ភោជនីយដ្ឋាន Bikkuri Donkey ទទួលបានការសរសើរមិន​យកប្រាក់ដោយផ្តល់អាទិភាពជម្លៀសអតិថិជន​បន្ទាប់​ពី​សេចក្តី​ជូន​ដំណឹង​រលក​យក្ស

នៅព្រឹកថ្ងៃទី ១៦ ខែមករា សាខា Tagajo ខេត្ត Miyagi ខ្សែសង្វាក់ហាងនំប័ុងសាច់ Bikkuri Donkey ទទួលបានសេចក្តីជូនដំណឹងរលកយក្សស៊ូណាមិនៅភាគឦសានប្រទេសជប៉ុន បន្ទាប់ពីផ្ទុះភ្នំភ្លើងនៅមហាសមុទ្រប៉ាស៊ីហ្វិកខាង​ត្បូង។

សាខាហាងនំប័ុងសាច់ Bikkuri Donkey នៅ Tagajo ខេត្ត Miyagi 

សកម្មភាពនេះត្រូវបានលើកឡើងក្នុង​ការ​ថ្លែង​អំណរគុណ​ដោយ​គណនី Twitter ឈ្មោះ Mana នៅ​វេលាម៉ោង ១:៥៤ ព្រឹក​ថ្ងៃ​ដដែល។ គណនី Twitter នេះនិយាយថា ភោជនីយដ្ឋានផ្តល់អាទិភាពដល់ការណែនាំជម្លៀសអតិថិជន ហើយ​ប្រាប់​ភ្ញៀវ​ថាមិនចាំបាច់បង់ប្រាក់អាហារទេ ផ្ទុយទៅវិញប្រញាប់ទៅកន្លែងសុវត្ថិភាព។

“ខ្ញុំសូម​ឱនក្បាល​ចំពោះ​បុគ្គលិក​ដែល​បាន​ផ្តល់​អាទិភាព​ដល់​ជីវិត​មនុស្ស” ។

Tweet របស់ Mana ទទួលបានការចែករំលែកជាច្រើន និង ៣០៦,០០០ Likes គិតត្រឹមម៉ោង ១៨ៈ០០ ល្ងាចថ្ងៃទី ១៨ ខែ​មករា។

Mana បានចែករំលែកបន្ថែមទៀតថាបុគ្គលិកនៅភោជនីយដ្ឋាននិយាយថា “អ្នករាល់គ្នាគួរតែត្រលប់ទៅផ្ទះវិញ” បន្ទាប់ពីសេចក្តីជូនដំណឹងរលកយក្ស និងបញ្ជាជម្លៀសត្រូវបានបញ្ជូនមកវេលាម៉ោង ០០ៈ១៥ ព្រឹក។ នៅពេល Mana ទទួលទានរួច នាងស្នើអោយគិតប្រាក់។ ប៉ុន្តែបុគ្គលិកបានបដិសេធ និងជំរុញឱ្យមនុស្សគ្រប់គ្នា “ជម្លៀស​ឱ្យ​លឿន​តាម​ដែល​អាច​ធ្វើទៅបាន” ដូច្នេះទើប Mana ត្រឡប់ទៅទីក្រុង Sendai ទាន់ពេលវេលា។

Mana បាននិយាយថា “ខ្ញុំ​មាន​អារម្មណ៍​សោកស្ដាយ​យ៉ាងខ្លាំង​ដែល​មិន​បាន​ទូទាត់​ថ្លៃ​អាហារ​របស់ខ្លួន ប៉ុន្តែខ្ញុំរំភើប​ចិត្ត​ចំពោះ​ការសម្រេចចិត្តរបស់អ្នកគ្រប់គ្រងភោជនីយដ្ឋាន” ។

 Japo Cambodia