កម្រងរូបភាពបង្ហាញពីសម្រស់ធម្មជាតិដ៏ស្រស់បំព្រងនៅប្រទេស​ជប៉ុន

អ្នកអាចគយគន់សម្រស់ធម្មជាតិជាច្រើននៅក្នុងប្រទេសជប៉ុន ទោះជាយ៉ាងណាក្នុងចំណោមស្នាដៃទាំងនោះមិនងាយ​មើល​ឃើញ​ទេ។

ទិដ្ឋភាពស្រស់ស្អាតដែលលើកមកក្នុងអត្ថបទនេះគឺជាស្នាដៃបានមកពីធម្មជាតិនៅជប៉ុន។ មិន​ត្រឹម​តែ​ភ្ញៀវ​ទេស​ចរ​ណ៍​បរទេស​​ប៉ុណ្ណោះ​ទេ សូម្បីតែអ្នកស្រុកក៏ចង់ឃើញសម្រស់ធម្មជាតិដ៏អស្ចារ្យនោះដែរ។

១. Diamond dust – ធូលីពេជ្រ

រូបភាព https://www.jalan.net/news/article/459683/

នេះ​ជា​ទិដ្ឋភាព​ដែល​អាច​មើល​ឃើញ​នៅតំបន់មួយចំនួនដូចជាហុកកៃដូ ទីប្រជុំជន Miei ទីក្រុង Nayoro ឬស្រុក Tokachi ប៉ុណ្ណោះ។

ចំហាយទឹកក្នុងខ្យល់ត្រជាក់ ក្លាយទៅជាគ្រីស្តាល់ គ្រាប់ល្អិតដូចជាធូលី ភ្លឺចែងចាំងធ្លាក់ក្រោមពន្លឺព្រះអាទិត្យរះ។ ទេស​ភាព​ស្អាត​ដូចក្នុងរឿងព្រេង នៅ​ពេល​ដែល​ទេពធិតាបាចធូលីមកលើផែនដី ស្រដៀងពេជ្រថ្លា និងបរិសុទ្ធ។

លក្ខខណ្ឌចាំបាច់ធ្វើឱ្យបាតុភូតកើតឡើង៖

• សីតុណ្ហភាពក្រោម – ១០ អង្សាសេ
• គ្មានខ្យល់
• មានពន្លឺថ្ងៃ
• មានភាពខុសគ្នារវាងសីតុណ្ហភាពថ្ងៃមុន

បាតុភូតនេះអាចមើលឃើញតែនៅពេលព្រឹកប៉ុណ្ណោះ ពេលប្រមូលផ្តុំលក្ខខណ្ឌ​ខាងលើ​។

ថ្វីត្បិតតែអាចគយគន់ទេសភាពនេះចាប់ពីខែមករាដល់ខែកុម្ភៈ នេះមិនមែនជាបាតុភូតដែលងាយនឹងមើលឃើញ​នោះ​ទេ ដូច្នេះអ្នកដែលបានឃើញ “ធូលីពេជ្រ” ពិតជាមានសំណាងខ្លាំងណាស់។

២. 樹氷 (ដើមឈើកក) 

បាតុភូតនេះអាចរកមើលនៅខេត្ត Yamagata និង Miyagi ។

នៅពេលដែលពពកសមុទ្រមានសំណើមខ្ពស់ជួបនឹងត្រជាក់រសាត់ទៅដល់ភ្នំ បង្កើតទៅជាព្យុះព្រិលខ្លាំង។ ព្រិលគ្រប​ដណ្ដប់​លើដើមស្រល់បណ្តាលឱ្យដើមឈើកក ជាមួយនឹងកម្លាំងព្យុះ បរិមាណព្រិល និងទឹកកកនៅលើដើមឈើច្រើន​បង្កើត​បាន​ជារូបរាងប្លែកៗ។

បាតុភូតនេះត្រូវបានគេហៅម្យ៉ាងទៀតថា Snow Monster (សត្វចម្លែកព្រិល) ដូចរូបរាងខាងក្រៅ។

មិនដូចជា “ធូលីពេជ្រ” ខាងលើដែលនឹងរលាយបាត់ភ្លាមៗទេ Snow Monster អាចបន្ត​ក្នុង​រយៈ​ពេល​យូរ​ជាង ដូច្នេះឳកាសមើលឃើញខ្ពស់។

៣. Diamond Fuji – ភ្នំហ្វូជីពេជ្រ

ជាពេលវេលាដ៏អស្ចារ្យនៅពេលដែលព្រះអាទិត្យរះចំកំពូលភ្នំហ្វូជី រួមជាមួយនឹងទិដ្ឋភាពឆ្លុះបញ្ចាំងភ្នំហ្វូជីក្រោមផ្ទៃទឹកស្ងប់ស្ងាត់ បង្កើតបានជារាងពេជ្រដ៏ល្អឥតខ្ចោះ។

ទេសភាពនេះអាចគយគន់ក្នុងរយៈពេលកំណត់មុនមួយសប្តាហ៍ ចាប់ពីថ្ងៃទី ២០ ខែមេសា ឬថ្ងៃទី ២០ ខែសីហា បឹង Tanuki នៅ Shizuoka។

លក្ខខណ្ឌត្រូវតែមានពន្លឺថ្ងៃ គ្មានខ្សល់ជួយឱ្យផ្ទៃបឹងមានភាពស្ងប់ស្ងាត់ នៅពេលនោះទើបអាចឆ្លុះបញ្ចាំងទិដ្ឋភាពភ្នំហ្វូជីពេញលេញ។ ជាទូទៅ នេះជាលក្ខខណ្ឌដ៏កម្រ ដូច្នេះប្រសិនបើអ្នកមានគម្រោងចាប់យកទិដ្ឋភាពនេះ ត្រូវបន់ស្រន់​មុន​ពេលចេញដំណើរ។

៤. 桜の絨毯 – ផ្កាសាគូរ៉ា

ទិដ្ឋភាពនេះឃើញនៅប្រាសាទ Hirosaki (Aomori) ។

ទេសភាពផ្កាសាគូរ៉ាបង្កើតឡើងនៅពេលដែលដើមផ្កាសងខាង​ធ្លាក់​មក​លើ​ប្រឡាយ​ជុំវិញ​ប្រាសាទ ធ្វើឱ្យផ្ទៃទឹកមាន​​ពណ៌​ផ្កាឈូក​ដ៏​ស្រស់​ស្អាត។ ទិដ្ឋភាពល្អឥតខ្ចោះបំផុតនៅពេលដែលចំនួនផ្កាគ្របដណ្តប់ផ្ទៃទឹក បិទបាំងផ្ទៃទឹក​​ថ្លា​​ទាំង​​ស្រុង។

ផ្កាសាគូរ៉ានៅទីក្រុង Hirosaki រីកនៅចុងខែមេសា និងដើមខែឧសភា។ ដូច្នេះហើយពេលវេលាគយគន់ផ្កាល្អបំផុត​ពី ៣ ទៅ ៥ ថ្ងៃ​បន្ទាប់​ពី​ចេញផ្កា។

៥. 天空の城 – ប្រាសាទនៅលើមេឃ

ប្រាសាទ Echizen Ono នៅខេត្ត Fukui អណ្តែតលើពពក ដូចជាទិដ្ឋភាពនៅក្នុងខ្សែភាពយន្ត Laputa – ប្រាសាទនៅលើមេឃរបស់ Ghibli អញ្ចឹងដែរ។

បាតុភូត​នេះ​ច្រើន​តែ​ឃើញ​នៅ​ពេល​ព្រឹកព្រលឹម​ត្រជាក់ ប៉ុន្តែដើម្បីចាប់យកទិដ្ឋភាពនៅលើមេឃមិនមែនជាការងាយស្រួលនោះទេ។ មនុស្សជាច្រើនចំណាយ​ពេល ៣០ នាទី ដើម្បីឡើងភ្នំដោយសង្ឃឹមថាអាចគយគន់ទេសភាពដ៏អស្ចារ្យនេះ ប៉ុន្តែចាកចេញដោយខកចិត្ត។

បច្ចុប្បន្ននេះ ចំនួនអ្នកឆ្លងជំងឺនៅក្នុងប្រទេសជប៉ុនបង្ហាញសញ្ញាកើនឡើងវិញ យ៉ាង​ណា​មិញ ធម្មជាតិ​​ស្រស់​ស្អាត​មិនប្រែ​ប្រួល​ឡើយ។ ខ្ញុំសង្ឃឹមថានៅថ្ងៃណាមួយយើងអាចគយគន់ផ្កាសាគូរ៉ា។

Kengo Abe