ទៅធ្វើការបានពីរថ្ងៃត្រូវថ្នាក់លើបណ្តេញ “បញ្ហាបញ្ឈប់បុគ្គលិកអំឡុងពេលសាកល្បងការងារ”

ស្ថានភាពកម្មករត្រូវបញ្ឈប់ពីការងារក្នុងរយៈពេលខ្លីនៅ​តែ​បន្តកើតឡើង។ ការទទួលស្គាល់អត្ថប្រយោជន៍សម្រាប់អ្នកប្រើកម្មករក្នុង​ករណីត្រូវ​បណ្ដេញ​ចេញ​អំឡុងពេល​សាកល្បងការងារ។ នៅក្នុងច្បាប់ក៏មានបទប្បញ្ញត្តិអំណោយ​ផល​ដល់​និយោជក ទោះបីទើបតែសាកល្បងការងារ ប៉ុន្តែរដ្ឋមិនអនុញ្ញាត​ឱ្យ​បណ្តេញ​បុគ្គលិក​ដោយគ្មានមូលហេតុទេ។ ទោះជាយ៉ាងណាគ្រាន់តែជាទ្រឹស្តីប៉ុណ្ណោះ។

អ្នកជំនាញខាងការងារកំពុងស្នើឱ្យនិយោជកគិតឡើងវិញអំពីទំនួលខុសត្រូវការងាររបស់ពួកគេ។

ស្ត្រីម្នាក់អាយុ ៦៦ ឆ្នាំ មកពី Fukuoka ភ្ញាក់ផ្អើលចំពោះពាក្យសម្តីរបស់ថ្នាក់លើ។ គាត់ត្រូវគេជ្រើសរើសឱ្យចូលធ្វើតាំងពីខែតុលាឆ្នាំមុន ហើយទទួលបានសេចក្តីជូនដំណឹងនេះនៅថ្ងៃធ្វើការទីពីរ។ កន្លែងដែលគាត់ធ្វើការជាក្រុមហ៊ុនសម្អាត មូលហេតុ​រឿងនេះព្រោះស្ត្រីរូបនេះលាក់បាំងព័ត៌មានមិនអំណោយ​ផលរបស់​ខ្លួនអំឡុងពេលសម្ភាសន៍។

ទោះជាយ៉ាង​ណា​ស្ត្រី​រូប​នេះ​​និយាយ​ថា “ក្នុង​ពេល​សម្ភាសន៍ ខ្ញុំ​បាន​និយាយ ​និងទំនាក់ទំនងយ៉ាងច្បាស់ហើយ” ។ បន្ទាប់​ពីទទួលបានការណែនាំពីគ្រួសារ ចាប់ពីខែវិច្ឆិកា គាត់ត្រូវបានផ្ទេរទៅធ្វើការសាកល្បងនៅកន្លែង​ផ្សេងទៀត។ ប៉ុន្តែ​លើក​នេះ​បាន​ប្រហែល​កន្លះ​ខែ គាត់ត្រូវប្រាប់​ឱ្យ​ឈប់​ពី​ការងារ​រហូត​ដល់​ចុងខែ។ មូល​ហេតុ​​ដែលបាន​លើក​ឡើង​ដោយ​សារ​តែ​កម្លាំង​កាយ ជាក់ស្តែងបញ្ជាក់ថាគាត់បង្កការរាំងស្ទះពេលដឹកជញ្ជូនអីវ៉ាន់។

ស្ត្រី​នោះ​បាន​និយាយ​ថា​គាត់​ខំ​ប្រឹង​ធ្វើ​ការ ពេលធ្វើការថ្នាក់លើមិនបានត្រួតពិនិត្យ ហើយមិនធ្លាប់ត្រូវគេ​ឃើញថា​ធ្វើ​ពុត​ជា​ធ្វើ​ការ​នោះទេ។

រូបភាព Yahoo News

“ហេតុ​អ្វីដូច្នេះ?”

ប្រាក់សោធនប្រចាំខែរបស់គាត់គឺ ៣ ម៉ឺនយ៉េន។ “ខ្ញុំអាយុច្រើន និងមិនមានការងារ។ ទោះ​បី​ជា​ខ្ញុំ​នៅ​តែ​ចង់​ធ្វើ​ការ​​ងារ​សម្អាត” ។ គាត់បន្ត​ស្វែងរក​ការងារ​ធ្វើ និងរស់នៅដោយពឹងលើប្រាក់ឧបត្ថម្ភបាត់បង់ការងារ។

នៅឆ្នាំ ១៩៧៣ តុលាការកំពូលជប៉ុន​បាន​ចេញ​សេចក្តី​សម្រេច​ទាក់ទងនឹងការបណ្តេញបុគ្គលិក​ដែលស្ថិតក្នុងអំឡុង​ពេលសាកល្បងការងារ ដោយទទួលស្គាល់សិទ្ធិសម្រេចរបស់អ្នកប្រើកម្មករ បើប្រៀបនឹងបន្ទាប់ពីត្រូវបាន​ជ្រើស​រើស​ជា​ផ្លូវការ។ ក្នុងអំឡុងពេលសាកល្បង ភាគីក្រុមហ៊ុនមាន​សិទ្ធិ​លុប​ចោល​កិច្ចសន្យាការងារ ហើយមាន​សិទ្ធិ​ធ្វើការសម្រេចចិត្តជួល ឬមិនអាស្រ័យលើសមត្ថភាពរបស់និយោជិត។

ក្នុង​ច្បាប់​ស្តង់ដារ​ការងារ​ក៏​មាន​បទប្បញ្ញត្តិ​ជា​ច្រើនបកស្រាយមានប្រយោជន៍ដល់អ្នកប្រើកម្មករ។ ភាគីនិយោជកមានកាតព្វកិច្ចជូនដំណឹងដល់និយោជិតយ៉ាងហោចណាស់ ៣០ ថ្ងៃមុន ក្នុងករណីបញ្ឈប់ការងារ បើមិនដូច្នោះពួក​គេ​ត្រូវផ្តល់ប្រាក់ឧបត្ថម្ភដែលហៅថា “ប្រាក់ឧបត្ថម្ភបណ្តេញចេញ” ។ ប៉ុន្តែប្រសិនបើនិយោជិតកំពុងនៅក្នុងការ​សាក​ល្បង​រយៈ​ពេល ១៤ ថ្ងៃ មិនចាំបាច់ជូនដំណឹង ឬប្រាក់ឧបត្ថម្ភនោះទេ។

ផ្ទុយទៅវិញសំណុំរឿង​របស់​តុលាការ​កំពូល​ក៏ដូចជាច្បាប់​កិច្ចសន្យា​ការងារ​ដែលទុកជាមោឃៈការបណ្តេញចេញដោយ​គ្មាន​ហេតុ​ផល​ត្រឹម​ត្រូវ។ ទោះជាយ៉ាងណាស្ថានភាពបណ្តេញនិយោជិតក្នុងអំឡុងពេលសាកល្បងដោយមិន​សម​ហេតុ​ផល​នៅតែកើតមានច្រើន។ មូលហេតុមកពីអាជីវកម្មត្រូវបង្ខំឱ្យបង្កើនផលិតភាព និងប្រសិទ្ធភាព ពួក​គេ​មិន​អាច​ចំណាយ​ពេល​គ្រប់គ្រាន់ក្នុងការបណ្តុះបណ្តាលបុគ្គលិក។

ចំពោះករណីបុគ្គលិកស្រីរូបនេះ រហូតដល់ថ្ងៃទី ១៥ ចាប់ពីពេលសាកល្បងការងារ គាត់​បាន​ទទួល​ប្រាក់​ឧបត្ថម្ភ។ មន្ត្រី​​សហជីព​​កម្មករ​ផ្តល់​យោបល់​លើ​ករណី​នេះ​ថា​ “មិន​មែន​ជាបញ្ហាផ្តល់ប្រាក់ឧបត្ថម្ភឬអត់នោះទេ។ ប្រសិន​បើ​ជួល​បុគ្គលិក​ត្រូវ​មាន​ទំនួលខុសត្រូវ។ មិន​អាច​មិន​អើពើ​នឹង​ការ​ប្រើរួចបោះ​បង់​ចោល​ឡើយ” ។

យោងតាមក្រសួងសុខាភិបាល ការងារ និងសុខុមាលភាព ចំនួននិយោជិតដែលត្រូវបញ្ឈប់ពីការងារក្នុងឆ្នាំ ២០២០ មានប្រមាណ ២៣៧,៩០០ ករណី មិនមានចំនួនសរុបកំណត់រយៈពេលសាកល្បងទេ។ ដោយផ្អែកលើចំនួនពាក្យបណ្តឹងដែលដាក់ដោយនិយោជិតពីឆ្នាំ ២០១៦-២០២០ ចំនួនករណីដែលរដ្ឋាភិបាលវិនិច្ឆ័យថារំលោភ​លើ​បទ​ប្បញ្ញត្តិ​ស្តីពីការជូនដំណឹងបណ្តេញចេញ និងឧបត្ថម្ភប្រមាណ ១០៧-១៣៨ ករណីក្នុងមួយឆ្នាំ។ ហាក់ដូចជាចំនួនកម្មករ​បាត់បង់ការងារដោយគ្មានហេតុផលកាន់តែច្រើនឡើងៗ ហើយមិនមានជម្រើសអ្វីក្រៅទ្រាំនោះទេ។

មេធាវី Yuki Nishino ឯកទេសខាងបញ្ហាការងារ (ទីក្រុង Fukuoka) ផ្តល់យោបល់លើការបញ្ឈប់ការងារក្នុងរយៈពេលខ្លីប៉ុន្មានឆ្នាំថ្មីៗនេះ ក្នុងបរិបទទីផ្សារកាន់តែអំណោយផលសម្រាប់អ្នកទិញ និយោជកមានទំនោរគិតថា “គ្រាន់តែផ្តល់ប្រាក់ឧបត្ថម្ភជាការស្រេច” ។

“សំណួរ​គឺ​ថា​តើ​ការ​បណ្តេញ​ចេញ​មាន​ភាព​ត្រឹមត្រូវ​ឬ​អត់។ ឧបមាតុលាការកំណត់ថាការទទួលខុសត្រូវស្ថិតលើនិយោ​ជក ហើយទុកជាមោឃៈសេចក្តីសម្រេចបណ្តេញចេញ យោងតាមក្រមរដ្ឋប្បវេណីនិយោជកមានកាតព្វកិច្ចបើកប្រាក់​ឈ្នួលដល់កម្មករទាំងពេលពួកគេមិនអាចធ្វើការ។ យើងគួរតែបញ្ជាក់អំពីទំនួលខុសពេលជ្រើសរើសបុគ្គលិក ចាប់​ផ្តើម​ដោយ​ហានិភ័យ​បែប​នេះ” ។ (ដកស្រង់ពាក្យសម្តីរបស់ Yuki Nishino កែសម្រួលដោយសមាជិកក្រុម Yahoo News) ។

*** បទប្បញ្ញត្តិស្តីពីរយៈពេលសាកល្បងការងារ

រយៈពេលសាកល្បងផ្អែកលើសមត្ថភាពការងារ និងកត្តាផ្សេងៗទៀតរបស់បុគ្គលិក មិនមានច្បាប់កំណត់ពេលវេលា​ជាក់លាក់ទេ។ ជាទូទៅពី ៣ ទៅ ៦ ខែ ប៉ុន្តែ​បើ​យូរ​ពេកនឹង​មិន​ត្រូវ​បាន​​ក្រម​រដ្ឋប្បវេណីទទួល​ស្គាល់ទេ។ លក្ខខណ្ឌ​បញ្ឈប់បុគ្គលិកក្នុងអំឡុងពេលនេះភាគច្រើនមានជម្ងឺឬរបួសរហូតដល់មិនអាចជាសះស្បើយបាន អាកប្បកិរិយា​ការ​ងារ​មិន​ល្អ អត្តសញ្ញាណក្លែងក្លាយ អសមត្ថភាព។ល។ ប្រើក្នុងស្ថានភាពសមហេតុ​ផលប៉ុណ្ណោះ។

Sacchan

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: