ជប៉ុន​ដាក់ចេញ​ការ​លើក​លែង​សម្រាប់​និស្សិត​បរទេស​មួយ​ចំនួន​ដែល​អនុញ្ញាត​ឱ្យ​ចូល​ប្រទេស

នេះ​បើ​តាម​អ្នក​នាំ​ពាក្យ​ជប៉ុនបាននិយាយថា ជប៉ុនគ្រោងនឹងអនុញ្ញាតឱ្យនិស្សិតបរទេសចំនួន ៨៧ នាក់ដែលសិក្សាលើអាហារូបករណ៍រដ្ឋាភិបាលចូលប្រទេសជប៉ុន បង្កើតជាករណីលើកលែងចំពោះគោលនយោបាយព្រំដែនដែល​កំពុង​ត្រូវបានអនុវត្ត ដើម្បីការពារការរីករាលដាលជំងឺកូវីដ ១៩ ប្រភេទថ្មី។

និស្សិតទាំងនេះត្រូវបានអនុញ្ញាតឱ្យចូលប្រទេសនៅចុងខែនេះ ហើយពួកគេត្រូវតែអនុវត្តតាមការដាក់ឱ្យនៅដាច់​ដោយ​ឡែក​រយៈ​ពេល ១០ ថ្ងៃនៅឯសណ្ឋាគារដែលរៀបចំដោយសាលា។

ប្រធានលេខាធិការខុទ្ទកាល័យលោក Hirokazu Matsuno ថ្លែងក្នុងសន្និសីទសារព័ត៌មានថាសេចក្តីសម្រេចករណីលើកលែងនេះ “គិតគូរដល់ផលប្រយោជន៍សាធារណៈ និងបញ្ហាបន្ទាន់” ។

រូបភាព Japan times

លោក Matsuno បាននិយាយថានិស្សិត ៨៧ នាក់មិនដល់មួយឆ្នាំទៀតនឹងបញ្ចប់ការសិក្សា ឬកម្មវិធីសិក្សា ហើយរដ្ឋាភិបាល​បានសម្រេចសម្រួលដល់ពួកគេក្នុងការបញ្ចប់កម្មវិធីនេះ។

ជប៉ុនបានដាក់ចេញបម្រាមចូលកាលពីថ្ងៃទី ៣០ ខែវិច្ឆិកាឆ្នាំមុន ក្រោមបរិបទព្រួយបារម្ភចំពោះការរីករាលដាលខ្ពស់នៃប្រភេទអូមីក្រុង។ បម្រាម​នេះ​ត្រូវ​បាន​បន្ត​រហូត​ដល់​ចុង​ខែ​កុម្ភៈ។

រដ្ឋាភិបាលបានឱ្យដឹងថានឹងបន្ធូរបន្ថយការរឹតបន្តឹងចូលប្រទេស ប្រសិនបើមាន “ស្ថានភាពពិសេស” រួមទាំងការទៅសួរសុខទុក្ខអ្នកជំងឺធ្ងន់ធ្ងរ ឬចូលរួមពិធីបុណ្យសព ប៉ុន្តែគោលការណ៍បច្ចុប្បន្ននៅតែរក្សាដដែល បន្ទាប់ពីករណី​អូមីក្រុង​មានការកើនឡើង។ លោក Matsuno បាននិយាយថា រដ្ឋាភិបាលនឹងពិនិត្យករណីបុគ្គល ដើម្បីធ្វើការលើក​លែង​បន្ថែមទៀត។

ការផ្លាស់ប្តូរនេះកើតឡើងក្នុងបរិបទអ្នកសិក្សា និងអ្នកសេដ្ឋកិច្ចមានការព្រួយបារម្ភចំនួននិស្សិតបរទេសបោះ​បង់​ការ​សិក្សា​នៅប្រទេសជប៉ុន ខណៈប្រឈមនឹងការគ្រប់គ្រងព្រំដែនតឹងរឹង។

ប្រធាន ANA លោក Shinya Katanozaka បាននិយាយថា វិធានការរបស់រដ្ឋាភិបាលកំពុង “ប៉ះពាល់ដល់និស្សិតបរទេស និងអាជីវកម្មដែលជួលកម្មករបរទេស” ។

សេចក្តីថ្លែងការណ៍ក្នុងបរិបទជើង​ហោះ​ហើរ​អន្តរជាតិធ្លាក់​ចុះ​យ៉ាង​ខ្លាំង “ខ្ញុំសង្ឃឹមថារដ្ឋាភិបាលនឹងធ្វើឱ្យមានតុល្យភាពរវាងការគ្រប់គ្រងការឆ្លងវីរុសប្រកប​ដោយ​ប្រសិទ្ធភាព និងសកម្មភាពសេដ្ឋកិច្ចសង្គមតាមទស្សនៈវិទ្យា​សាស្ត្រ” ។

Sacchan