់ ខ្ញុំនឹងបន្តគាំទ្រគាត់នៅថ្ងៃអនាគត” ។

នៅកន្លែងប្រកួតក៏មានអ្នកគាំទ្រជប៉ុនផងដែរ។ បច្ចុប្បន្ន Naoe Okamoto ជាគ្រូបង្រៀនភាសាជប៉ុន បានលា​ឈប់​ការ​ងារ​កាលពី ៤ ឆ្នាំមុន ហើយប្តូរទៅរស់នៅប្រទេសចិន ដោយបង្ហាញពីអារម្មណ៍ថា “ខ្ញុំពិតជារំភើបណាស់ដែល​បាន​ចែក​រំលែកភាពអស្ចារ្យរបស់ Yuzuru Hanyu ទៅកាន់អ្នកគាំទ្រជនជាតិចិន” ។

នៅប្រទេសចិន Yuzuru Hanyu ត្រូវបានគេហៅយ៉ាងជិតស្និទ្ធថា Yuzu ។ ទោះបីជាមិនអាចយកឈ្នះចំណាត់ថ្នាក់​ខ្ពស់​ក្នុង​ការ​ប្រកួត ប៉ុន្តែព្រឹត្តិការណ៍កីឡាអូឡាំពិករដូវរងាទីក្រុងប៉េកាំង ឈ្មោះ Yuzuru Hanyu បានក្លាយជាពាក្យ​គន្លឹះ​ស្វែង​រកនៅលើបណ្តាញសង្គមប្រទេសនេះ។

Sacchan