ទារកអាយុ ២ ខែត្រូវឪពុកបង្កើតប្រើអំពើហិង្សាវាយបាក់ជើងឆ្វេង និងដាក់ក្នុងទូរទឹកកក

បុរសអាយុ ៤២ ឆ្នាំម្នាក់រស់នៅទីក្រុងភាគខាងលិចប្រទេសជប៉ុនត្រូវបានចាប់ខ្លួនកាលពីថ្ងៃទី ១០ ខែមករា ដោយ​ចោទ​ប្រកាន់​ពី​បទ​ទុកកូនប្រុសទីពីរអាយុ ២ ខែក្នុងទូរទឹកកក។

ប៉ូលីសខេត្ត Osaka បានអោយដឹងថាបុរសឈ្មោះ Tatsuji Nishioka ជាបុគ្គលិកការិយាល័យរស់នៅ Higashisumiyoshi បាន​រៀប​ការ និងមានកូនប្រុសពីរនាក់។

ទីស្នាក់ការប៉ូលីសខេត្តអូសាកា

មុននោះប្តីប្រពន្ធលោក Nishioka នាំកូនប្រុសពៅទៅកាន់មន្ទីរពេទ្យកាលខែសីហាឆ្នាំ ២០២១ ព្រោះតែជើងរបស់ទារកហើម។ តាម​រយៈ​ការ​ពិនិត្យគ្រូពេទ្យ​បាន​រក​ឃើញ​ថាឆ្អឹង​ជើង​ឆ្វេង និង​ឆ្អឹងជំនី​របស់​ទារកត្រូវបាក់។ ដោយ​បារម្ភ​​ថា​ទារក​ត្រូវ​គេ​ធ្វើ​បាប គ្រូពេទ្យម្នាក់បានរាយការណ៍ប្រាប់ប៉ូលីស និង​មជ្ឈមណ្ឌល​ប្រឹក្សា​សុខុមាលភាព​កុមារ។

ភ្លាមៗនោះប៉ូលីសបានរកឃើញរូបថត វីដេអូក្នុងកុំព្យូទ័រ និងទូរស័ព្ទរបស់លោក Nishioka ចាប់យកទិដ្ឋភាពកូនប្រុសត្រូវឪពុក Nishioka បោះចូលទៅក្នុងទូទឹកកក។

ប៉ូលីសសង្ស័យថានេះជាករណីអំពើហិង្សាធ្ងន់ធ្ងរ ជាមួយគ្នានេះកូនប្រុសច្បងរបស់ Nishioka ក៏ត្រូវឪពុកម្តាយបង្កើត​ធ្វើ​បាប​ជា​ប្រចាំផងដែរ។

ចំពោះការចោទប្រកាន់របស់ប៉ូលីស លោក Nishioka បានបដិសេធអំពើ​ហិង្សា​លើ​កូន​ប្រុស​ពៅ ហើយនិយាយថាការ​ដែល​ទុក​កូន​ប្រុសក្នុងទូរទឹកកកមិនមែនចង់ធ្វើទារុណកម្មឬធ្វើបាបកូននោះទេ។

រូបភាព https://news.livedoor.com/article/detail/21492319/

ក្នុងអំឡុងពេលស៊ើបអង្កេតប៉ូលីសបានរកឃើញបន្ថែមទៀតថាប្តីប្រពន្ធលោក Nishioka នាំកូនប្រុសទាំងពីរនាក់របស់ខ្លួនទៅសណ្ឋាគារមួយនៅទីក្រុង Fukuoka ភាគនិរតីប្រទេសជប៉ុន ដើម្បីធ្វើដំណើរក្នុងខែមេសា ឆ្នាំ ២០២១ ។ នោះក៏ជាពេលលោកឪពុកដាក់កូនប្រុសចូលក្នុងទូទឹកកកដែលមានសីតុណ្ហភាព ១៨ អង្សារនៅសណ្ឋាគាររួចថតទុក។ មិនត្រឹម​តែប៉ុណ្ណឹងប៉ូលីសក៏រកឃើញថា Nishioka ប្រើឧទ្ធម្ភាគចក្រប្រដាប់ប្រដាក្មេងលេងដែលបញ្ជាពីចម្ងាយ​ទៅ​បុក​ដៃកូនប្រុសរបស់ខ្លួនកាលពីខែមីនា ឆ្នាំ ២០២១ ។ បច្ចុប្បន្ននេះក្មេងប្រុសទាំងពីរនាក់ត្រូវបាន​បំបែក​ចេញ​​ពី​ប្តី​ប្រពន្ធលោក Nishioka ហើយបញ្ជូនទៅកាន់មណ្ឌលថែទាំ ការពារកុមារ។ ភ្នាក់ងារស៊ើបអង្កេតនឹងបន្តបំភ្លឺករណីអំពើ​ហិង្សា​នេះ។

yukie