ភាពខុសគ្នារវាង “រលកយក្សស៊ូណាមិ” និង “រលកធំ” សូមកុំមើលស្រាលរលកយក្សស៊ូណាមិ

តើអ្នកដឹងថាសណ្ឋានរលកយក្សស៊ូណាមិខុសពីរលកធម្មតាដែរទេ?

នៅក្នុងគ្រោះមហន្តរាយតំបន់ភាគឦសានប្រទេសជប៉ុនឆ្នាំ ២០១១ មិនមែនបណ្តាលមកពីរញ្ជួយដីនោះទេ ប៉ុន្តែ​ខូច​​ខាត​​ភាគ​​ច្រើន​ដោយសាររលកយក្ស​ស៊ូ​ណា​មិបង្ក​ឡើង។

តើ​អ្នក​អាច​ស្រមៃ​គិតថា​​រលក​យក្ស​ស៊ូណាមិ​ជា​អ្វី​ដែរ​ទេ? រលកយក្សស៊ូណាមិមិនប្រាកដថាជារលកធំប៉ុណ្ណោះទេ។

ក្នុង​ចំណោម​ជនរងគ្រោះដោយសារ​រលក​យក្ស​ស៊ូណាមិ មាន​មនុស្ស​ជា​ច្រើន​ចង់​ដឹង​ថា​រលក​យក្ស​ស៊ូណាមិ​ធំ​ប៉ុណ្ណា។ មិនរកកន្លែងជ្រកកោន ពួកគេបែរជាទៅជិតឆ្នេរសង្កេតមើល។

នៅថ្ងៃទី ១៥ ខែមករា ឆ្នាំ ២០២២ គេព្យាករណ៍ថាមានរលកយក្សស៊ូណាមិកម្ពស់ ១,២ ម៉ែត្រនឹង​បោកបក់ចូលឆ្នេរសមុទ្រជប៉ុននៅថ្ងៃបន្ទាប់ បង្កឡើងដោយបន្ទុះភ្នំភ្លើងក្រោមដីនៅឯសមុទ្រ Tonga ក្នុងមហាសមុទ្រប៉ាស៊ីហ្វិកខាង​​ត្បូង។

នៅពេលដែលមនុស្សជាច្រើនមើលឃើញសេចក្តីជូនដំណឹងនេះគិតថា “រលកមានកម្ពស់ ១,២ ម៉ែត្រជារឿងធម្មតាទេ ហេតុ​អ្វី​បាន​ជា​ត្រូវភៀសខ្លួន?”

ខ្ញុំយល់អារម្មណ៍នេះ ប៉ុន្តែប្រសិនបើអ្នកយល់ពីភាពខុសគ្នារវាងរលកយក្សស៊ូណាមិ និងរលកធម្មតា អ្នកនឹងដឹងអំ​ពី​កម្រិតគ្រោះថ្នាក់។

អ្នកអាចឃើញពីភាពខុសគ្នាតាមរយៈរូបភាពខាងក្រោម។

ជាទូទៅ តំណាងរលកធម្មតាគឺរូបភាពខាងលើ ដែលបង្ហាញថារលកខ្ពស់ ប៉ុន្តែបរិមាណទឹកថេរ។ ចំណែកឯនីវ៉ូទឹកសមុទ្រមួយផ្នែកធ្លាក់ចុះព្រោះតែបរិមាណទឹករុញឡើងទៅលើបង្កើតជារលកធំ ដូច្នេះទោះបីជាទឹកឆ្លងកាត់ទំនប់​ក៏​មិន​មានកម្លាំងគ្រប់គ្រាន់បំបែក​ទំនប់​ដែរ។ 

ម្យ៉ាងវិញទៀត កម្រិតទឹកសមុទ្រក្នុងរូបភាពតំណាងឲ្យរលកកើនឡើង។ ទោះបីជាកម្ពស់ប្រហាក់ប្រហែលរលកធំ ប៉ុន្តែមានភាពខុសគ្នារវាងបរិមាណទឹក។ នៅពេលដែលរលកឡើងផុតទំនប់ នាំយកបរិមាណទឹកច្រើន​ហូរ​ចូលទីក្រុងដែលនឹងបោកបក់ហេដ្ឋារចនាសម្ព័ន្ធ។

ត្រឹមចំណុចនេះក៏បង្ហាញឲ្យឃើញពីកម្រិតខុសគ្នាទៅហើយ។

រលកធំគ្រាន់តែខ្ទាតទឹក ចំណែកឯរលកយក្សស៊ូណាមិអាចបោកបក់គ្រប់យ៉ាង។ ប្រសិនបើ​ត្រូវ​រលក​យក្ស​ស៊ូណាមិ​បោកបក់​ មិន​ត្រឹម​តែ​មិន​អាច​សង្គ្រោះ​បានប៉ុណ្ណោះទេ​ សូម្បីតែសាកសពក៏ពិបាករកឃើញដែរ។ ជនរងគ្រោះត្រូវសមុទ្រ​លេប​ត្របាក់ ហើយបញ្ចប់ជីវិតនៅលើមហាសមុទ្រដ៏ធំ។

មិន​ត្រឹម​តែ​ប្រទេស​ជប៉ុន​ប៉ុណ្ណោះ​ទេ សូម្បីតែប្រជាជន​ដែល​រស់​នៅ​តាម​តំបន់​ឆ្នេរ​ក៏​ត្រូវ​ប្រុង​ប្រយ័ត្ន​ចំពោះ​ហា​និ​ភ័យ​​រលក​​យក្ស​ស៊ូណាមិផង​ដែរ។​

គ្រោះមហន្តរាយនៅឆ្នាំ ២០១១ រលកយក្សស៊ូណាមិបានយកជីវិតសមាជិកគ្រួសាររបស់ខ្ញុំ។ ដូច្នេះសូម​កុំ​មើល​ស្រាល​រលក​យក្ស​ស៊ូណាមិ ហើយបើទោះជាសេចក្តីជូនដំណឹងរលកមានកម្ពស់តែ ១,២ ម៉ែត្រក៏ដោយ។

នៅពេលប្រឈមមុខនឹងរលកយក្សស៊ូណាមិ មធ្យោបាយដែលល្អបំផុតគឺរត់ទៅរកកន្លែងខ្ពស់។ អ្នកត្រូវធ្វើសកម្មភាព​ឲ្យ​បាន​លឿន ព្រោះរលកឆ្លងកាត់អាចលឿនដូចជាយន្តហោះ។

ប្រសិនបើអ្នកមានអារម្មណ៍រំញ័រខ្លាំងនៅតំបន់មាត់សមុទ្រ កុំគិតអ្វីទាំងអស់ ហើយរត់ឡើងទៅលើភ្នំភ្លាម។ ត្រឹម​តែប៉ុណ្ណឹង​ អ្នកអាចសង្រ្គោះជីវិតរបស់ខ្លួន។

Kengo Abe