“ផ្លិតដែក” ជាអាវុធដ៏សំខាន់របស់សាមូរ៉ៃប្រើសម្រាប់វាយប្រហារ និងការពារខ្លួន

ពេលក្រឡេកមើលទៅផ្លិតដែក (Tessen) របស់សាមូរ៉ៃគ្មានអ្វីអស្ចារ្យនោះទេ ប៉ុន្តែនោះក៏ព្រោះតែអ្នកមិន​ទាន់​បាន​​ឃើញ​​ពី​សមត្ថភាព​​របស់​​វា។

សំបកក្រៅ Tessen មើលទៅដូចជាគ្រឿងលម្អដែលប្រើជាមួយសម្លៀកបំពាក់។ ប៉ុន្តែនៅពេលដែលសាមូរ៉ៃស្ថិតក្នុងស្ថានភាពគ្រោះថ្នាក់ វានឹងក្លាយជាអាវុធវាយប្រហារ និងការពារខ្លួន។

វត្ថុដែលមិនបង្កគ្រោះថ្នាក់

នៅប្រទេសជប៉ុនសាមូរ៉ៃជា​វណ្ណៈ​ខ្ពស់ ដោយ​បម្រើ​តែ Shogun (មេទ័ព) និង Daimyo (ស្តេចក្រាញ់) ប៉ុណ្ណោះ។ ពួកគេមានសិទ្ធិប្រើអាវុធគ្រប់ប្រភេទ ដែលភាគច្រើនជាដាវ រួមទាំងដាវវែង និងដាវពីរ។

ក្រៅពីដាវ សាមូរ៉ៃជប៉ុនក៏ស្ទាត់ជំនាញនឹងអាវុធជាច្រើនទៀតផងដែរ។

ក្នុងនាមជាអ្នកក្រោមបង្គាប់របស់ Shogun និង Daimyo ត្រូវគោរពតាមបទបញ្ញត្តិជាច្រើន។ ពួកគេមិន​ត្រូវ​​អនុញ្ញាតឲ្យ​កាន់​ដាវ​ពេលទៅជួបម្ចាស់ឡើយ។ លើសពីនេះសម័យសក្តិភូមិជប៉ុនក៏ហាមឃាត់មិនឲ្យកាន់អាវុធនៅកន្លែងមួយចំនួន និងពិធីបុណ្យផងដែរ។

សាមូរ៉ៃស្លាប់ រស់ដើម្បីម្ចាស់របស់ខ្លួន បើគ្មានអាវុធនៅក្បែរខ្លួន ពួកគេមិនអាចធានាសុវត្ថិភាពបុគ្គលដែលខ្លួនការ​ពារ​នោះទេ។ រវាងគោលការណ៍ និងកាតព្វកិច្ច ពួកគេបានរកឃើញដំណោះស្រាយដែលមិននឹកស្មានដល់គឺ Sensu (ផ្លិតឈើ) ។

Sensu ជាផ្លិតបត់ដែលធ្វើពីដើមស្រល់ ។ ជនជាតិជប៉ុនបង្កើតផ្លិតឈើបត់នៅសតវត្សទី ៦ ដែលដើមឡើយសម្រាប់​​តែ Bakufu ប៉ុណ្ណោះ។

ដំបូងផ្លិតបត់ជប៉ុនធ្វើពីដើមស្រល់។

យូរៗទៅផ្លិតបត់បានក្លាយទៅជាវត្ថុពេញនិយមនៅសម័យសក្តិភូមិជប៉ុន ជារបស់សំខាន់ពេញនិយមទាំងបុរស និងស្ត្រី។ នៅកន្លែងសាធារណៈ ពួកគេប្រើផ្លិតបត់សម្រាប់បិទបាំងកាយវិការ និងអាកប្បកិរិយាដែលមិនគួរសម ដូចជា ក្អក កណ្តាស់ ជាដើម។

ចំពោះសាមូរ៉ៃ ផ្លិតបត់ជាវត្ថុតុបតែងក្នុងការវាយតម្លៃចលនា។ ផ្លិតបត់ក៏សំខាន់ដូចជាដាវ ជាពិសេសមិនអាច​ខ្វះ​បាន​នៅ​ពេលចូលរួមកម្មវិធីសំខាន់ៗ ឬជួបម្ចាស់នោះទេ។

ថ្វីត្បិតតែ ផ្លិតបត់ស្រាល និងមិនបង្កគ្រោះថ្នាក់ ប៉ុន្តែបើប្តូរវត្ថុធាតុដើមផលិតផ្លិតទៅជាលោហៈដូចជាដែក គឺខុសគ្នាទាំងស្រុង។ ក្រៅពីមុខងារការពារដែលស្មើ​នឹង​ខែល ផ្លិតថែមទាំងធ្ងន់ និង​រឹង​មាំ ស័ក្តិសមសម្រាប់វាយប្រហារសត្រូវ។

ផ្លិតដែកដែលផ្តើមចេញពីផ្លិតឈើរបស់សាមូរ៉ៃ។

អាវុធក្លែងបន្លំ

គោលការណ៍ក្បាច់គុនរបស់សាមូរ៉ៃគឺត្រូវពាក់ផ្លិតបត់ជាប់ខ្លួន បទបញ្ញត្តិនេះមិនកំណត់វត្ថុធាតុផលិតផ្លិតទេ។ ដោយ​ផ្អែក​លើចំណុចនេះសាមូរ៉ៃបំប្លែងផ្លិត​ឈើ​ទៅ​ជា​ផ្លិតដែកដែលគេហៅថា Tessen (ផ្លិតដែក ឬផ្លិតប្រយុទ្ធ) ។

សំបកក្រៅផ្លិតប្រយុទ្ធស្រដៀងនឹងផ្លិតបត់ធម្មតាដែរ ជាទូទៅសាមូរ៉ៃយកផ្លិតប្រយុទ្ធតាមក្នុងគោលបំណងរួម។

មានតែកន្លែងដែលមិនអនុញ្ញាតឲ្យប្រើដាវពីរ ទើបសាមូរ៉ៃអាចបង្ហាញពីលក្ខណៈពិសេសរបស់ផ្លិតដែក។ ពេលប្រើផ្លិតដែកវានឹងក្លាយទៅជាខែលដ៏រឹងមាំការពារការវាយប្រហារ រីឯពេលបិទផ្លិតវាប្រៀបដូចជាដំបងខ្លីដែលពោរពេញទៅដោយកម្លាំង ថែមទាំងអាចឆក់យកជីវិតសត្រូវទៀតផង។

ផ្លិតប្រយុទ្ធបង្ហាញពីចលនារបស់សាមូរ៉ៃភ្ជាប់ទៅនឹងដៃ។

មិនត្រឹម​តែប៉ុណ្ណឹង សាមូរ៉ៃថែមទាំងរួមបញ្ចូលផ្លិតប្រយុទ្ធជាមួយនឹងដាវពីរ និងប្រភេទអាវុធជិតផ្សេងទៀត។ ពួក​គេ​បាន​បង្កើត​ក្បាច់គុនថ្មីដែលមាន​ឈ្មោះ​ថា Tessen-jutsu (ក្បាច់គុនផ្លិត) ប្រើលក្ខណៈពិសេសរបស់ផ្លិតយ៉ាងប៉ិនប្រសប់​ក្នុង​ការ​ប្រយុទ្ធ និងនៅលើសមរភូមិ។

នៅក្នុងរឿងព្រេងជប៉ុនតំណាលនិយាយពី “ភ្ញៀវផ្លិត” Ganryu មួយរូប។ Tessen-jutsu អស្ចារ្យរហូតដល់ថ្នាក់ ត្រឹម​តែ​មាន​ផ្លិត​មួយ​ក្នុង​ដៃ គាត់មិនចាញ់សត្រូវ ឬអាវុធណាមួយឡើយ។

ផ្លិតប្រយុទ្ធអាចការពារផង ប្រយុទ្ធផង ហើយអាចរួមបញ្ចូលជាមួយអាវុធជិតគ្រប់ប្រភេទ។

ក្នុង​សៀវភៅ​ប្រវត្តិសាស្ត្រ​ដែល​បាន​កត់ត្រា​អំពីលោកមេទ័ពដែលប្រើផ្លិតយ៉ាងជំនាញបំផុតគឺ Tokugawa Ieyasu (១៥៤៣-១៦១៦) ។ គាត់តែង​តែ​រក្សា​ទុកផ្លិតប្រយុទ្ធខ្នាតធំនៅជាប់នឹងខ្លួន ដែលបង្ហាញពីភាពអស្ចារ្យ។ គ្រាន់តែឃើញ Tokugawa Ieyasu បង្ហាញខ្លួនជាមួយនឹងផ្លិតប្រយុទ្ធ មេទ័ពសត្រូវនឹងស្លុតចិត្ត។

ពង្រីក និងបន្តរក្សា

ថ្វីត្បិតមានដំបូងគេ ប៉ុន្តែក្បាច់គុនផ្លិតមិនអាចបង្កើតសាលាគុនដោយឡែកនោះទេ។ ទោះជាយ៉ាងណានោះគឺជាសិល្បៈក្បាច់គុនដ៏សំខាន់មួយ ដែលមានវត្តមានក្នុងសាលាគុនបុរាណជប៉ុន

សម្រាប់សាមូរ៉ៃ និង Chonin (ភ្ញៀវ) ក្បាច់គុនផ្លិតជាជំនាញដែលត្រូវតែមាន។ ភាគច្រើនពួកគេប្រើផ្លិតប្រយុទ្ធជា​ខែល​ការ​ពារ​យ៉ាង​​ជំនាញ គួបផ្សំនឹងក្បាច់ដាវ។

ចំពោះសាមូរ៉ៃក្បាច់គុនផ្លិតជាជំនាញដែលត្រូវតែមាន។

ស្តេចក្រាញ់ជប៉ុនក៏ចូលចិត្តផ្លិតដែកណាស់ដែរ ពួកគេច្រើនតែប្រើផ្លិតប្រយុទ្ធដែលមានទំហំធំ ធ្វើពីដែក ឬឈើរឹង ដើម្បីបង្ហាញពីភាពអស្ចារ្យរបស់ខ្លួន។

នៅលើសមរភូមិ ផ្លិតប្រយុទ្ធដើរតួនាទីជាបញ្ជា មេទ័ពជប៉ុនម្នាក់ៗសុទ្ធតែមានផ្លិតបញ្ជារៀងខ្លួន។ ពួក​គេចេញ​បញ្ជា​​ដល់​​ទា​ហាន​​តាម​​រយៈ​ផ្លិត ប្រើឱ្យអស់ពីលទ្ធភាពពេលប្រឈមមុខនឹងសត្រូវ។

នៅក្នុងប្រវត្តិ​សា​ស្រ្តទាំងមូល ជប៉ុននៅតែរក្សាក្បាច់គុនផ្លិត។ សូម្បី​តែ​ពេល​ដែល Bakufu ដួលរលំ ហើយសាមូរ៉ៃលែង​​មាន​ទៀត ក្បាច់គុនផ្លិតនៅតែបន្ត។

ឥឡូវនេះវាជាផ្នែកមួយនៃសិល្បៈក្បាច់គុនបុរាណ ដែលបង្រៀននៅសាលាក្បាច់គុនមួយចំនួនដូចជា Echigo-ryu, Miyake-Shingan-ryu, Uesugi-ryu …

AD