នៅថ្ងៃណាមួយសង្ឃឹមថា “មនុស្សយន្តតូច” អាចព្យាបាលឆ្អឹងបាក់ក្នុងរាងកាយមនុស្ស

ឆ្អឹងបាក់មានលក្ខណៈស្មុគស្មាញពិបាកក្នុងការព្យាបាល ជួនកាលត្រូវយកឆ្អឹងដែលខូចចេញ ហើយជំនួសដោយឆ្អឹង​យក​ពី​កន្លែងផ្សេងទៀតក្នុងរាងកាយ។ ដោយផ្អែកលើការពិសោធន៍ចំពោះសម្ភារៈថ្មីមួយនាពេលថ្មីៗនេះ នៅថ្ងៃណា​មួយ មនុស្ស​យន្តតូចដែលបង្កើតឆ្អឹងអាចនាំមកនូវដំណោះស្រាយល្អជាងនេះ។

បច្ចេកវិទ្យាថ្មីនេះត្រូវបានបង្កើតឡើងដោយក្រុមអ្នកវិទ្យាសាស្ត្រនៅសាកលវិទ្យាល័យ Linköping (ស៊ុយអែត) និងសាកលវិទ្យាល័យ Okayama (ប្រទេសជប៉ុន) ត្រូវបានបំផុសគំនិតដោយចន្លោះរវាងឆ្អឹងលលាដ៍ក្បាលទារក ដំណើរការ​ទន់ និងអាចបត់បែនបាន បន្ទាប់មករឹងទៅជាឆ្អឹង។

សម្ភារៈថ្មីនេះមានទម្រង់ជាបន្ទះស្តើង hydrogel alginate (មានប្រភពមកពីសារាយ) ។ ផ្ទៃម្ខាង Gel ត្រូវបានគ្របដណ្ដប់ដោយ polymer សកម្មភាពអេឡិចត្រូគីមីដែលគេហៅថា polypyrrole (PPy) ខណៈដែលផ្នែកម្ខាងទៀតផ្ទុក Biomolecule គេហៅថាបំណែក nano ភ្នាស plasma ដែលមកពីកោសិកា (PMNFs) ។

នៅពេលដែលចរន្តវ៉ុលទាបត្រូវបានដាក់បញ្ចូលសម្ភារៈ PPy ប្រតិកម្មដោយការបង្កើនបរិមាណ។ ព្រោះតែ polymer ស្ថិតនៅផ្នែកម្ខាងបន្ទះ ប្រតិកម្ម​នេះ​ធ្វើ​ឱ្យ​បន្ទះសម្ភារៈពត់ទៅម្ខាង។ ដោយកាត់សម្ភារៈតាមលំនាំខុសៗគ្នា ក្រុមអ្នក​ស្រាវ​ជ្រាវ​អាច​​ធ្វើ​​ឱ្យ​វា​ពត់ទៅជាទម្រង់ផ្សេងៗគ្នា ដូចជារូបរាងពាក់កណ្តាលរង្វង់ ឬរាងដូចខ្យង។

ទន្ទឹមនឹងនេះ ដោយសារតែ PMNF មានប្រភពមកពីកោសិកាដែលពាក់ព័ន្ធនឹងការវិវត្តឆ្អឹង ពួកវានឹងបង្កើត​សារ​ធាតុរ៉ែ​ដោយ​ធម្មជាតិ ហើយរឹងដូចឆ្អឹងនៅពេលដាក់ក្នុងខ្លួនមនុស្ស។

ដូច្នេះអ្នកវិទ្យាសាស្ត្រសង្ឃឹមថាថ្ងៃណាមួយអាចបញ្ចូល “microbot” តូច ដែលធ្វើពីវត្ថុនេះចូលទៅកន្លែងឆ្អឹងបាក់ស្មុគស្មាញនាពេលអនាគត។ ពួកវាពង្រីក និងបំពេញចន្លោះប្រហោងឆ្អឹង នៅពេលដែលបញ្ចូលចរន្តអគ្គិសនី។ បន្ទាប់មកវារឹងក្លាយទៅជាឆ្អឹង និងបំពេញចន្លោះនោះ។

នៅក្នុងការពិសោធន៍ ក្រុមអ្នកវិទ្យាសាស្ត្របានបង្កើតបន្ទះរុំជុំវិញឆ្អឹងមាន់ដោយជោគជ័យក្នុងបរិយាកាសបណ្តុះ​កោសិកា (ស្រដៀងនឹងរាងកាយមនុស្ស) ។ បន្ទះទាំងនេះបន្ទាប់មកលូតលាស់ទៅជាឆ្អឹងសិប្បនិម្មិតរួមបញ្ចូលជា​មួយ​ឆ្អឹង​មាន់។

ការស្រាវជ្រាវដឹកនាំដោយ Edwin Jager, Danfeng Cao, Emilio Satoshi Hara និង Jose Martinez ។

yukie