ក្រុមហ៊ុនជប៉ុនដាក់លក់ខោទ្រនាប់ស្បៃសម្រាប់បុរសរកចំណូលលើសការរំពឹងទុក

ថ្ងៃព្រហស្បតិ៍ 03/02/2022 | 7:00 ព្រឹក

ក្រុមហ៊ុនផលិតខោអាវទ្រនាប់ជប៉ុន Wacoal ថ្មីៗនេះបានដាក់បង្ហាញម៉ូដខោទ្រនាប់ boxer សាច់ក្រណាត់ស្បៃសម្រាប់បុរស ដែលត្រូវគេចាត់ទុកថាស្អាតហើយស្រួលស្លៀក។

ខោទ្រនាប់សាច់ក្រណាត់ស្បៃស្តាប់ទៅដូចជាពេញនិយមសម្រាប់តែស្រ្តី ប៉ុន្តែក្រុមហ៊ុនខោអាវទ្រនាប់ដ៏ល្បីឈ្មោះ Wacoal របស់ជប៉ុនបែរជាផលិតដោយឡែកសម្រាប់បុរស។

កាលពីខែវិច្ឆិកាឆ្នាំមុន Wacoal បានសាកល្បងដាក់ចេញប្រភេទខោទ្រនាប់ Lace Boxer សម្រាប់បុរសនៅលើមូលដ្ឋានមូលនិធិសហគមន៍ Makuake របស់ជប៉ុន។

ក្រុមហ៊ុនទទួលបានជោគជ័យដំបូងនៅពេលដែលខោទ្រនាប់បុរសកើនលើសពីគោលដៅមូលនិធិ (ត្រឹម ៣០ ម៉ឺនយ៉េន) ដោយ ១,០៩០% ទទួលបានប្រហែល ៣,២៧ លានយ៉េនក្នុងការសន្យា។

មិនយូរប៉ុន្មាន ខោទ្រនាប់ Lace Boxer ត្រូវបានដាក់ក្នុងខ្សែសង្វាក់ផលិតកម្ម ឥឡូវនេះ Wacoal ផ្តល់ជូនផលិតផល ៧ ពណ៌ខុសគ្នា។

ដើម្បីកែតម្រូវសាច់ក្រណាត់ស្បៃស្តើងធ្វើយ៉ាងណាឱ្យសមនឹងអតិថិជនប្រុស Wacoal បានកែប្រែប្រភេទក្រណាត់ ធ្វើឱ្យក្រណាត់រឹង និងបង្កើនការបត់បែន ថ្វីត្បិតតែមើលមិនដឹង។ ប្រភេទខោទ្រនាប់នេះត្រូវគេចាត់ទុកថាមានភាពធន់ដូចនឹងខោខ្លីបុរសធម្មតារបស់ Wacoal ដែរ។