រឿងគំនូរជីវចល Spirited Away បញ្ចូលក្នុងការរចនាមូ៉ដរបស់ Loewe

ថ្ងៃសុក្រ 04/02/2022 | 8:00 ព្រឹក

សម្រាប់អ្នកគាំទ្ររឿង Anime ម៉ាកម៉ូដទាន់សម័យ Loewe កំពុងតែឈានទៅដល់ការរួមបញ្ចូលរវាងពិភពសិល្បៈជប៉ុន និងម៉ូដក្នុងគម្រោងសហការថ្មីជាមួយ Studio Ghiblil ដ៏ល្បីល្បាញ។

ស្ទូឌីយ៉ូគំនូរជីវចលជប៉ុននេះល្បីជាមួយនឹងខ្សែភាពយន្តគំនូរជីវចលបែបស្រមើស្រមៃ ដែលបំពេញការគិតរបស់អ្នកគាំទ្រទូទាំងពិភពលោក។ រឿងរបស់ Ghibli បានក្លាយជាចំណូលចិត្តរបស់មនុស្សជាច្រើនជំនាន់។

កិច្ចសហការលើកដំបូងរបស់ Loewe ជាមួយ Studio Ghibli ដោយខ្សែភាពយន្តល្បី My Neighbor Totoro ។

ចំពោះការសហការជាលើកទីពីរ ការរួមបញ្ចូលទាំងម៉ូដសម្លៀកបំពាក់ និងរបស់របរមួយចំនួនដែលមានតួអង្គក្នុង Spirited Away ដើម្បីអបអរសាទរភាពយន្តមួយក្នុងចំណោមភាពយន្តដែលមានប្រជាប្រិយភាពរបស់ស្ទូឌីយោ។

ខ្សែភាពយន្តនេះចេញផ្សាយក្នុងឆ្នាំ ២០០១ ដោយអ្នកដឹកនាំរឿង Hayao Miyazaki និយាយពីក្មេងស្រីឈ្មោះ Chihiro អាយុ ១០ ឆ្នាំ នៅពេលដែលនាងវង្វេងក្នុងពិភពទេវតា និងព្រលឹងវិញ្ញាណ។ ភាពយន្តនេះធ្វើអោយអ្នកគាំទ្រចូលចិត្ត ហើយបានឈ្នះរង្វាន់ជាច្រើន រួមទាំងរង្វាន់ Academy Awards សម្រាប់រង្វាន់ភាពយន្តគំនូរជីវចលល្អមើលបំផុតនៅក្នុងពិធីប្រគល់រង្វាន់ Oscar លើកទី ៧៥ ។

ជាការរួមបញ្ចូលរូបភាពតួអង្គក្នុងរឿងនៅលើផលិតកម្មរបស់ Loewe ។ ដូចជាកាបូប hammock bag និងស្បែកជើងស្បែក Kaonashi ឬ Ōtori-Sama ។

ចំណុចលេចធ្លោគឺស្រោមខ្នើយ Chihiro ខ្នាតធំដែលអាចប្រើសម្រាប់តុបតែងងផ្ទះរបស់អ្នកគាំទ្រ។ ភាពទាក់ទាញរបស់ផលិតផលនេះមកពីលក្ខណៈល្អប្រណិត ដូចជាថ្នេរដេរយ៉ាងពិសេសរបស់ Chihiro រហូតដល់ការលាយបញ្ចូលគ្នារវាងសាច់ក្រណាត់។