វិនិយោគលើភាគហ៊ុន អចលនទ្រព្យ ឬមាស? ទេ វិនិយោគលើ LEGO ដើម្បីទទួលបានប្រាក់ចំណូលខ្ពស់

យើងត្រូវដឹងពីរបៀបការពារខ្លួន ស្រដៀងគ្នាដែរប្រាក់របស់ខ្លួនត្រូវចេះទុកដាក់ ដូច្នេះហើយក្នុង​បរិបទសេដ្ឋកិច្ច​​ជប៉ុន​ធ្លាក់​ចុះ ការវិនិយោគលើភាគហ៊ុន ឬអចលនទ្រព្យមានគ្រោះថ្នាក់ខ្លាំងណាស់។

តើ​មាន​ទម្រង់​វិនិយោគ​ណាដែលចំណេញ និងសុវត្ថិភាពដែរទេ?

នេះជាទម្រង់វិនិយោគដែលទាក់ទាញការចាប់អារម្មណ៍នាពេលថ្មីៗនេះ។

រូបភាព https://gigazine.net/news/20220122-lego-investment-stocks/

នេះគឺជាហ្គេមដែលផ្សារភ្ជាប់នឹងវ័យកុមារភាពរបស់កុមារជាច្រើនដែលគ្រប់គ្នាស្គាល់ថា LEGO ។

តើអ្នកមានការភ្ញាក់ផ្អើលពេលដឹងថា LEGO អាចផ្តល់ប្រាក់ចំណូលខ្ពស់ជាងការវិនិយោគទូទៅដូចជាអចលនទ្រព្យ ឬភាគហ៊ុនដែរទេ?

បច្ចុប្បន្ននេះការស្រាវជ្រាវស៊ីជម្រៅកំពុងត្រូវបានអនុវត្ត ហើយគេរាយបញ្ជី LEGO ចំនួន ២៣២២ ឈុតត្រូវបានលក់​ចេញនៅចន្លោះឆ្នាំ ១៩៨៧ និង ២០១៥ ។ បើប្រៀបទៅនឹងតម្លៃនៅពេលនោះ និង​តម្លៃ​ដេញ​ថ្លៃ​ផលិតផល​ដែល​​មិនទាន់បើក​ប្រអប់ អត្រាការប្រាក់ប្រចាំឆ្នាំគឺ -៦០%~+៦០០% និងអត្រាការប្រាក់ប្រចាំឆ្នាំជាមធ្យមគឺ ១១% ។ មិន​មែន​ទាំងអស់សុទ្ធតែនាំមកនូវផលចំណេញច្រើននោះទេ ប៉ុន្តែជាទូទៅប្រាក់ចំណេញខ្ពស់ ជាពិសេស LEGO ដែលមានទំនាក់ទំនងជាមួយខ្សែភាពយន្ត និងតួអង្គរួមបញ្ចូលគ្នា។

The Millennium Falcon ដែលជាឈុតផលិតផលធំរបស់ Star Wars មានតម្លៃ ៤ ម៉ឺនយ៉េនអំឡុងពេលដាក់លក់នៅឆ្នាំ ២០០៧ ។ ក្នុងអំឡុងពេលដេញថ្លៃនៅឆ្នាំ ២០១៤ តម្លៃផលិតផលឡើងដល់ ១,៥១ លានយ៉េន ត្រឹម​រយៈពេល ៧ ឆ្នាំកន្លងផុតប៉ុណ្ណោះ។

ចំណុចសំខាន់បំផុតគឺថាផលិតផលមិនទាន់បើកប្រអប់ ប្រសិនបើផលិតផលត្រូវបានបើករួចហើយនោះជាមធ្យម​គឺ -២៥% ។

ហេតុអ្វីជា LEGO មានហេតុផលដូចខាងក្រោម

• មិនមានកាលបរិច្ឆេទកំណត់។
• ពេញនិយមទូទាំងពិភពលោក (មិន​ប្រាកដ​ថា​នៅ​ទី​ណាលើពិភពលោកតម្លៃ​នឹង​ខ្ពស់ ហើយមាន​មនុស្ស​ជា​ច្រើន​ចង់​ដេញ​ថ្លៃ) ។
• មិនខូចខាត (ចំពោះផលិតផលដែលមិនទាន់បើកប្រអប់ ស្ទើរតែគ្មានករណីទំនិញនៅខាងក្នុងខូចខាត) ។

បញ្ហាតែមួយគត់គឺថាការប្រែប្រួលតម្លៃកើតឡើងបន្ទាប់ពីផលិតយ៉ាងហោចណាស់ ៣ ឆ្នាំ ដូច្នេះអ្នកត្រូវកំណត់​គោល​ដៅវិនិយោគ​រយៈ​ពេល​វែង។ ក្រៅ​ពី​នេះពេលលក់ចេញ អ្នក​ត្រូវ​ដាក់​លក់ដេញ​ថ្លៃ​ផលិតផលដោយ​ខ្លួន​ឯង។

ជាពិសេសការដេញថ្លៃនៅបរទេសដូចជាសហរដ្ឋអាមេរិកអាចនឹងទទួលបានតម្លៃខ្ពស់ ប្រសិនបើអ្នកសម្រេចដេញថ្លៃនៅលើទីផ្សារនេះត្រូវរួមបញ្ចូលការដឹកជញ្ជូន។

សូមគិតមើល គ្រាន់​តែ​រក្សា​ទុក​ផលិតផលប៉ុណ្ណោះ អ្នកអាចលក់បានក្នុងតម្លៃខ្ពស់ជាង ពិតជាល្អណាស់មែនទេ?

ឥឡូវនេះចូរក្រឡេកមើល LEGO នៅហាងលក់ប្រដាប់ប្រដាក្មេងលេងដូចជាមធ្យោបាយរកប្រាក់។ តើអ្នកចង់ស្វែង​រក​ឈុត​ដែល​មាន​កំណត់ ហើយ​សាក​ល្បង​នឹង​ទម្រង់​វិនិយោគ​នេះដែរទេ?

Kengo Abe