ក្រុមហ៊ុន Yahoo ជប៉ុនអនុញ្ញាតឱ្យបុគ្គលិកជិះយន្តហោះទៅធ្វើការមែនឬ?

ដោយសារឥទ្ធិពលជំងឺកូវីដ ១៩ រដ្ឋាភិបាលលើកទឹកចិត្តទម្រង់ធ្វើការពីចម្ងាយ (Remote Work) ហេតុ​ដូច្នេះអាជីវកម្ម​ជប៉ុន​កាន់តែច្រើនកាត់បន្ថយចំនួនថ្ងៃទៅធ្វើការសម្រាប់បុគ្គលិក។ ជាពិសេសចំពោះក្រុមហ៊ុន IT បុគ្គលិកមិន​មាន​​ការលំបាកអ្វីឡើយនៅពេលធ្វើការពីចម្ងាយ ព្រោះពួកគេអាចដោះស្រាយបញ្ហាបច្ចេកទេសបានយ៉ាងល្អ។ ប៉ុន្តែ​ក្រោមស្ថានភាពបច្ចុប្បន្ន យ៉ាងហោចណាស់ពីរបីដងក្នុងមួយខែ ឬពីរបីដងក្នុងមួយសប្តាហ៍ បុគ្គលិកត្រូវទៅការិយាល័យ។ ជាការពិតណាស់ យើងនៅតែមិនទាន់បានត្រៀមលក្ខណៈបច្ចេកវិទ្យា និងស្មារតីគ្រប់គ្រាន់ ដើម្បីឆ្លើយ​តប​ទៅ​នឹងការងារពីចម្ងាយទាំង​ស្រុង​ឡើយ។

គ្មាននរណាម្នាក់ចង់អោយមានជំងឺរាតត្បាតនោះទេ ហើយក៏កម្រនឹងធ្វើការមិនចាំបាច់ទៅការិយាល័យដែរ។ ជនជាតិជប៉ុនជាច្រើនចង់ទទួលយកបទពិសោធន៍ការងារពីចម្ងាយនៅកន្លែងដាច់ស្រយាល ប៉ុន្តែជាក់ស្តែងពិត​ជា​ពិបាក​ណាស់ ព្រោះពួកគេត្រូវទៅក្រុមហ៊ុនតាមកាលវិភាគ។ 

ដោយដឹងអំពីចំណុចនេះ YAHOO! JAPAN បានស្នើររបៀបថ្មីមួយ ក្នុងនោះបុគ្គលិករបស់ពួកគេអាចធ្វើការនៅគ្រប់ទីកន្លែងទូទាំងប្រទេសជប៉ុន។

សូមផ្តោតអារម្មណ៍ធ្វើការពីចម្ងាយ ជាមួយនឹងជំនួយរហូតដល់ ១៥០,០០០ យ៉េនក្នុងមួយខែ អ្នកអាចទៅធ្វើការតាម​យន្ត​ហោះ​បាន។

គោលដៅបុគ្គលិកពេញម៉ោង បុគ្គលិកជាប់កិច្ចសន្យា បុគ្គលិកក្រៅម៉ោង សរុបប្រមាណ ៨០០០ នាក់។

ស្តាប់ទៅល្អណាស់មែនទេ?

ប្រហែលកាលពី ២០ ឆ្នាំមុន ខ្ញុំក៏ធ្លាប់ជាបុគ្គលិករបស់ YAHOO! JAPAN ដែរ។ នៅពេលនោះថ្នាក់លើរបស់ខ្ញុំច្រើន​ជិះ Shinkansen ទៅធ្វើការ។ ពិតណាស់ការធ្វើដំណើរថ្លៃ ដូច្នេះក្រុមហ៊ុនធម្មតាមិនអាចឧបត្ថម្ភបុគ្គលិកឱ្យជិះ Shinkansen ទៅធ្វើការបានទេ។ ទោះជាយ៉ាងណានោះជារឿងកាលពី ២០ ឆ្នាំទៅហើយ។

នៅពេលនោះខ្ញុំគិតថាក្រុមហ៊ុនពិតជាអស្ចារ្យណាស់ ប្រហែលចំណេញច្រើនទើបធ្វើដូច្នេះ ប៉ុន្តែលើកនេះគេធ្វើខ្លាំងជាង​មុន​ទៅ​ទៀត។ ជិះយន្តហោះមែនឬ?

ដោយសារតែជិះយន្តហោះតម្រូវអោយបំពេញបែបបទច្រើន ដូច្នេះ YAHOO! JAPAN ហាមឃាត់សំណើការងារដែលមិនបានគ្រោងទុក។ សំណើទៅកាន់ការិយាល័យត្រូវធ្វើមុនយ៉ាងតិច ២ ថ្ងៃ។

ដូច្នេះបុគ្គលិកដែលនៅតំបន់ដាច់ស្រយាលដូចជាហុកកៃដូឬអូគីណាវ៉ា នៅតែអាចធានាថាពួកគេមកដល់ការិយាល័យតាមចំនួនថ្ងៃកំណត់ត្រឹមត្រូវ។

អាចនិយាយបានថាយន្តការនេះឆ្ពោះទៅរករបៀបធ្វើការពីចម្ងាយយ៉ាងល្អឥតខ្ចោះ ប៉ុន្តែជាលទ្ធផល តើទម្រង់​ការ​ងារ​ពី​ចម្ងាយ​អាច​បង្កើនប្រសិទ្ធភាព​ការ​ងារ​ដែរ​ទេ? តើការបណ្តុះបណ្តាលបុគ្គលិកថ្មីនឹងទៅជាយ៉ាងណា?

លទ្ធផលយ៉ាងណា​ត្រូវ​រង់ចាំ​ប៉ុន្មាន​ឆ្នាំ​ទៀតទើបរក​ឃើញ​ចម្លើយ។ នៅពេលដែលយើងចាត់ទុកការងារពីចម្ងាយដូច​ជា “រឿងធម្មតា” ប្រហែលជាមនុស្សជាច្រើននឹងសប្បាយចិត្ត ព្រោះតែជីវិតកាន់តែងាយស្រួល ប៉ុន្តែតើយើងនឹង​ជោគ​ជ័យ​ទេ?

Kengo Abe